Avisos

Xefatura do Corpo
Dende as 08:00 horas do día 24/07/2024 ata as 08:00 horas do día 25/07/2024

--:-- LOCALIZACIÓNS PERMANENTES: dunha persoa
--:-- CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• Ás 11:52 Horas ATROPELO, na avda. da Coruña un vehículo atropela un peón que cruzaba fora do paso de peóns e resulta ferido.
• Ás 21:24 Horas, ATROPELO, na rúa Doutor Teixeiro, un vehículo atropela a unha peoa, con prognóstico reservado.
11:15 MANIFESTACIÓN: na rúa do Hórreo, que discorre pola zona monumental sen incidencia.
12:25 CONCENTRACIÓN: na praza do Obradoiro, sen incidencias.
21:01 MANIFESTACIÓN: préstase servizo en distintas rúas con motivo de manifestación autorizada, finalizando a mesma na zona monumental.
22:30 SERVIZO ESPECIAL: con motivo do concerto na Praza da Quintana.
23:00 SERVIZO ESPECIAL: con motivo dos Fogos do Apóstolo. Non se rexistra ningunha incidencia.
03:11 INTOXICACIÓN: Na carballeira de Santa Marta identifícase unha persoa con intoxicación etílica, sendo necesario o seu traslado por unha ambulancia ata o CHUS.
05:15 AGRESIÓN: Na rúa Santiago del Estero require unha persoa por unha agresión. É trasladado por unha ambulancia ao CHUS.
06:15 AUXILIO: na rúa Santiago del Estero asístese a unha persoa por dor no peito. É trasladada por unha ambulancia ata o CHUS.
06:56 TENZA DE SUBSTANCIAS ESTUPEFAFIENTES: identifícase unha persoa.

Dende as 08:00 horas do día 25/07/2024 ata as 08:00 horas do día 26/07/2024

--:-- LOCALIZACIÓNS PERMANENTES: dunha persoa
--:-- CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• 19:30 horas, PROBAS DE DROGAS: na rúa da Senra, realízanselle as probas de drogas ao condutor dun ciclomotor, con resultado positivo en vía administrativa
• 20:30 horas, DELITO CONTRA A SEGURIDADE VIARIA E PROBAS DE DROGAS: na rúa Eira da Palleira, realízanselle probas de drogas ao condutor dun vehículo, con resultado positivo en vía administrativa. Compróbase que ten decretada unha perda de vixencia do permiso de condución pola perda total dos puntos.
--:-- MANIFESTACIÓN: préstase servizo en diferentes puntos da cidade por mor da manifestación con motivo do 25 de xullo. Sen novidade.
13:09 ASISTENCIA: na praza Camilo Díaz Valiño, identifícase o condutor dun vehículo debido a unha indisposición. É trasladado ao CHUS polo 061.
13:56 INCENDIO: na rúa Domingo de Andrade, alerta de lume nunha campá extractora que é sufocado por un veciño. Acode Bombeiros por mor do abundante fume.
17:06 OURIÑOS: unha proposta de sanción por ouriñar na vía pública.
01:17 RUÍDOS: acódese a un piso, resultado negativo.

hoxe, 24 de xullo, ás 23:00 horas, os diferentes servizos de recollida de residuos e limpeza viaria no Ensanche, na cidade histórica e na Alameda.

Entre as medidas concretas que se implementarán, haberá varredoras eléctricas e baldeadoras tanto eléctricas como a gas natural comprimido para a limpeza das calzadas desde as 03:00 horas desta noite.

Ademais, mañá, 25 de xullo, levarase a cabo unha recollida especial de reforzo na zona monumental antes da Ofrenda e, dende a primeira hora da mañá, os equipos de limpeza avanzarán polo Ensanche, a Alameda e o Campus Sur atendendo as zonas máis afectadas. Tamén se colocarán colectores en todas as zonas anteditas.

Neste dispositivo participarán máis de 50 persoas con asignación de tarefas específicas baixo a supervisión de cada mando en cada quenda e unha coordinación xeral, así como un equipo de 14 xardineiros máis os encargados. Con motivo da celebración do Festigal na avenida das Ciencias, asignarase un equipo de 9 persoas para o recinto.

O Concello de Santiago agradece a colaboración da veciñanza para manter a contorna limpa e sostible.

Desde as 15 horas de hoxe, mércores 24 de xullo, ata as 04 horas do 26 de xullo, a avenida das Ciencias vai quedar pechado ao tráfico no tramo que vai desde o cruzamento da vía coa avda. Jorge Echeverri ata o da avda. Novoa Santos debido á celebración do Festigal.

Transporte urbano

Desde o mércores 24 ás 15 horas ata o xoves 25 de xullo, os traxectos da liña 8 con destino Vidán desviaranse despois de Xoán Carlos I:

*Desviarase por Rosalía de Castro, avda. Mestre Mateo e retomará o seu itinerario habitual na avda. Mestra Victoria Míguez.

Quedarán suprimidas as paradas da zona de San Lourenzo circulando en sentido Vidán.

O Concello de Santiago prégalle á cidadanía que desculpe as molestias que estas alteracións lles poidan ocasionar.

24 DE XULLO

Con motivo da celebración do espectáculo pirotécnico dos fogos do Apóstolo en tres puntos da cidade, haberá restricións circulatorias e de estacionamento nos puntos de lanzamento e áreas próximas. Cómpre lembrar que os fogos se lanzarán dende Santa Susana (Alameda), parque de Carlomagno (Fontiñas) e Cidade da Cultura.

Quedará establecida unha zona de protección de 120 metros ao redor de cada punto de lanzamento, razón pola cal nos ámbitos que queden dentro deste perímetro non se poderá estacionar a partir das 14:00 horas do mércores 24, información que se comunicará durante estes días previos a través de carteis informativos e notas nos vehículos que se vexan afectados. Este perímetro estará debidamente sinalizado mediante valos e cintas.

Tamén se informará á veciñanza e locais próximos da prohibición de entrar nas respectivas áreas de protección e de saír e entrar nas vivendas situadas nesas áreas entre as 23:00 e as 24 h durante o lanzamento dos fogos.

En canto á circulación, quedará prohibido o acceso de vehículos ao Monte Pedroso (tanto dende Brins como dende a estrada de Figueiras) a partir das 18:00 h do mércores 24. Tamén dende as 18:00 h quedará prohibido o acceso rodado á Granxa do Xesto.

No resto de zonas de seguridade dos puntos de lanzamento estableceranse restricións de acceso, estancia e tránsito a partir das 23:00 horas (30 minutos antes do inicio do espectáculo), que estarán debidamente sinalizados e con presenza de axentes da Policía Local, que indicarán os correspondentes desvíos e prohibicións.

Recomendacións

A Concellaría de Mobilidade e Convivencia pide á cidadanía que respecte as indicacións da Policía Local e a sinalización e que evite circular polas zonas afectadas polos cortes e retire coa debida antelación os vehículos das áreas de prohibición de estacionamento, xa que, de non facelo, serán retirados pola grúa municipal. Especialmente, solicítase que se respecte, por razóns de seguridade, a zona de protección delimitada por valados e cintas.

25 DE XULLO

Por motivos de seguridade restrinxirase o acceso á praza do Obradoiro durante a celebración da Ofrenda ao Apóstolo (aproximadamente entre 9:30 e as 13:00 horas). Acoutarase un espazo para o público ao que se poderá acceder pola rúa de Fonseca ata que se complete o aforo permitido. En todo caso, non se poderá entrar con bolsos ou mochilas de gran tamaño.

Este mesmo día e por mor das manifestacións que sairán da Alameda, recoméndase aos condutores evitar o entorno da praza de Galicia entre as 11.30 e as 14.30 horas.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

O martes 25 de xuño comezan as obras de reurbanización da rúa do Pombal, que se desenvolverán en tres fases e provocarán as seguintes modificacións no tráfico:

En todas as fases:
- a rúa do Pombal estará sempre cortada ao tráfico
- dentro do recinto pechado non habrá circulación de vehículos, excepto servizos e emerxencias.
- iranse habilitando pasarelas para cada un dos portais que se vexan afectados pola urbanización

Fase 1 (26/06 a 01/07, 5 días)
- a travesa do Cruceiro do Gaio estará cortada ao tráfico
- na rúa do Pombal, habilitarase a beirarrúa dereita para o tránsito peonil (en sentido de baixada), e queda inhabilitada a beirarrúa esquerda.

Fase 2 (02/07 a 02/09, 2 meses)
- continúa cortada a travesa do Cruceiro do Gaio
- na rúa do Pombal, habilitarase a beirarrúa esquerda (en sentido de baixada), para o tránsito peonil, e queda a beirarrúa dereita unicamente accesible para residentes e usuarios. Esta situación será permanente ata o final da obra.

Fase 3 (03/09 a 02/2025, 6 meses)
- Habilítase o tráfico pola travesa do Cruceiro do Gaio

CIRCULACIÓNS PERMITIDAS DURANTE TODA A EXECUCIÓN DA OBRA

RÚA SAN CLEMENTE: circulación permitida na rúa de San Clemente e acceso ao aparcadoiro, con único retorno hacia Campo da Estrela.

TRAVESA DO GAIO – GALERAS: circulación permitida de rúa Campo do Cruceiro do Gaio a Cruceiro do Gaio e Poza de Bar. (Travesa do Cruceiro do Gaio, cortada).

TRANSPORTE URBANO

Con motivo deste corte, as liñas 4, 8, 9, C2, C4, P1 e P7 modificarán os seus horarios e percorridos. Todas as modificacións poden consultarse en www.tussa.org.

O Concello de Santiago prégalle á cidadanía que desculpe as molestias que estas alteracións lles poidan ocasionar.

SERVIZOS PRESTADOS POLA POLICÍA LOCAL
Dende as 08:00 horas do día 20/06/2024 ata as 08:00 horas do día 21/06/2024

CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• Ás 17:10 horas, ACCIDENTE DE TRÁFICO, na praza de España, entre un vehículo e un ciclista que nun principio resultou ileso.
19:54 PAPELEIRA ARDENDO: Na confluencia de praza de Galicia con Fonte de Santo Antonio, procédese a extinguir un pequeno lume no interior dunha papeleira.
FESTAS EN PISOS: acódese a dous pisos, un negativo.

O martes 25 de xuño entrarán en vigor os horarios da tempada de verán no transporte urbano.

Este ano destacan dúas actualizacións importantes. En primeiro lugar reforzaranse os servizos das liñas 6 – 6A nos sábados, domingos e festivos para evitar incidencias. En segundo lugar, os horarios de verán coinciden có inicio das obras da rúa do Pombal.

Polo demais, as liñas recuperan os horarios de verán coas reducións habituais da época estival.

Nos vindeiros días estará disponible nos autobuses a modificación de horarios no folleto impreso habitual, e realizarase a substitución da cartelería nas paradas da cidade.

Retirada dos colectores da ubicación habitual para garantir a seguridade de todas as persoas.

A partir de mañá, mércores 29 de maio, a rúa dos Castiñeiros sufrirá un cambio de sentido na circulación debido a varias cuestións relacionadas co tráfico da zona de San Francisco. Deste xeito, a entrada a esta rúa farase a través da avenida de Xoán XXIII en sentido de baixada, con saída polas rúas de Pelamios e Morón.

O Concello de Santiago prégalle á cidadanía que desculpe as molestias que estas alteracións lles poidan ocasionar.

A partir do luns 20 de maio, por razóns de seguridade no tránsito durante as obras de construción da nova EDAR da Silvouta, pecharase á circulación un tramo da rúa da Silvouta, perpendicular á rúa das Pedreiras. Este corte súmase ao xa existente desde o pasado 2 de abril no último tramo da rúa das Pedreiras, o máis próximo á zona da actuación.

O Concello de Santiago prégalle á cidadanía que desculpe as molestias que estas alteracións lle poidan ocasionar.