Noticias

Unha das propostas novidosas desta edición das festas do Apóstolo, especialmente demandada nestes tempos de pandemia é o Ciclo de Cine ao Aire Libre que se celebrará do 26 ao 31 de xullo no parque de Eugenio Granell. Proxectaranse 12 filmes en sesión dobre, ás 19:00 e ás 22:00 horas. As reservas están xa esgotadas.

Como vén sendo tradición cada 24 de xullo, coincidindo coa noite do Apóstolo, o Consorcio de Santiago celebrou na tarde deste venres a súa Comisión Executiva e o seu Consello de Administración. Ambas xuntanzas estiveron presididas polo alcalde da cidade e presidente do organismo interadministrativo, Xosé A. Sánchez Bugallo. Ademais, asistiron a subsecretaria do Ministerio de Facenda, María del Pilar Paneque Sosa; e o subsecretario do Ministerio de Fomento, Jesús Manuel Gómez García. Por parte da Xunta de...

O espectáculo pirotécnico dos fogos do Apóstolo, que nesta edición tivo seis localizacións, deixou unha singular e fermosa postal nocturna de Santiago de Compostela. A variedade de efectos e cores dos fogos artificiais e os diferentes escenarios de fondo lograron crear atractivas estampas que moitos/as composteláns/ás puideron captar dende os seus propios fogares.

Por motivos de seguridade, restrinxirase o acceso á praza do Obradoiro na mañá do 25 de xullo, durante os actos da Ofrenda ao Apóstolo, así como á igrexa de San Martiño Pinario (aproximadamente entre 10:00 e as 14.00 horas). Acoutarase un espazo para o público ao que se poderá acceder, pola rúa de Fonseca, ata que se complete o aforo permitido. En todo caso, non se poderá entrar con bolsos ou mochilas de gran tamaño. As rúas da zona vella polas que transcorra a comitiva ata chegar á igrexa de San...

O concelleiro de Turismo, Sindo Guinarte, presentou a nova campaña de promoción turística da cidade "Santiago de Compostela. A túa historia", que ten por obxectivo reactivar a demanda turística da cidade o antes posible no complexo contexto da Covid-19. O edil estivo acompañdo pola xerente de Turismo de Santiago, Flavia Ramil.

Continúan a desenvolverse as actividades do programa Vive o verán nos centros socioculturais. Unha das próximas propostas é a observación astronómica que se celebrará o martes 28 xullo, a partir das 22:30 horas, dende a terraza do Centro Sociocultural da Trisca, coa colaboración do Club de Astronomía Vega.

A praza do Obradoiro acolleu este mediodía un minuto de silencio para condenar o asasinato dunha muller en Palma de Mallorca, vítima da violencia machista.

O alcalde de Santiago, Xosé Sánchez Bugallo, reuniuse este xoves cunha representación da Asociación Plataforma Vítimas Alvia 04155. Sete anos despois, a Asociación segue a reclamar unha investigación técnica independente do accidente ferroviario.

O concelleiro de Festas, Gonzalo Muíños, e o director da Pirotecnia Zaragozana, Miguel Pérez, presentaron o espectáculo pirotécnico dos fogos do Apóstolo, que arrincará ás 23:30 horas deste venres 24 de xullo. Os fogos lanzaranse nesta ocasión dende oito puntos da cidade: Santa Susana (Alameda), Cidade da Cultura, parque Carlomagno (Fontiñas), parque Luis Pasín (Conxo), Granxa do Xesto (Pedroso), A Almáciga, parque Eugenio Granell e Monte de Deus (Vite).

As festas do Apóstolo acolleron este xoves a XLI edición do Día do Traxe Galego, cun desfile polas rúas de Compostela no que participou o concelleiro de Festas, Gonzalo Muíños, e outros integrantes da Corporación. Logo, unha pequena representación da comitiva foi recibida polo alcalde, Xosé Sánchez Bugallo, no Pazo de Raxoi.