Noticias

O Fondo Galego de Cooperación e Solidariedade, no que está integrado o Concello de Santiago de Compostela, aprobou por unanimidade as Liñas Estratéxicas 2020-2023 na Asemblea Xeral celebrada esta mañá, na que participou o concelleiro de Relacións Institucionais, Sindo Guinarte. É a primeira asemblea que se desenvolve de xeito virtual na historia desta asociación de concellos e deputacións, a fin de minimizar o risco sanitario derivado da Covid-19. As e os asistentes déronlle tamén luz verde ao Plan de...

Esta semana, coa chegada do mes de xullo, arrinca a programación de Vive o verán nos centros socioculturais do medio urbano. Ademais das actividades previstas para as mañás nos centros socioculturais das Fontiñas, O Romaño, A Trisca, O Castiñeiriño, Santa Marta, Conxo e O Ensanche, preparouse un calendario de actividades complementarias, algunhas das cales aínda teñen prazas dispoñibles.

Mañá mércores, 1 de xullo, entrarán en vigor os horarios de verán do servizo de transporte público. Será ese día cando se retome a normalidade no funcionamento deste servizo, despois de varios meses de limitacións motivadas polo drástico descenso da demanda de usuarios/as e das obrigas hixiénicas e sanitarias a raíz da Covid-19.

O alcalde de Santiago, Xosé Sánchez Bugallo, recibiu o novo comandante do Aeródromo Militar de Santiago e Comandancia Militar Aérea do Aeroporto de Santiago, Pedro M. Díaz González. Foi unha reunión protocolaria e de presentación, na que ambos manifestaron a vontade de colaboración.

A concelleira de Acción Cultural, Mercedes Rosón, presentou hoxe –xunto a Ana Vallés e Baltasar Patiño– a función de Daimon y la jodida lógica a obra de Matarile Teatro coa que se levanta o pano no Auditorio de Galicia e no Teatro Principal. Será o venres 3 de xullo ás 20:30 h, no Auditorio de Galicia. Ábrese así a programación de Volvemos á escena! – Xullo 2020, que recupera sete dos espectáculos adiados pola alerta sanitaria.

O concelleiro de Mobilidade e Seguridade Cidadá, Gonzalo Muíños, asistiu este martes na praza do Obradoiro á presentación da Asociación de Empresas Galegas de Alugueiro de Autocaravanas (Asemgal), que quedou constituída hoxe en Santiago de Compostela. Esta entidade reúne 36 firmas do sector co obxectivo de por en valor as posibilidades que oferta para Galicia este modelo de actividade dentro do ámbito turístico.

O Centro Empresarial do Tambre acolleu hoxe a reunión da Mesa Institucional do chamado "Acordo da Sionlla", á que asistiron o alcalde de Santiago, Xosé Sánchez Bugallo; a conselleira de Medio Ambiente, Territorio e Vivenda, Ángeles Vázquez; o conselleiro de Economía, Emprego e Industria, Francisco Conde; o vicerreitor de Investigación e Innovación da Universidade de Santiago (USC), Vicente Pérez Muñuzuri; o vicepresidente da Cámara de Comercio de Santiago, José Carballo García; e o...

Mañá mércores, 1 de xullo, comeza o Ciclo de Cine ao Aire Libre, organizado pola Concellaría de Mocidade, coa proxección da longametraxe Call me by your name, de Luca Guadagnino. Exhibirase ás 22:30 horas na Alameda, a carón das escaleiras de subida cara a gardería. En caso de choiva, a actividades suspenderíase.

O alcalde de Santiago, Xosé Sánchez Bugallo, e a subdelegada do Goberno na Coruña, Pilar López-Riobóo, asinaron esta mañá o protocolo que supón a incorporación definitiva de tres policías locais ao Sistema VioGén (Sistema de Seguimento Integral nos Casos de Violencia de Xénero), unha vez completado o seu período de formación. Foi no marco da celebración dunha nova Xunta de Seguridade Local na que, entre outros asuntos, se analizaron os índices de seguridade cidadá e as...

O alcalde de Santiago, Xosé Sánchez Bugallo, anunciou que este martes o Goberno local adxudicou, nun Xunta de Goberno extraordinaria, o deseño, produción, montaxe e realización do espectáculo pirotécnico das festas do Apóstolo, por un importe total de 106.601 euros á empresas Pirotecnia Zaragozana. Cómpre lembrar que o espectáculo pirotécnico deste ano terá lugar, ao tempo e coas mesmas características, en oito localizacións diferentes na cidade.