Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



MOBILIDADE E CONVIVENCIA

Incidencias Policía Local

SERVIZOS PRESTADOS POLA POLICÍA LOCAL
Dende as 08:00 horas do día 12/04/2024 ata as 08:00 horas do día 13/04/2024

--:-- CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• ACCIDENTE DE TRÁFICO: As 09:05 na Praza da Paz accidente de circulación con danos materiais entre dous vehículos.
• ACCIDENTE DE TRÁFICO: As 17:40 horas, na rúa Raxeira un vehículo, ao realizar a manobra para abandonar a zona de estacionamento, choca contra unha bicicleta parada e outro vehículo estacionado, con resultado de danos materiais.
• ACCIDENTE DE TRÁFICO: As 19:35 horas na SC-20 entre tres vehículos, con resultado de danos materiais.
• PROBA DE ALCOL, As 00:20 horas na Avda. Antón Fraguas realízase proba de alcol ao condutor dun turismo con resultado positivo en vía penal.
• PROBA DE ALCOL: As 03:35 horas na Avda. Castelao realizase proba de alcol ao condutor dun vehículo con resultado positivo en vía administrativa.
09:40 MANCHA DE ACEITE: Na rúa Clara Campoamor atópase unha mancha de aceite que é limpada polos bombeiros.
13:34 CONCENTRACIÓN: Na rúa Ramón Piñeiro.
00:34 INCENDIO EN VIVENDA: Na rúa Teo prodúcese un pequeno lume nunha bolsa de lixo.
03:28 VEHÍCULOS QUEIMADOS: Na rúa de Cracovia resulta queimado de forma intencionada un vehículo. Preto do lugar, na rúa da Ameixaga, resultan queimados tamén outros tres. Acode Bombeiros.
--:-- OURIÑOS: 1 proposta de sanción.
--:-- CONSUMO DE ALCOL EN VÍA PÚBLICA: 4 identificados.

Dende as 08:00 horas do día 13/04/2024 ata as 08:00 horas do día 14/04/2024

LOCALIZACIÓNS PERMANENTES: de tres persoas.
CONTROIS E INSPECCIÓNS: en varias zonas da cidade.
ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• CONTROL DE ALCOLEMIA: en varias zonas da cidade.
--:-- OURIÑOS EN VÍA PÚBLICA: 2 propostas de sanción.
--:-- RUÍDOS EN VÍA PÚBLICA: identifícanse dúas persoas.
--:-- FESTAS EN PISOS: acódese a tres pisos.

Dende as 08:00 horas do día 14/04/2024 ata as 08:00 horas do día 15/04/2024

LOCALIZACIÓNS PERMANENTES: de catro persoas.
CONTROIS E INSPECCIÓNS: en varias zonas da cidade.
ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• 21:45 horas ACCIDENTE DE TRÁFICO: Na praza de Galicia, entre dous vehículos, con resultado de danos materiais.
13:55 ENXAME DE ABELLAS: Na rúa Muros. É retirado do lugar por unha patrulla.
16:30 SERVIZO ESPECIAL: Préstase servizo no estadio Verónica Boquete por mor do encontro de fútbol, sen novidade
16:38 VIOXEN: procédese á detención dunha persoa.
20:30 INCENDIO: No Hospital Psiquiátrico de Conxo, iniciouse un incendio na segunda planta. Foi necesario evacuar o edificio. O lume é extinguido polo servizo de bombeiros.
FESTAS EN PISOS: acódese a un piso, con resultado negativo.

MOBILIDADE

Corte de tráfico na rúa Luís Vázquez de Parga (9 a 12 de abril)

Dende o martes 9 de abril ata o venres 12, a rúa Luís Vázquez de Parga vai quedar cortada ao tráfico no tramo comprendido entre as rúas de Sempre en Galiza e Valentín Varela Iglesias por mor das obras de canalización para o servizo eléctrico.

Durante a duración desde corte, os vehículos deberán circular polas anteditas rúas de Sempre en Galiza e Valentín Varela Iglesias.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Lagartos (8 a 12 de abril)

Dende o luns 8 de abril ata o venres 12, a rúa dos Lagartos vai quedar cortada ao tráfico por mor das obras nun tramo de canalización de gas (no cruzamento da rúa dos Lagartos coa rúa das Chufas).

Por mor deste corte produciranse os seguintes cambios:
- tanto a entrada como a saída da rúa dos Lagartos farase dende a rúa da Trisca
- o acceso e saída da rúa das Chufas e da rúa do Campo do Forno farase dende a rúa de San Pedro

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Cortes de tráfico con motivo da carreira "Os 10.000 peregrinos" da Deputación da Coruña (6 de abril)

O vindeiro sábado 6 de abril celebrarase "Os 10.000 peregrinos", unha carreira de 10 quilómetros organizada pola Deputación de Coruña que percorrerá as rúas compostelás, con saída da rúa San Francisco e chegada á praza do Obradoiro.

A carreira, que se desenvolverá entre as 16:30 e as 20:00 horas, terá o seguinte itinerario: rúa San Francisco, Campiño de San Francisco, avda. Xoán XXIII, avda. Burgo das Nacións, avda. Castelao, rúa Vista Alegre, rúa Salvadas, rúa Morón, rúa das Galeras, rúa Pombal, San Clemente, Campo da Estrela, avda. Xoán Carlos I, rúa Rosalía de Castro, rúa Montero Ríos, praza de Galicia, a Senra, avda. Figueroa, rúa de Bautizados, praza do Toural, rúa do Vilar, Fonseca e praza do Obradoiro.

Ao longo do percorrido produciranse unha serie de restricións do tráfico dando lugar aos seguintes desvíos:

- O tráfico procedente da rúa Rosalía Castro desviarase á dereita na praza de Vigo.
- O procedente de avda. das Burgas desviarase cara á avda. de Coruña.
- O tráfico que sae da avda. da Coruña deberá dirixirse cara á dereita pola rúa de Rosalía de Castro.
- Os vehículos procedentes da rúa do Hórreo desviaranse na praza de Galicia cara á Porta do Camiño.
- O tráfico procedente do Romaño deberá circular pola rotonda do Avío por Ulpiano Villanueva cara á avda. Castelao.
- A circulación de Galeras desviarase pola dereita pola rúa Poza de Bar.
- O tráfico de baixada da rúa Xoán XXIII dirixirase cara á avenida de Coímbra.
- Os vehículos que permanezan encerrados no circuíto, nas rúas de Montero Ríos, Carreira do Conde e o primeiro tramo de Xeneral Pardiñas, serán desviados polos policías situados neses puntos, a través das rúas Xeneral Pardiñas e Alfredo Brañas, cando o desenvolvemento da carreira o permita.
- Aqueles que queden dentro do circuíto, en Rodrigo de Padrón – San Clemente serán desviados pola rúa de Hortas dirección Poza de Bar, sempre que se poida.

Transporte urbano

Todos os desvíos nas liñas de transporte urbano que terán lugar entre as 16:30 e as 20:00 horas poden consultarse na páxina de Tussa.

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.

MOBILIDADE

Corte de tráfico na rúa da Algalia de Arriba (dende o 2 de abril)

A partir do martes 2 de abril producirase o corte da rúa da Algalia de Arriba durante cinco semanas para executar os traballos de mantemento e reparación do pavimento. Permitirase o acceso peonil.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na zona da Silvouta (dende o 2 de abril)

A partir do martes 2 de abril, por mor das obras de construción da nova EDAR da Silvouta, pecharase á circulación o último tramo da rúa das Pedreiras, o máis próximo á zona da actuación. Esta rúa une os lugares de Laraño e Silvouta, polo que para circular entre os dous puntos deberá empregarse a AC-543. A duración do corte estímase que sexa dun ano.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na rúa da Acibechería (a partir do 14 de febreiro)

A partir do mércores 14 de febreiro, a rúa da Acibechería quedará cortada ao tráfico por mor dos traballos de mantemento e reparación do pavimento da súa calzada, que terán unha duración estimada de tres semanas.

O corte da rúa levarase a cabo en dúas fases. A primeira comprende o tramo entre o entroncamento coa rúa Vía Sacra e a praza da Inmaculada, polo que quedará prohibida a circulación de baixada dende a praza de Cervantes.

A segunda fase executarase no tramo entre a praza de Cervantes e o cruzamento coa rúa Vía Sacra, polo que os vehículos que proveñan desta rúa deberán saír pola praza da Inmaculada.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Caraveis (a partir de 29 de xaneiro)

A partir de hoxe, 29 de xaneiro, a rúa dos Caraveis vai quedar cortada ao tráfico no tramo de subida que vai desde a rúa da Ponte Nova de Vidán ata o camiño Real de Vidán por mor dun corremento de terras que afecta ao noiro que sustenta este vial na súa pendente.

Co obxectivo de garantir a seguridade, o Concello de Santiago limitará a circulación de vehículos ata a súa estabilización. Ata ese momento a veciñanza da zona afectada deberá realizar a entrada e saída pola rúa de Vidán, situada ó final da avenida da Mestre Victoria Míguez, antes da rotonda.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na rotonda da avda. de Lugo coa SC-20 (a partir do 29 de xaneiro)

A partir das 11:00 horas do vindeiro luns 29 de xaneiro, o ramal de baixada dende a rotonda da avenida de Lugo cara a SC-20, sentido San Lázaro-Polígonos, vai quedar cortado ao tráfico debido ás obras de instalación de pantallas acústicas que está a executar a empresa Dragados para ADIF e que teñen unha duración prevista de dous meses e medio.

Este corte vai implicar os seguintes desvíos:

Os vehículos que circulen baixando pola avenida de Lugo e queiran acceder á SC-20, deberán facelo pola rotonda desta avenida coa rúa de Londres, e circular por esta vía ata chegar á rúa de Roma, e alí enlazar coa rotonda existente nesta vía e incorporarse á SC-20.

Da mesma maneira os vehículos que circulen sentido subida pola avenida de Lugo, deberán empregar a mesma rotonda e baixar pola rúa de Londres e realizar o mesmo circuíto para incorporarse á SC-20.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na avenida da Coruña e avenida de Compostela (Campus Sur)

No marco do proxecto de reurbanización do Campus Sur, o vindeiro luns 15 de xaneiro comezarán as obras da seguinte fase, o que provocará o corte total ao tráfico da avenida da Coruña (tramo comprendido entre avenida das Ciencias e avenida Antonio Raimundo Ibáñez) e da avenida de Compostela (tramo comprendido entre as avenidas de Antonio Raimundo Ibáñez e das Burgas). Quedará eliminado tamén o estacionamento.

O corte será efectivo a partir das 9.30 horas do citado luns. O tráfico procedente da rúa de Rosalía de Castro será desviado pola avenida das Ciencias, e o procedente da avenida das Burgas continuará polo tramo aberto da avenida de Compostela e Cruceiro do Gaio.

Transporte urbano

Por mor destas obras, a liña 8 en sentido Camiño dos Vilares realizará o seguinte desvío:

A partir das 9:30 do luns 15 de xaneiro:
*Saídas de tanatorio de Boisaca / Camiño dos Vilares: non se alteran.

*Saídas de Vidán: os autobuses realizarán o percorrido habitual pola estrada de San Lourenzo e Campo de San Domingos ata o cruce coa rúa José María Suárez Núñez, onde realizarán a parada habitual e desviaranse pola citada rúa, rúa Vicente Fraíz Andión (facultade de Psicoloxía), rúa Lope Gómez de Marzoa, avda. Mestre Mateo, Rosalía de Castro e retomarán o seu itinerario na avda. Xoán Carlos I.

Quedarán suprimidas as seguintes paradas: (565) San Lourenzo, carballeira; (79) avda. das Burgas, instituto Xelmírez; (78) avda. da Coruña, cruce Feáns.

As persoas usuarias da parada 565 na carballeira terán como parada alternativa máis próxima a anterior parada da liña, no cruce coa rúa José María Suárez Núñez. Para as outras dúas paradas anuladas (avdas. Burgas e Coruña), a alternativa máis próxima é na avda. Xoán Carlos I, fronte á igrexa do Pilar.

O Concello de Santiago prégalle á cidadanía que desculpe as molestias que estas alteracións lles poidan ocasionar.


Compartir: