Avisos

SERVIZOS PRESTADOS POLA POLICÍA LOCAL
Dende as 08:00 horas do día 21/09/2023 ata as 08:00 horas do día 22/09/2023

--:-- LOCALIZACIÓNS PERMANENTES: de dúas persoas.
CONTROIS E INSPECCIÓNS: en varias zonas da cidade.
ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• 13:45 ACCIDENTE DE TRÁFICO: na avenida Xoán XXIII entre dous vehículos con resultado de danos materias.
• 15:40 ACCIDENTE DE TRÁFICO: no aparcamento do CC As Cancelas entre dous vehículos con resultado de danos materiais.
• 16:01 ACCIDENTE DE TRÁFICO: na rúa Frei Rosendo Salvado un vehículos golpea unha árbore e un bolardo causándolle danos.
• 17:29 ACCIDENTE DE TRÁFICO: no vial SC 20 de acceso ao polígono de Costa Vella, entre dous vehículos con resultado de danos materiais e unha persoa ferida leve.
• 05:00 PROBA DE ALCOL, na rúa Betanzos realízase proba de alcol e drogas ao condutor dun vehículo, con resultado de positivo en vía penal de alcol e positivo en drogas.
• 05:18 ACCIDENTE DE TRÁFICO, na avenida de Novoa Santos, requiere o condutor do vehículo que ten apoiado contra a súa parte posterior outro vehículo.
• 06:00 ACCIDENTE DE TRÁFICO, na avda. de Mestre Mateo, prodúcese a saída de vía dun vehículo, ofrecendo o seu condutor un resultado positivo en alcol con taxa penal.
10:00 MANIFESTACIÓN: préstase servizo por mor dunha manifestación.
13:50 INCENDIO EN GARDERIA INFANTIL: na rúa Muíño informa dotación de bombeiros que o incendio se iniciara nun cadro eléctrico, e que fora sufocado pola responsable da gardería que indica que hai un total de vinte nenos que están todos ilesos.
03:59 CONSUMO DE BEBIDAS EN VÍA PÚBLICA: na rúa Nova, identifícase unha persoa por estar bebendo na rúa. Proponse para sanción.
04:15 CONTEDORES TIRADOS: na rúa da Oliveira, atópanse todos os contedores de lixo tirados. Faise cargo Urbaser.
--:-- FESTAS EN PISO: acódese a 13 pisos, 6 positivos.
--:-- OURIÑOS: 4 propostas de sanción.

Os vindeiros 25 e 29 de setembro, as rúas Viena e Restollal sufrirán restricións na circulación por mor da rodaxe da serie "El caso Asunta".

LUNS 25

- Cortes intermitentes de tráfico (3 a 5 minutos) na rúa Viena dende as 08:30 horas ata as 19:30 horas.

VENRES 29

- Cortes intermitentes de tráfico (5 a 10 minutos) na rúa do Restollal, sentido centro da cidade, para a gravación do percorrido cun vehículo "CAMARA CAR", dende as 12:00 horas ata as 14:30 horas.

O Concello de Santiago prégalle á cidadanía que desculpe as molestias que estas alteracións lle poidan ocasionar.

Desde as 10 h do martes 26 ata as 20 h do venres 29, a praza de Mazarelos estará pechada á circulación para facilitar os labores de montaxe e desmontaxe para a celebración dunha serie de concertos organizados pola USC dentro do seu programa de benvida do curso 2023/2024 que se terán lugar o xoves 28 entre as 20 h e as 00 h. Permitirase o paso de residentes.

O Concello de Santiago prégalle á cidadanía que desculpe as molestias que estas alteracións lles poidan ocasionar.

Por mor dun concerto do Festival Maré, que se celebrará o sábado 23 entre as 13.00 h e as 00.30 h, e para facilitar as labores de montaxe e desmontaxe, pecharse á circulación a praza de Mazarelos dende hoxe, xoves 21, ata as 20.00 do luns 25. Permitirase o paso de residentes.

O Concello de Santiago prégalle á cidadanía que desculpe as molestias que estas alteracións lles poidan ocasionar.

Servizos de transporte urbano para asistir ao partido do Monbus Obradoiro o sábado 23 de setembro ás 20:45 h no multiúsos Fontes do Sar.

Haberá un servizo lanzadeira desde a rúa da Rosa ata o multiusos Fontes do Sar a partir das 19:45 h.

A liña C11 (circular de Fontiñas) accederá ao multiúsos Fontes do Sar nas viaxes con paso aproximado por Xeneral Pardiñas ás 19:45, 20:00, 20:15 e 20:30. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa da Rosa.

O paso dos vehículos baixo as rotondas superiores da Avd. Gonzalo Torrente Ballester con avd. Lugo e da avd. Gonzalo Torrente Ballester con rúa Roma quedarán pechadas ao tráfico entre o 18 e o 22 de setembro en horario nocturno para labores de limpeza e repintado do petril da SC-20. Dous días cortarase o sentido cara a Santiago, e outros dous cara o Polígono do Tambre.

O Concello de Santiago prégalle á cidadanía que desculpe as molestias que estas alteracións lles poidan ocasionar.

Os vindeiros 18, 21 e 22 de setembro, as rúas Viena, Xeneral Pardiñas, Doutor Teixeiro, Restollal e Os Loureiros sufrirán restricións na circulación por mor da rodaxe da serie "El caso Asunta".

LUNS 18

- Corte total de tráfico na rúa Viena, dende as 08:30 horas ata as 19:00 horas con desvío dos vehículos. Non afectará ao transporte urbano.

XOVES 21

- Cortes intermitentes de tráfico (5 a 10 minutos) na rúa do Restollal, sentido centro da cidade, para a gravación do percorrido cun vehículo "CAMARA CAR", dende as 15:00 horas ata as 17:00 horas.
- Cortes intermitentes de tráfico (3 a 5 minutos) na rúa Doutor Teixeiro (no cruzamento coa rúa da República de El Salvador), dende as 16:00 horas ata as 19:00 horas e das 21:00 horas ata as 23:30 horas.
- Cortes intermitentes de tráfico (3 a 5 minutos) nas rúas Xeneral Pardiñas (no cruzamento coa República de El Salvador), dende as 11:00 horas ata as 01:00 horas.

VENRES 22

- Cortes intermitentes de tráfico (3 a 5 minutos) na rúa dos Loureiros, dende as 11:00 horas ata as 01:00 horas.

O Concello de Santiago prégalle á cidadanía que desculpe as molestias que estas alteracións lle poidan ocasionar.

A partir do vindeiro luns, 18 de setembro, a rúa da Pastoriza quedará pechada ao tráfico durante aproximadamente 3 meses debido á execución das obras de urbanización e de adecuación das infraestruturas urbanas da vía. O obxectivo desta intervención é a mellora da mobilidade e accesibilidade do barrio da Almáciga na súa vertente oeste e nas súas zonas altas. En concreto, esta fase centrarase nesta arteria principal que se estende desde San Roque ata a praza da Paz, xa en Salgueiriños, e que conecta o barrio co resto da cidade.

Durante os tres meses estimados de duración dos traballos, os vehículos serán desviados cara ás rúas Xoán XXIII e Coímbra.

Transporte urbano

Por mor destas obras, as liñas que circulan pola zona terán que realizar desvíos a partir do 18 de setembro nos dous sentidos de circulación. En concreto, veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

Na páxina web de Tussa pódense consultar as paradas suprimidas e alternativas para cada liña.

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.

Desde as 19:00 horas do venres 15 de setembro ata as 06:00 horas do domingo 17 de setembro, a rúa Pontepedriña de Arriba (O Romaño) quedará pechada ao tráfico con motivo da celebración do WOS Festival X SON Estrella Galicia na Fundación Laboral da Construción.

O Concello de Santiago prégalle á cidadanía que desculpe as molestias que estas alteracións lle poidan ocasionar.

Mañá, mércores 13 de setembro, producirase o corte da avenida de Xoán XXIII, no cruzamento coa rúa dos Castiñeiros, por mor da instalación dun guindastre móbil para unha obra de carácter particular, desde as 10:00 ata as 13:00 horas, aproximadamente.

O Concello de Santiago pregalle á cidadanía que desculpe as molestias que estas alteracións lle poidan ocasionar.