Noticias

A voceira do goberno local, Míriam Louzao, deu conta en rolda de prensa dos asuntos máis destacados da Xunta de Goberno, entre os que salientan a aprobación dos proxectos do polideportivo de Santa Isabel e da rúa García Lorca, así como do regulamento do funcionamento interno do Consello Municipal de Mocidade.

A Xunta de Goberno aprobou hoxe o proxecto para a implantación da Zona de Baixas Emisións de Santiago, que quedará establecida na améndoa histórica. O Concello atende así ás directrices marcadas na Lei de Cambio Climático e Transición Enerxética de 2021, que fixa como obxectivos destas ZBE a mellora da calidade do aire, a contribución a mitigar o cambio climático, a aposta por modos de transporte máis sostibles, e o impulso da eficiencia enerxética. A aprobación da Zona de Baixas...

A concelleira de Turismo, Míriam Louzao, deu conta hoxe dos principais resultados do servizo de información e benvida a pé de rúa para persoas visitantes, que forma parte da 2ª fase da campaña Fráxil. A acción permitiu extraer datos "moi relevantes" como que o 70% das persoas enquisadas afirmaron que pasarían dúas ou máis noites na cidade, que só o 9% optou por apartamentos turísticos ou que a media das máis de 1000 medicións de son realizadas apuntan a un volume de ruído de...

O concelleiro de Urbanismo, Vivenda e Cidade Histórica, Iago Lestegás, participou no curso de Urbanismo do 5º ano da Escola de Arquitectura da Universidade de Florencia cunha conferencia sobre o modelo de cidade que impulsa a capital galega, na que destacou que "as administracións públicas deben priorizar o aproveitamento do parque residencial existente". Neste sentido, Lestegás deu conta de varias iniciativas que o goberno local desenvolve con este obxectivo.

A alcaldesa de Santiago, Goretti Sanmartín, subliñou este venres que a capital galega "se sitúa na vangarda" tras facer unha proposta para a implantación do imposto por estadía e conseguir que a Xunta "dixese que si" á coñecida como taxa turística. "É un bo día que será lembrado e estou segura de que moitos concellos seguirán o camiño e a estela de Santiago", proclamou.

O Concello aprobou unha nova convocatoria para o Mercado de Nadal, que se instalará en Carreira do Conde e Área Central. O prazo para solicitar a participación estará aberto ata o próximo día 28 de outubro.

O Teatro Nacional São João desembarca esta fin de semana no Auditorio de Galicia co espectáculo As bruxas de Salem, unha nova adaptación da obra coa que o dramaturgo neoiorquino Arthur Miller retratou en 1953 a histeria colectiva da sociedade norteamericana tomando como inspiración os xuízos por bruxaría.

O Consorcio de Santiago publicou na Plataforma de Contratación do Estado o contrato para realizar unha intervención na Casa do Cabido, en concreto para levar a cabo obras de mantemento ordinario e preventivo na cornixa e peineta deste inmoble de gran valor histórico, artístico e arquitectónico da cidade de Santiago de Compostela.

O concelleiro Xesús Domínguez destaca o avance na execución dos remanentes, aprobado no mes xullo.

A concelleira de Dereitos e Servizos Sociais, Promoción Económica e Xuventude, María Rozas, participou hoxe na apertura do programa de emprego "Genius", no que 16 mozos e mozas menores de 30 anos recibirán formación nas especialidades de desenvolvemento de aplicacións con tecnoloxía web e desenvolvemento de produtos audiovisuais multimedia interactivos. No acto tamén participaron a delegada territorial da Xunta na Coruña, Belén Docampo, e o director territorial da Consellería de Emprego, Comercio e...