Noticias

Na reunión confirmouse a adhesión dos hostaleiros á campaña municipal 'Fala Baixiño' e a vontade conxunta das dúas partes para a creación dunha mesa que sirva de "canle formal, estábel e de diálogo entre o Concello e as asociacións de hostalaría", como indicou a alcaldesa. Participaron na xuntanza a rexedora de Santiago, Goretti Sanmartín; os/as concelleiros/as María Rozas, Míriam Louzao e Iago Lestegás; e os/as representantes das principais asociacións de...

A piscina de Santa Isabel acollerá este sábado 2 de decembro o 'Open Promesas Mireia Belmonte by Hyundai' no que participarán 246 nadadores e nadadoras de 18 clubs de Galicia e de fóra de Galicia. A competición presentouse esta mañá no Pazo de Raxoi da man da concelleira de Deportes, Pilar Luiero, e o presidente do Club de Natación Ciudad de Santiago, José Rioseco.

O concelleiro de Mobilidade e Convivencia, Xan Duro, e varios membros da Corporación municipal recibiron esta mañá aos responsables de Protección Civil de Llanos de Ariane, Santa Cruz de Tenerife e de Tegueste que se atopan en Santiago para dar unha charla sobre a xestión da emerxencia volcánica na Illa da Palma en 2021. Esta conversa terá lugar mañá xoves, 20 de decembro, no edificio CERSIA e está aberta a todas as persoas interesadas.

A concelleira de Dereitos e Servizos Sociais, Promoción Económica e Xuventude, María Rozas, presidiu onte a xuntanza na que quedou constituído o Consello Municipal de Cooperación e Solidariedade. O Consello, que non se reunía desde 2019, é un órgano consultivo de participación cidadá para a análise, asesoramento e seguimento das accións en materia de cooperación internacional ao desenvolvemento, educación para a cidadanía global e acción humanitaria do Concello de Santiago.

Dinamizar o comercio, ofrecer alternativas de ocio á veciñanza, e poñer en valor o talento da mocidade de Compostela. Son os obxectivos das actividades de Nadal organizadas desde a Concellaría de Dereitos e Servizos Sociais, Promoción Económica e Xuventude. A concelleira, María Rozas, explicou que "o Ensanche estará todo o mes de decembro cheo de actividades novidosas, pensadas para todos os públicos, e centralizadas na Praza Roxa, que será un dos puntos neurálxicos das festas".

A alcaldesa de Santiago asinou un acordo de colaboración co Clúster Galego da Industria do Deporte e do Benestar para formar parte do Movemento Dous Millóns, que busca incentivar a práctica da actividade física entre a cidadanía co reto de chegar aos dous millóns de persoas que fan deporte en Galicia.

Solistas procedentes de España, Chile, China, Letonia, México, Italia e Polonia aspiran a facerse co primeiro premio, dotado con 4000 euros, cunha actuación remunerada coa Real Filharmonía, un recital remunerado no marco do Festival Les Musicales du Luberon e un rol na temporada da Ópera de Oviedo. O Auditorio de Galicia acollerá a semifinal o venres ás 17.00 horas e dela sairán os oito finalistas que actuarán na final do sábado a partir das 20.30 horas. Ambas as dúas citas serán abertas ao público e a...

"En galego, naturalmente" é o lema co que se presenta este ano os 'Premios Manuel Beiras ao uso do galego na empresa e o comercio', convocados polo Concello de Santiago e a Cámara de Comercio. O slogan da campaña pretende pór en valor o uso da lingua galega nos establecementos locais como unha maneira de conectar coa clientela e achegar naturalidade e proximidade nun mercado cada vez máis global. O 18 de decembro a partir das 20.00 horas, o Teatro Principal acollerá a gala de entrega de premios ás empresas seleccionadas polo...

A praza do Obradoiro acolleu este mediodía un minuto de silencio pola muller asasinada en Vallecas e polas dúas mulleres (nai e filla) asasinadas en Madrid, últimas vítimas de violencia machista.

A alcaldesa de Santiago, Goretti Sanmartín, e a primeira tenenta de alcaldesa, María Rozas, avanzaron esta mañá o programa das Festas de Nadal que este ano se presenta baixo a marca "Compostela, a estrela do Nadal", inspirada na simbólica estrela de oito puntas de Santiago. Este novo programa aglutina un amplo abano de actividades para todo os públicos e de diferentes barrios e parroquias baixo unha mesma marca co fin de converter estas festas "nas terceiras de entidade da cidade", tras o Apóstolo e a Ascensión.