Noticias

A Xunta de Goberno local, reunida esta mañá en sesión ordinaria, deu luz verde á adxudicación do contrato de obras de reforma da praza de Abastos á empresa INSIDE THE TEAM, S.L por un importe total de 451.278,16 €, IVE engadido. Con esta actuación, o Concello Santiago pretende poñer en valor este edificio, incrementar a súa funcionalidade, e facelo máis cómodo e accesible para a cidadanía e visitantes. Tamén se acordou conceder ás licenzas de obra para o Consorcio de Santiago para a...

Informar sobre os trastornos mentais máis frecuentes, evitar os estigmas e prexuízos en torno á saúde mental, e pevir condutas de risco. Son os obxectivos do programa de promoción da saúde mental, que a Concellaría de Xuventude pón en marcha en colaboración coa Asociación Itínera. A concelleira, María Rozas, presentou hoxe a actividade, que se desenvolverá nos meses de outubro e novembro nos IES e CEIPS de Compostela. Fíxoo acompañada por Carlos Martínez Uzal, coordinador de...

A marcha, organizada por Special Olympics Galicia en colaboración co Concello de Santiago e unha ampla lista de entidades e empresas, chegará o día 7 de outubro a Compostela despois de percorrer as localidades de Allariz (Ourense) e Antas de Ulla (Lugo). O obxectivo desta marcha e favorecer a inclusión do colectivo a través do deporte.

A praza do Obradoiro acolleu esta mañá un minuto de silencio como mostra de pesar polas 13 persoas falecidas no incendio que afectou a varias discotecas de Murcia na madrugada do domingo.

Reunida en sesión extraordinaria, a Xunta de Goberno acordou esta mañá a adxudicación do contrato para a execución das obras do proxecto "mellora da accesibilidade ao barrio de Pontepedriña" á empresa ÁREA PROYECCIÓN, CONSTRUCCIÓN Y SERVICIOS SLU por un importe de 145.200,00 €. Tamén se deu luz verde a un convenio de colaboración co Centro Comercial Área Central por valor de 35.000 euros para o desenvolvemento dun programa de dinamización comercial e outro coa Asociación de...

A concelleira de Dereitos e Servizos Sociais visitou esta mañá dous dos centros que Aspanaes xestiona en Santiago, en concreto as instalacións do Servizo de Atención Temperá, en Villestro, e o Centro de Educación Especial Duques de Lugo, en Lamas de Abade. María Rozas estivo acompañada polo presidente da entidade, Ignacio Labella; o director xerente, Daniel Viéitez, e o seu antecesor no cargo, José Alén.

O Pleno municipal deu luz verde esta mañá a unha proposta que suspende os actos suxeitos a licenza e comunicación previa no edificio das antigas escolas de Maxisterio, que na actualidade acolle o centro de educación infantil e primaria López Ferreiro e as facultades de Enfermaría e de Ciencias da Educación da USC, na avenida de Xoán XXIII. Este acordo supón o paso previo para a modificación normativa que permita preservar o uso dotacional para o que foi creado así como a protección dos elementos que o...

A Xunta de Goberno Local, reunida en sesión extraordinaria, deu luz verde ás bases da convocatoria de subvencións por un importe total de 250.000 euros para financiar iniciativas e accións de carácter cultural proxectadas e desenvolvidas polos profesionais do ámbito. O executivo municipal tamén acordou a concesión de subvencións por un valor total de 171.235,53 euros para a rehabilitación de vivendas na cidade histórica e nos barrios de Vista Alegre e Vite.

A alcaldesa, Goretti Sanmartín, e a primeira tenenta de alcaldesa, María Rozas, acompañadas do resto de membros do Goberno municipal, fixeron un repaso polas accións levadas a cabo despois de cen días á fronte do Concello así como dos retos inmediatos e a medio e longo prazo. O executivo municipal deu conta destas cuestións nun almorzo informativo cos xornalistas que tivo lugar esta mañá no Auditorio de Galicia.

No concerto do sábado 30, que será aberto ao público, Baldur Brönnimann dirixirá a Real Filharmonía de Galicia cun programa sorpresa. Desde a organización incídese en que é preciso o apoio do público para crear o ambiente dun gran concerto.