Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



CONVIVENCIA

Corte de tráfico na rúa de Rapa da Folla

O luns 19 de febreiro comezan as obras de reurbanización da rúa de Rapa da Folla, cunha duración prevista aproximada de cinco semanas. Con motivo destes traballos, esta rúa vai quedar cortada totalmente ao tráfico, o que implica os seguintes cambios na circulación pola zona:

- Inverterase o sentido de circulación da rúa de Montero Ríos, no tramo comprendido entre a rúa Nova de Abaixo e Rosalía de Castro, pasando de ser de saída a ser de entrada dende a rúa de Rosalía de Castro, para facilitar a entrada dos vehículos de carga e descarga desta rúa.

Este cambio implica que os vehículos que suban pola rúa Nova de Abaixo non poderán facer o xiro á esquerda cara a rúa de Rosalía de Castro, tendo que seguir obrigatoriamente pola rúa de Montero Ríos.

- Elimínase o xiro a esquerda cara Rapa da Folla dende a avenida de Xoán Carlos I.

- A rúa de Carreira do Conde non poderá servir de saída cara a rúa de Rapa da Folla, polo que se fará a entrada e a saída dende a rúa de Xeneral Pardiñas.

- A carga e descarga que se que se realizaba neste tramo en obras terá que facerse dende as zonas próximas reservadas a tal efecto situadas nas rúas de Carreira do Conde e de Montero Ríos.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

PLENO

Orde do día da sesión extraordinaria do Pleno municipal prevista para o mércores 21 de febreiro ás 16:30 horas

Adxúntase convocatoria e orde do día da sesión extraordinaria do Pleno municipal prevista para o mércores 21 de febreiro ás 16:30 horas.

Direccións relacionadas

ALCALDÍA

Calendario 2018

Descarga aquí o calendario municipal para 2018

Direccións relacionadas

CONVIVENCIA

Precaución no paso dos vehículos autorizados pola rúa do Vilar

A Concellaría de Convivencia advirte aos transportistas con autorización de acceso ao Casco Histórico e aos condutores/as de vehículos de servizos da necesidade de ter especial coidado co gálibo do balcón existente á altura do número 15 da rúa do Vilar.

Calquera vehículo, plataforma ou instalación superior á 3,5 metros é susceptible de causar danos na cantería deste balcón, e así se veñen reiterando os choques contra este balcón. Por este motivo, reitérase aos condutores/as que deben ter coidado ao pasar pola rúa do Vilar para non chocar contra o devandito balcón.

EDUCACIÓN E CIDADANÍA

Devolución dos traballos orixinais ás persoas participantes nos X Premios Educacompostela

As persoas participantes nos X Premios Educacompostela poden solicitar a devolución dos orixinais non seleccionados. Para isto teñen que comunicalo por escrito a través da seguinte dirección de correo electrónico: dptoeducacion@santiagodecompostela.gal.

A data límite de recollida é o 28 de marzo do 2018. Os traballos poden ser retirados persoalmente ou por unha persoa autorizada. Rematado o prazo, as obras non reclamadas serán destruídas.

Compartir: