Noticias

A Real Filharmonía de Galicia celebra esta semana dous concertos didácticos dirixidos a nenos e nenas de ata dez anos, o xoves 28 e o venres 29, ás 11:00 horas, no Auditorio de Galicia. E o sábado, ás 18:30 horas, repetirase a actuación para o público infantil e familiar dentro do ciclo Descubre unha orquestra para ti, a túa!, que busca achegar a RFG e a música clásica a novos públicos.

O cinema Numax recibe a vindeira fin de semana a visita dunha das cineastas máis prestixiosas do país veciño. Valérie Massadian ofrece o domingo 31 de marzo o encontro A cor das palabras, organizado polo Concello de Santiago, e presentará domingo e luns os seus dous filmes máis emblemáticos: Nana e Milla.

O vindeiro venres 29 de marzo terá lugar no Centro Cívico de Busto o II Encontro de Mulleres do Rural, enmarcado dentro das accións que organiza o Concello polo 8 de marzo, Día Internacional das Mulleres.

O Grupo de Cidades Patrimonio da Humanidade de España firmou un convenio de colaboración coa Red Española de Albergues Juveniles (REAJ) co fin de potenciar o posicionamento de marca de ambas as dúas institucións e fomentar o coñecemento da Red de Albergues e dos destinos do grupo de Cidades Patrimonio nos principais mercados turísticos. O convenio asinárono este mércores o presidente do Grupo e alcalde de Cuenca, Ángel Mariscal, e o presidente do Consorcio REAJ, Francisco Javier Sánchez López.

A praza do Obradoiro acolleu este mediodía un minuto de silencio para condenar o último asasinato machista, acontecido este luns en Loeches (Madrid).

Os Monicreques de Kukas celebran o seu 40 aniversario como compañía e fano estreando Arlequina no Teatro Principal. Será este xoves 28 de marzo, ás 20:30 horas, e repetirán función para público familiar o venres 29 e o sábado 30, neste caso ás 18:30 horas. Así o presentaron esta mañá a concelleira de Acción Cultural, Branca Novoneyra; o director de Agadic, Jacobo Sutil; e Isabel Rei e Marcelino de Santiago, Kukas, da compañía.

O Centro Cívico Agustín Bueno do Castiñeiriño acollerá os días 15, 16 e 17 de abril un campamento urbano dirixido a nenos e nenas nacidos entre 2006 e 2007, e que terá a música como eixo condutor. A concelleira de Centros Cívicos, Concha Fernández, presentou hoxe o programa, que ten aberto o prazo de inscrición ata o 10 de abril.

Trinta alumnos e alumnas do CEIP López Ferreiro visitaron Vila Real (Portugal) no marco do programa de intercambios escolares do Eixo Atlántico. Os/as escolares de Vila Real devolverán a visita os días 6, 7 e 8 de maio, cando visitarán Santiago de Compostela.

A Casa do Cabido acolle a exposición Elas, retrato dun mercado, que reúne instantáneas realizadas polo fotógrafo Manuel Blanco ás mulleres do Mercado de Abastos de Santiago. A mostra está impulsada polo Consorcio de Santiago e as concellarías de Acción Cultural e Mercados do Concello de Santiago. Esta mañá inaugurábaa o alcalde e presidente do Consorcio da cidade, Martiño Noriega. Ao acto asistiron, ademais do propio fotógrafo, a concelleira de Acción Cultural, Branca Novoneyra; a...

O concelleiro de Educación e Cidadanía, Manuel Dios, acompañado da coordinadora de Kaladraka, Manuela Rodríguez, deu conta hoxe dos detalles dunha nova edición da Campaña Municipal de Animación á Lectura, que se desenvolverá no Centro Abanca e que ten como lema Cándido e dez premios máis, título da última obra gañadora do Premio Compostela de Álbums Ilustrados.