DEPORTES
Preto de 160 atletas participarán este sábado na XXI edición do Duatlón Cidade de Santiago
A concelleira de Deportes, Pilar Lueiro, presentou hoxe os detalles do XXI Duatlón Cidade de Santiago e do XXIV Duatlón Escolar. Na rolda estivo acompañada por Paloma Herbello Hermelo, presidenta do Club Triatlón Santiago e por Juan Carlos Ageitos Sampedro, delegado da Federación Galega de Triatlón na comarca de Santiago.
LINGUA
Correlingua leva a festa do galego a once localidades de Galicia
Concertos, regueifas, obradoiros, concursos e carreiras volven ser a festa de reivindicación do uso do galego na 24 edición de Correlingua que foi presentada esta mañá no Pazo de Raxoi. A Gramola Gominola, Cuarta Xusta e a Menánika Rolling Band gañan os tres primeiros premios de Cantalingua, con Paco Nogueiras e Pauliña no cuarto posto. As cinco bandas serán as protagonistas das festas a celebrar nos centros repartidos por todo o país.
SAÚDE
O Plan Municipal de Saúde Mental de Santiago marca unha estratexia encamiñada á prevención cunha campaña de sensibilización social
A concelleira Pilar Lueiro mantivo unha reunión de traballo sobre o desenvolvemento do Plan municipal de saúde mental, onde trazou a estratexia encamiñada á prevención, con campañas de sensibilización social, difusión de actividades e recursos de acceso libre e gratuíto, con especial atención ao suicidio e á mocidade. Incluirá tamén actuacións de integración comunitaria dirixidas ás persoas con trastornos para a creación e fortalecemento dunha rede de apoio.