Avisos

Debido ás restricións ao tráfico e estacionamento na rúa de Vedra, o Concello habilita un espazo, durante o tempo que duren as restricións, reservado para residentes no aparcadoiro de longa duración de Pontepedriña.

A veciñanza coa condición de residente da zona 1, que abrangue a zona afectada, contará cun espazo debidamente sinalizado para o estacionamento no primeiro tramo do aparcadoiro de Pontepedriña entre as rúas Amor Ruibal e Escultor Camilo Otero.

Esta medida entrará en vigor o próximo luns día 13 de marzo.

A partir das 8.30 h do martes 14 de febreiro abre de novo ao tráfico o sentido de circulación desde a rotonda de Conxo a Benéfica de Conxo. As liñas que circulan pola zona realizarán os desvíos previos ao corte total da rúa:

(DESVÍO EN VIGOR ACTUALMENTE QUE CONTINUARÁ A REALIZARSE):

*Desde a Benéfica de Conxo (Televés) cara a rotonda de Conxo, a liña 5 en sentido centro cidade e Vite, a liña 12 e a liña C4 só poderán chegar ata Televés, desde onde realizarán cambio de sentido voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña có seu itinerario habitual, ben á avda. de Ferrol (liñas 5 e 12), ben a Ramón Baltar (liña C4).

-Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

Pregamos desculpen as molestias que estas alteracións lles poidan ocasionar.

A partir do vindeiro luns, 6 de febrero, e polo prazo de dúas semanas pecharase ao tráfico a rúa das Casas Reais para realización de traballos de mantemento do pavimento.

O Concello de Santiago pregalle á cidadanía que desculpe as molestias que estas alteracións lle poidan ocasionar.

A partir do vindeiro mércores día 1 de febreiro, a Xunta de Galicia vai proceder coa reparación de parte do pavimento da obra que realizou no contorno do barrio de Conxo. O tramo afectado é o comprendido entre a rotonda de acceso da SC-20 e a rotonda da rúa Benéfica de Conxo, xunto a Televés.

Estes traballos conlevan que, dende esa data e durante un prazo de 2-3 semanas, o tráfico de subida cara ao centro da cidade quedará cortado á altura da mencionada rotonda de Televés, circulación que xa estaba limitada ao bus urbano e transportes autorizados.

Queda permitida a circulación de entrada dende a rotonda da SC-20 cara a rúa de Torrente e adxacentes.

Transporte urbano
Por mor deste corte, a partir do mércores 1 de febreiro ás 9.00 h, produciranse os seguintes cambios:

*Desde a rotonda de Conxo cara o Campo e a Benéfica de Conxo (Televés), os autobuses poderán circular con normalidade (liña 5 sentido Rocha e liña C2).

*Desde a Benéfica de Conxo (Televés) cara a rotonda de Conxo, a liña 5 en sentido centro cidade e Vite, a liña 12 e a liña C4 só poderán chegar ata Televés, desde onde realizarán cambio de sentido voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña có seu itinerario habitual, ben á avda. de Ferrol (liñas 5 e 12), ben a Ramón Baltar (liña C4).

-Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

O Concello de Santiago prega á cidadanía que desculpe as molestias que estas alteracións lles poidan ocasionar

A partir do mércores 30 de novembro, a liña 4 do transporte urbano modificará por motivos de seguridade a súa parada terminal de liña na zona do Romaño.

En todos os servizos da liña, os autobuses realizarán o cambio de sentido en Ponte do Romaño na rotonda de confluencia có vial que accede ao polígono do Tambre, realizando deste xeito a parada situada ao carón da devandita rotonda.

A actual parada terminal da liña 4 pasará a ser a segunda parada do percorrido en sentido ao centro da cidade.

A partir do luns 21 de novembro, varios servizos do autobús que cobre a ruta de Pardaces da liña P7 modificarán uns minutos a súa saída:

Luns a venres laborables:

*Pardaces - Porta do Camiño, 6:50 --- pasa a realizarse ás 6:45

*Pardaces - San Caetano, 7:30 --- pasa a realizarse ás 7:20

*San Caetano - Peregrina (circular Aradas), 7:55 --- pasa a realizarse ás 7:45

*Volta Peregrina-Aradas-Pardaces-Porta do Camiño, 8:15 --- pasa a realizarse ás 8:05

Os restantes horarios da liña se manteñen como na actualidade.

A partir do vindeiro luns, 21 de novembro, a rúa Costa do Vedor quedará cortada ao tráfico por mor da realización de obras para a reparación da parte da calzada que conta con chapacuña. O tramo afectado, que se estende dende o cruce coa rúa Pablo Leis ata a Cruz de San Pedro (dos números 2 ao 14 e do 1A ao 17), estará totalmente pechado á circulación durante 12-14 días, o tempo necesario para o fraguado do material.

No resto da rúa, os residentes poderá acceder aos seus garaxes a través da rúa Quiroga Palacios, polo que para facillitar o posible cruce entre vehículos,quedará prohibido o aparcamento en superficie das dúas zonas existentes da rúa.

De igual modo, o luns día 28 de novembro, as obras de reparación do pavimento trasladaranse á rúa das Fraguas. Nesta caso, a realización dos traballos permitirá a circulación dos vehículos, pero o espazo de estacionamento estará destinado ao paso dos vehículos, polo que quedará prohibido o aparcamento.

O Concello de Santiago prega á cidadanía que desculpe as molestias que estas alteracións lles poidan ocasionar.

No marco do proceso da implantación do servizo de fibra óptica, pecharase ao tráfico a rúa dos Xasmíns dende o martes 15 de novembro durante 15 días.

O Concello de Santiago prega á cidadanía que desculpe as molestias que estas alteracións lles poidan ocasionar.

A partir do vindeiro venres día 11 de novembro darán comezo as obras para a substitución do empedrado existente na calzada deste cruce, por unha plataforma de formigón. O cruce que conta con preferencia peonil quedará cortado totalmente á circulación ata o final deste mes de novembro.

Para a realización destes traballos son necesarios os seguintes cambios no tráfico:

Rúa Montero Ríos:
Quedará cortada á circulación dende o cruce coa rúa da Rapa da Folla. Só poderán acceder os residentes do tramo afectado e os vehículos de carga e descarga. A saída para os vehiculos será pola rúa de Alfredo Brañas. Polo tanto, durante as obras, o tramo entre esta rúa e o punto en obras será de dobre sentido.

O tramo final da rúa Montero Ríos, entre Xeneral Pardiñas e a rúa Doutor Teixeiro, tamén sufrirá restriccións, podendo acceder a él dende a praza de Galicia só os residentes e os taxis á súa zona de espera habitual, facendo a entrada e a saída dende este punto.

Rúa Xeneral Pardiñas:

Esta rúa quedará cortada ó tráfico desde o cruce coa rúa República do Salvador. So poderán acceder os vehículos dos residentes deste tramo e os de carga e descarga, realizando tanto a entrada como a saída dende o mencionado cruce.

O primeiro tramo da rúa Xeneral Pardiñas, entre a rúa de Montero Ríos e a rúa Carreira do Conde. quedará invertido o seu sentido de circulación, accedendo só os residentes e a carga e descarga dende a Carreira do Conde, polo que é necesario invertir tamén o seu sentido de circulación, realizando a entrada dende a rúa Rapa da Folla e a saída obrigatoria cara a rúa da Senra.

Transporte urbano

Durante as obras, as liñas de transporte urbano 5, 13, 15, C11 e P6 sufrirán as seguintes modificacións no seu percorrido:

Paradas suprimidas:

-673 Xeneral Pardiñas nº 35

-674 Xeneral Pardiñas nº 7

Desvíos:

*Liña 5 (traxecto Rocha – Vite), liña 15 (traxecto Campus Sur - Campus Norte) e liña P6 (traxecto Rosa - Polígono do Tambre): desde a rúa República Arxentina desviaranse pola praza de Ponte Castro, rúa do Hórreo e cambiarán de sentido na pza. de Galicia para acceder á parada habitual 409 (pza. de Galicia, sentido norte).

*Liña 13: rematará o seu percorrido na pza. de Galicia, desde onde iniciará de novo cara Belvís.

*Liña C11: desde a rúa Santiago de Guayaquil desviarase pola rúa do Hórreo e cambiará de sentido na pza. de Galicia para acceder á parada habitual 409 (pza. de Galicia, sentido norte).

O Concello de Santiago prega á cidadanía que desculpe as molestias que estas alteracións lles poidan ocasionar.

O vindeiro luns día 7 de novembro darán comezo as obras de construción da nova rotonda da rúa do Hórreo, situada á altura da rúa de San Pedro de Mezonzo.

Os traballos terán unha duración aproximada dunha semana, condicionada pola climatoloxia para a súa terminación, tanto das obras como da sinalización horizontal e vertical.

O tráfico quedará afectado de forma que os dous carrís de subida e os dous de baixada pasarán a un só carril en cada sentido no tramo afectado polas obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.