Noticias

A concelleira de Acción Cultural, Branca Novoneyra, participou na acción organizada polo colectivo Caixa de Pandora no triángulo instalado na praza Roxa con motivo do 8 de marzo. Abriuse así un período de oito horas (de 12:00 a 20:00 h) no que mulleres da cultura lerán as mensaxes que o público deixou escritas na instalación aberta o 1 de marzo, converténdose así en altofalantes das experiencias e denuncias da xente.

A concelleira de Desenvolvemento Económico, Marta Lois, participa en Barcelona no encontro da Rede de Entidades de Desenvolvemento Local, REDEL, que se celebra hoxe venres e mañá sábado, coa participación de preto de 50 profesionais e responsables políticos do desenvolvemento local de máis de 20 cidades e rexións de España.

A Escola de Altos Estudos Musicais (EAEM), con sede en Santiago de Compostela, ofrece este sábado, 30 de marzo, un concerto do seu alumnado do Curso de Especialización Instrumental que toca o violín, a viola, o violoncello, o contrabaixo, a frauta, o óboe, o clarinete, o fagot, a trompa, a trompeta, o trombón e a percusión. A cita será no auditorio do propio centro, ás 21:00 horas, e as entradas serán gratuítas ata completar o aforo.

Este pasado luns, 25 de marzo, remataba o prazo para presentarse a dúas convocatorias de axudas que ten en marcha o Consorcio de Santiago co fin de mellorar os edificios da cidade histórica compostelá. Trátase, por un lado, do programa Ter é manter, dirixido ao mantemento e mellora da eficiencia enerxética da envolvente exterior dos edificios. E, por outro lado, o programa destinado de maneira específica á rehabilitación de carpinterías de madeira e reixas de cara a optimizar a eficiencia enerxética das...

A Casa Real vén de confirmar que o Real Padroado celebrará unha xuntanza en 2019. Foi nunha carta dirixida ao alcalde, Martiño Noriega, na que se sinala que a data da reunión será fixada despois das eleccións municipais de maio.

Case sete millóns e medio de persoas utilizaron o transporte urbano de Santiago en 2018, 420.000 máis que un ano antes. A liña 6 (San Marcos-Os Tilos), a C11 (Circular de Fontiñas), e a liña 1 (Cemiterio de Boisaca-Hospital Clínico), consolídanse como as máis utilizadas pola cidadanía, superando amplamente o millón de viaxeiros e viaxeiras.

O alcalde de Santiago inaugurou a XIX Campaña Municipal de Animación á Lectura, que se desenvolverá ata o 3 de maio. Martiño Noriega visitou a exposición aberta no Centro Social Abanca e conversou cos nenos e nenas que participaron durante a mañá nas sesións de contacontos e obradoiros.

O Estadio Municipal Verónica Boquete de San Lázaro converterase nun dos epicentros do fútbol europeo durante os días 3, 6 e 9 abril coa celebración de tres partidos clasificatorios para a Eurocopa Sub-19, que terá lugar en Escocia durante o verán. Os detalles explicáronos esta mañá a concelleira de Deporte, Noa Morales; o presidente da Federación Galega de Fútbol, Rafael Louzán, e o director deportivo da Federación, Manuel Fernández.

Como gañador do accésit do Décimo Premio Auditorio de Galicia para novos artistas, dende o Departamento de Acción Cultural convidouse a Brais Rodríguez a idear unha instalación específica para a Zona "C". Co nome de Verticais, Brais abre esta instalación este xoves 28 de marzo, ás 19:30 horas, na Zona C (Bonaval, 1). A intervención poderá visitarse ata o 26 de maio en horario de 16:00 a 20:00 horas (luns permanecerá pechada). Estará acompañado da concelleira de Acción...

A concelleira de Deporte, Noa Morales, acompañada doutros integrantes da Corporación, recibiu os integrantes do club xaponés de fútbol sala Bork Kitakyushu.