Noticias

O próximo 25 de maio quedará inaugurado o chamado "Barrio Xardín", a zona situada na contorna do Parlamento entre as rúas do Hórreo, avenida de Lugo, Bernardo Barreiro, Curros Enríquez e Neira de Mosquera. O tecido comercial e a veciñanza deste ámbito colaboraron no desenvolvemento dun proxecto que ten como obxectivo dinamizar o comercio da zona, recuperar os espazos públicos e mellorar a convivencia no ámbito. O programa "Barrio Xardín" desenvólvese no marco do programa Con B de...

O Concello de Santiago, a través da Concellaría de Igualdade, colabora por cuarto ano consecutivo coa Fundación USC Deportiva e a Vicerreitoría de Estudantes, Cultura e Responsabilidade Social da USC no programa Verán CampUSC, concibido como unha actividade deportiva, cultural, socioeducativa e de lecer, desenvolvida no período de verán, para rapaces e rapazas de 3 a 13 anos. A preinscrición xa abriu e pecharase o 9 de maio.

O concelleiro de Educación e Cidadanía, Manuel Dios, acompañado doutros/as integrantes da Corporación, recibiu o alumnado do colexio Groupe Scolaire Sainte-Croix, da localidade de Quimperlé, na Bretaña francesa.

O alcalde de Santiago, Martiño Noriega, recibiu en Raxoi aos deportistas Jesús Cabo e Ramona Seijo, gañador e gañadora de medalla na categoría de atletismo nos Xogos Mundiais Special Olympics, celebrados en Abu Dhabi (Emiratos Árabes Unidos) o pasado mes de marzo.

Os días 7 e 8 de maio, ás 18:30 horas, o Teatro Principal acollerá o Festival de Música e Movemento que tradicionalmente organiza o Departamento de Música e Movemento da Escola Municipal de Música. O evento ten por finalidade dar a coñecer o traballo desenvolvido ao longo destes meses na Escola e contará coa participación de máis de 185 alumnos e alumnas de idades comprendidas entre os 3 e os 7 anos, acompañados do profesorado da EMM e das súas familias.

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Ademais de alumnos/as da Escola, tamén poden asistir a estas sesións músicos/as externos/as ao centro.

O alcalde de Santiago, Martiño Noriega, participou este martes na Casa Árabe de Madrid nunha reunión de alcaldes e alcaldesas do Grupo Cidades Patrimonio da Humanidade de España.

A concelleira de Igualdade, Desenvolvemento Económico e Turismo, Marta Lois, presentou esta mañá os detalles do Mercado do Libro e a Artesanía, que terá lugar na praza Aurelio Aguirre (diante do Centro Cívico de Conxo) durante a fin de semana do 4 e 5 de maio.

O paseo da Ferradura acollerá, a partir do próximo venres, a exposición A cidade, o Camiño e nós, organizada pola Rede Galabra da Universidade de Santiago e o Concello compostelán. Trátase da primeira de catro mostras que teñen como obxectivo divulgar os resultados da investigación liderada pola USC, sobre as imaxes, as ideas, os discursos e as prácticas culturais construídas en relación a Compostela e aos Camiños de Santiago.

Este luns comezaron arrincaron as representacións do XXIV Certame de Teatro Intercentros, que se celebra no Teatro Principal entre o 29 de abril e o 22 de maio. Máis de 300 escolares de Primaria, Secundaria e Bacharelato participan nesta edición do evento, organizado pola Concellaría de Educación e a Coordenadora de Equipas de Normalización Lingüística.