Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.



MOBILIDADE E SEGURIDADE CIDADÁ

Incidencias Policía Local

Dende as 08:00 horas do día 29/10/2020 ata as 08:00 horas do día 30/10/2020

--:-- COMPROBACIÓNS: en varios puntos da cidade.
07:45 SERVIZO MERCADIÑO: préstase servizo, sen novidade.
08:00 CUSTODIA DE PRESO: custódiase un preso ata o seu traslado pola Garda Civil á prisión de Teixeiro.
12:30 SERVIZO DE COCIÑA ECONÓMICA: Sen novidade.
13:55 IDENTIFICACIÓN: Na rúa Montero Ríos identifícase a unha persoa por ruídos a noite anterior.
14:05 OURÍNS: No Campo de Santo Domingo identifícase a unha persoa por ouriñar nun banco de pedra.
--:-- CAMPAÑA DGT DE VIXILANCIA DE VEHÍCULOS DE TRANSPORTE: 13:56 a 14:13 horas, na rúa Bernardo Barreiro.
--:-- COMPROBACIÓN DE LOCAIS: compróbanse varios locais.
--:-- INCUMPRIMENTO MEDIDAS COVID: identifícase a tres persoas.
--:-- CONTROL DE ZONAS DE POSIBLE BOTELLÓN: sen novidade.
--:-- RUÍDOS EN VIVENDAS: tramítanse oito propostas de sanción (23:57, 00:30,
00:40, 01:15, 01:15, 01:45, 03:50, e 05:35):

MOBILIDADE

Servizos de reforzo no transporte urbano o sábado 31 de outubro e o domingo 1 de novembro de 2020

O vindeiro sábado 31 de outubro e o domingo 1 de novembro verase reforzada a liña 1 do transporte urbano:

Con motivo da festividade de Todos os Santos, a liña 1 contará cunha frecuencia de paso de 16 minutos entre as 9:00 e as 20:00 tanto o sábado 31 como o domingo 1. Nos restantes horarios do día, a frecuencia será a habitual dun sábado o día 31 ou dun domingo o día 1.

TRÁFICO

Corte ao tráfico da estrada DP-7804, Val do Dubra-Santiago de Compostela

Desde o 13 de outubro ata o día 15 de marzo de 2021, queda cortada ao tráfico o vial DP 7804 no concello de Santiago, entre o punto quilométrico 18+900 e o punto quilométrico 20+400; por mor das obras do "Plan de inversións de Vías provincias 2017. Sexta Fase DP 7804 construción da ponte sobre o rego Gatofero.

MOBILIDADE

Cambios no tráfico na zona de Conxo

Debido aos traballos de acondicionamento do Camiño de Santiago que está realizando a Xunta, a partir do vindeiro mércores 28 de outubro vanse a realizar os seguintes cambios na circulación na zona de Conxo:

- O Campo de Conxo, que dá acceso á Igrexa, vai quedar nun só sentido de circulación (de entrada dende a rotonda da SC-20) e rematará nunha rotonda que se creará á altura da empresa Televés. A partir de aquí volverá a ser unha rúa de dobre sentido de circulación.

- Todas as rúas que desembocan na rúa Benéfica de Conxo sairán cara a esta nova rotonda: a rúa da Fervenza, á esquerda, e tanto a travesa de Conxo como a rúa de Conxo de Abaixo, cara á dereita.

Os traballos teñen unha duración estimada de 2 meses.

Cambios no transporte urbano
As liñas que circulan pola zona terán que realizar desvíos a partir das 8:30 do mércores.

- Desde a rotonda de Conxo cara ao Campo e a Benéfica de Conxo, os autobuses poderán circular con normalidade.

- Desde a Benéfica de Conxo cara á rotonda de Conxo, as liñas 5 en sentido Vite, 12 e C4 só poderán chegar ata Televés, desde onde realizarán cambio de sentido na rotonda de nova creación, voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña có seu itineario habitual, ben á avda. de Ferrol (liñas 5 e 12), ben a Ramón Baltar (liña C4).

- Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

O Concello de Santiago prega á cidadanía desculpe as molestias que estas alteracións lles poidan ocasionar.

MOBILIDADE

Corte na rúa do Vilar

Este martes, 27 de outubro, a rúa do Vilar vai quedar cortada á circulación á altura do número 17, dende as 10,30 ás 17,00 horas, por mor dunha reparación da tubaxe de auga por parte de Viaqua.

O Concello de Santiago prega á cidadanía desculpe as molestias que estas alteracións lles poidan ocasionar.

XUNTA DE GOBERNO LOCAL

Orde do día da Xunta de Goberno Local prevista para o 26 de outubro de 2020

Aqui podes descargar a orde do día da Xunta de Goberno Local prevista para o luns, 26 de outubro, ás 10:00 h.

Direcciones relacionadas

MOBILIDADE

Ampliación zona 7 e inclusión Puente Castro no réxime xeral zona azul ORA

A Concellaría de Mobilidade e Seguridade Cidadá comunica o seguinte:

- Amplíase a zona 7 de aparcamento para residentes de San Lourenzo á rúa Salvador Allende.

- Inclúese a praza Puente Castro no réxime xeral zona azul ORA

Os veciños e veciñas das devanditas rúas que cumpran cos requisitos esixidos na Ordenanza poden solicitar no rexistro do Concello, PREVIA CITA, a tarxeta correspondente.

O aparcamento para residentes nas rúas de nova incorporación á zona 7 (a mencionada Salvador Allende e Hortas, Calzada do Carme de Abaixo, Travesa do Carme de Abaixo, rúa do Carme de Abaixo, Campo das Hortas, Galeras e Entregaleras, incluídas o pasado 10 de agosto) comezará a controlarse, coa imposición das multas pertinentes, a partir do 16 de novembro.

Compartir: