Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.



MOBILIDADE E CONVIVENCIA

Incidencias Policía Local

SERVIZOS PRESTADOS POLA POLICÍA LOCAL
Dende as 08:00 horas do día 19/04/2024 ata as 08:00 horas do día 20/04/2024

CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• 09:40 ACCIDENTE DE CIRCULACIÓN: no estacionamento do CHUS, entre dous vehículos.
• 18:40 ACCIDENTE DE CIRCULACIÓN: na intersección da avda. de Rodríguez de Viguri coa avda. do Camiño Francés, entre dous vehículos.
• 04.28 DELITO DE CONDUCIÓN CON ALCOLEMIA POSITIVA: na avda. do Cruceiro da Coruña, realízaselle proba de alcol ao condutor dun vehículo. Presenta taxa penal polo que se instrúen dilixencias.
--:-- CAMPAÑA DE CONTROL DE VELOCIDADE: colabórase coa DXT na campaña de control de velocidade en varios puntos da cidade.
11:30 CONCENTRACIÓN: na rúa dos Concheiros.
13:15 ACTA Á LEI ORGÁNICA 4/2015: na rúa de San Pedro de Mezonzo, realízase acta de denuncia en materia de seguridade cidadá por faltas de respecto e de consideración aos axentes da autoridade.
05:04 DETENCIÓN POR REQUISITORIA: na rúa de París identifícase unha persoa á que lle consta vixente unha requisitoria xudicial de busca, detención e posta a disposición por roubo con forza.
--:-- FESTAS EN PISOS: acódese a dous pisos, con resultado negativo.

Dende as 08:00 horas do día 20/04/2024 ata as 08:00 horas do día 21/04/2024
--:-- LOCALIZACIÓNS PERMANENTES: de catro persoas.
--:-- CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• Ás 11:40 horas, ACCIDENTE DE CIRCULACIÓN, na rúa de Londres, entre dous vehículos con resultados de danos materiais. Confeccionan parte amigable.
• Ás 20:05 horas, DELITO CONTRA A SEGURIDADE VIARIA, na rúa das Estrelas e a requirimento da Unidade Adscrita da Policía Nacional, identifícase ao condutor dun vehículo que conducía cunha perda de vixencia e unha suspensión temporal do permiso.
• Ás 06:46 horas DELITO CONTRA A SEGURIDADE VIARIA, na rúa de Alfonso X o Sabio, realízaselle proba de alcol e drogas ao condutor dun vehículo que presenta un resultado positivo en alcolemia na vía penal, resultando tamén positiva a proba de drogas. Instrúense dilixencias e inmobilízase o vehículo.
--:-- PERSOA DESAPARECIDA: colabórase na busca dunha persoa desaparecida. Foi localizada por veciñanza e familiares e asistida en primeira instancia por membros deste Corpo ás 13:15 horas.
--:-- FESTAS EN PISOS: acódese a tres pisos, con resultado negativo.
--:-- OURIÑOS: 3 propostas de sanción.

Dende as 08:00 horas do día 21/04/2024 ata as 08:00 horas do día 22/04/2024
--:-- LOCALIZACIÓNS PERMANENTES: de cinco persoas.
--:-- CONTROIS E INSPECCIÓNS: en varias zonas da cidade.
13:28 CONCENTRACIÓN: na praza da Quintana.
16:47 CONTROL PESCA FLUVIAL: na Granxa do Xesto identifícanse dúas persoas que se atopan pescando no lugar infrinxindo a sinalización que advirte que soamente pode facerse pesca con retorno. Propostos para sanción.
FESTAS EN PISOS: acódese a dous pisos, con resultado negativo.

MOBILIDADE

Cortes de tráfico na rúa do Campo de Conxo (20 de abril)

Desde as 11.00 h do vindeiro sábado 20 de abril ata as 4.00 h da madrugada, a rúa do Campo de Conxo quedará pechada ao tráfico por mor da celebración das festas de primavera do barrio. Quedará cortado o acceso dos vehículos a esta rúa desde o cruzamento coa rotonda SC20, e desde a rúa Benéfica de Conxo coa rotonda de Televés.

Entre as 11.30 h e as 12.30 h terá lugar o II Encontro de Coches Clásicos durante o que se realizará un percorrido por algunhas rúas do barrio polo que podería producirse algunha ralentización puntual na circulación.



Con motivo dese corte o vindeiro sábado 20 de abril desde o inicio e ata a finalización dos servizos do día, as liñas de transporte urbano que circulan pola zona realizarán os seguintes desvíos:

- Desvío en sentido sur de circulación (liñas 5 e C2):

Desde a rotonda de Conxo cara ao Campo de Conxo e Benéfica: os autobuses das liñas 5 a Rocha e C2 non poderán circular.

• Liña 5 sentido Rocha:

Desde a rotonda de Conxo desviarase pola SC-20 incorporándose á rotonda de Volta do Castro, rúa Volta do Castro (sentido sur, cara Rocha) e retomando o itinerario habitual na rúa Poza Real de Abaixo (Santa Apolonia).

Paradas suprimidas LIÑA 5 sentido Rocha: (155) Campo de Conxo, psiquiátrico; (127) Benéfica de Conxo, Televés; (626) Torrente, cruce Travesa Benéfica; (628) Torrente nº 28; (246) Torrente, cruce Volta do Castro.

Os usuarios que desexen baixar nestas paradas terán a alternativa, ben de baixar na parada de Santa Apolonia, ben continuar percorrido ata Rocha ou Rocha Vella e baixar na zona de Torrente e Benéfica de Conxo cando o autobús vai de novo cara o centro.

• Liña C2:

Despois de saír do hospital Provincial, desde a rotonda de Conxo desviarase pola SC-20 incorporándose á rotonda de Volta do Castro, rúa Volta do Castro (sentido norte, cara o centro da cidade), Aparcadoiro de Santa Marta (antes de acceder ao Clínico, irán realizar a parada no interior do aparcadoiro de Sta. Marta, desde onde farán cambio de sentido) e itinerario habitual cara o hospital Clínico.

Paradas suprimidas LIÑA C2:

(155) Campo de Conxo, psiquiátrico; (127) Benéfica de Conxo, Televés; (284) Ildefonso Sánchez Mera, residencia.

A parada 684, Feliciano Barrera (aparcadoiro), realizarase no interior do aparcadoiro mentres dure o desvío.

- Desvío en sentido norte de circulación (liñas 5, 12 e C4):

Desde a Benéfica de Conxo (Televés) cara á rotonda de Conxo, a liña 5 en sentido centro cidade e Vite, a liña 12 e a liña C4 só poderán chegar ata Televés, desde onde realizarán cambio de sentido voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña có seu itinerario habitual, ben avda. de Ferrol (liña 5), ben Ramón Baltar (liñas 12 e C4).

Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

MOBILIDADE

Cortes de tráfico na rúa de San Clemente (22 de abril ao 3 de maio)

A partir do luns 22 de abril o Concello de Santiago realizará os traballos de reparación da calzada da rúa de San Clemente. As obras executaranse en dúas fases que provocarán os seguintes cambios na circulación:

1ª fase (22 ao 29 de abril)

Desde o luns 22 ata o luns 29 de abril, o corte afectará á baixada da rúa de San Clemente. Dende a rúa do Pombal poderase acceder ao estacionamento en superficie do Campo de San Clemente e tamén e ao garaxe privado do número 32 desta rúa. O corte será total a partir da entrada peonil do IES San Clemente.

A entrada á praza de Rodrigo de Padrón para o servizo do parking, Correos, Policía Nacional e IES Rosalía, farase a través da avenida de Figueroa, que será de dobre sentido de circulación mentres duren as obras. Para isto trasladarase a parada de taxis á avenida de Xoán Carlos I, que compartirá o espazo co estacionamento de motos, e a carga e descarga existente para a propia praza de Rodrigo de Padrón.

A rampla que une a rúa de San Clemente coa praza Rodrigo de Padrón invertirase, pasando a ser de baixada exclusivamente para os usuarios do garaxe situado no número 10 da rúa de San Clemente, realizando a saída a través da rúa de Trinidade.

Da mesma maneira poderán utilizar esta rampla os residentes da rúa da Trinidade e da avenida de Raxoi, utilizando a plataforma de acceso ao parking como zona de manobra para poder entrar.

2ª fase (29 abril ao 6 de maio)

De luns día 29 de abril ao luns 6 maio as obras afectarán o tramo de subida de San Clemente á praza Rodrigo de Padrón. A rampla quedará cortada completamente ó tráfico.

Nesta fase o acceso á praza de Rodrigo de Padrón continuará realizándose dende a avenida de Figueroa.

Nesta semana permitirase o acceso á rúa de San Clemente só aos seus residentes e aos das rúas de Trinidade e da avenida de Raxoi. Do mesmo xeito, permitirase o acceso aos usuarios do aparcadoiro soterrado, facendo a saída por Rodrigo de Padrón.

MOBILIDADE

Corte de tráfico na rúa da Algalia de Arriba (dende o 2 de abril)

A partir do martes 2 de abril producirase o corte da rúa da Algalia de Arriba durante cinco semanas para executar os traballos de mantemento e reparación do pavimento. Permitirase o acceso peonil.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na zona da Silvouta (dende o 2 de abril)

A partir do martes 2 de abril, por mor das obras de construción da nova EDAR da Silvouta, pecharase á circulación o último tramo da rúa das Pedreiras, o máis próximo á zona da actuación. Esta rúa une os lugares de Laraño e Silvouta, polo que para circular entre os dous puntos deberá empregarse a AC-543. A duración do corte estímase que sexa dun ano.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na rúa da Acibechería (a partir do 14 de febreiro)

A partir do mércores 14 de febreiro, a rúa da Acibechería quedará cortada ao tráfico por mor dos traballos de mantemento e reparación do pavimento da súa calzada, que terán unha duración estimada de tres semanas.

O corte da rúa levarase a cabo en dúas fases. A primeira comprende o tramo entre o entroncamento coa rúa Vía Sacra e a praza da Inmaculada, polo que quedará prohibida a circulación de baixada dende a praza de Cervantes.

A segunda fase executarase no tramo entre a praza de Cervantes e o cruzamento coa rúa Vía Sacra, polo que os vehículos que proveñan desta rúa deberán saír pola praza da Inmaculada.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Caraveis (a partir de 29 de xaneiro)

A partir de hoxe, 29 de xaneiro, a rúa dos Caraveis vai quedar cortada ao tráfico no tramo de subida que vai desde a rúa da Ponte Nova de Vidán ata o camiño Real de Vidán por mor dun corremento de terras que afecta ao noiro que sustenta este vial na súa pendente.

Co obxectivo de garantir a seguridade, o Concello de Santiago limitará a circulación de vehículos ata a súa estabilización. Ata ese momento a veciñanza da zona afectada deberá realizar a entrada e saída pola rúa de Vidán, situada ó final da avenida da Mestre Victoria Míguez, antes da rotonda.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na rotonda da avda. de Lugo coa SC-20 (a partir do 29 de xaneiro)

A partir das 11:00 horas do vindeiro luns 29 de xaneiro, o ramal de baixada dende a rotonda da avenida de Lugo cara a SC-20, sentido San Lázaro-Polígonos, vai quedar cortado ao tráfico debido ás obras de instalación de pantallas acústicas que está a executar a empresa Dragados para ADIF e que teñen unha duración prevista de dous meses e medio.

Este corte vai implicar os seguintes desvíos:

Os vehículos que circulen baixando pola avenida de Lugo e queiran acceder á SC-20, deberán facelo pola rotonda desta avenida coa rúa de Londres, e circular por esta vía ata chegar á rúa de Roma, e alí enlazar coa rotonda existente nesta vía e incorporarse á SC-20.

Da mesma maneira os vehículos que circulen sentido subida pola avenida de Lugo, deberán empregar a mesma rotonda e baixar pola rúa de Londres e realizar o mesmo circuíto para incorporarse á SC-20.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na avenida da Coruña e avenida de Compostela (Campus Sur)

No marco do proxecto de reurbanización do Campus Sur, o vindeiro luns 15 de xaneiro comezarán as obras da seguinte fase, o que provocará o corte total ao tráfico da avenida da Coruña (tramo comprendido entre avenida das Ciencias e avenida Antonio Raimundo Ibáñez) e da avenida de Compostela (tramo comprendido entre as avenidas de Antonio Raimundo Ibáñez e das Burgas). Quedará eliminado tamén o estacionamento.

O corte será efectivo a partir das 9.30 horas do citado luns. O tráfico procedente da rúa de Rosalía de Castro será desviado pola avenida das Ciencias, e o procedente da avenida das Burgas continuará polo tramo aberto da avenida de Compostela e Cruceiro do Gaio.

Transporte urbano

Por mor destas obras, a liña 8 en sentido Camiño dos Vilares realizará o seguinte desvío:

A partir das 9:30 do luns 15 de xaneiro:
*Saídas de tanatorio de Boisaca / Camiño dos Vilares: non se alteran.

*Saídas de Vidán: os autobuses realizarán o percorrido habitual pola estrada de San Lourenzo e Campo de San Domingos ata o cruce coa rúa José María Suárez Núñez, onde realizarán a parada habitual e desviaranse pola citada rúa, rúa Vicente Fraíz Andión (facultade de Psicoloxía), rúa Lope Gómez de Marzoa, avda. Mestre Mateo, Rosalía de Castro e retomarán o seu itinerario na avda. Xoán Carlos I.

Quedarán suprimidas as seguintes paradas: (565) San Lourenzo, carballeira; (79) avda. das Burgas, instituto Xelmírez; (78) avda. da Coruña, cruce Feáns.

As persoas usuarias da parada 565 na carballeira terán como parada alternativa máis próxima a anterior parada da liña, no cruce coa rúa José María Suárez Núñez. Para as outras dúas paradas anuladas (avdas. Burgas e Coruña), a alternativa máis próxima é na avda. Xoán Carlos I, fronte á igrexa do Pilar.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Apertura parcial da rúa da Pastoriza

Dende as 10 horas de mañá, mércores 27 de decembro, abrirase á circulación o carril de subida da rúa da Pastoriza (de Santa Clara cara á praza da Paz).

O carril sentido praza da Paz-Santa Clara permancecerá pechado, polo que continuará o desvío actual por Xoán XXIII e avenida de Coimbra.

Transporte urbano

Veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

*Liñas circulando en sentido saída (norte) (SEN DESVIARSE DO PERCORRIDO HABITUAL):
Paradas suprimidas: Parada 367, Pastoriza nº 22
Paradas alternativas:
Liñas 1, 4, 5, 6, 6A, 8, 9, C6, P2, P4, P5, P6 e P7: non realizarán desvío, se ben a parada alternativa previa a Pastoriza será a parada 125, Basquiños nº 28

*Liñas circulando en sentido baixada (sur) (CONTINÚAN FACENDO O DESVÍO ACTUAL):
Paradas suprimidas: Parada 366, Pastoriza nº 103A
Paradas alternativas:
552, San Caetano (parque), para as liñas 1, 4, 6, 6A, P4, P5 e P6
50, Ánxel Casal (Xunta), para as liñas 5, P2 e P7
60, avda. Castelao (García Lorca) para a liña 8

*A liña P1 continuará rematando como ata agora na rúa Valle-Inclán en lugar de na pza. de Camilo Díaz Baliño.

O Concello de Santiago prégalle á cidadanía que desculpe as molestias que estas alteracións lles poidan ocasionar.


Compartir: