LINGUA
Volven as actividades do programa Apego para fomentar a crianza en galego
O Concello de Santiago relanza o programa Apego con novas actividades que comezan neste mes de marzo para a socialización en galego de nenos e nenas entre 0 e 6 anos. A alcaldesa de Santiago, Goretti Sanmartín, acompañada da técnica do Departamento de Lingua, Marta Besada, deu conta en rolda de prensa das actividades deste programa que busca situar Compostela á "vangarda das políticas de promoción e defensa da lingua galega, sobretodo entre as crianzas".
MODERNIZACIÓN DA ADMINISTRACIÓN LOCAL
O Concello de Santiago impulsa a simplificación administrativa para facilitar e actualizar os procedementos
O concelleiro de Economía e Facenda, Persoal, Contratación e Modernización da Administración Local, Manuel César, vén de asinar unha resolución para crear unha comisión estable de traballo para a simplificación administrativa no Concello de Santiago de Compostela.
DEPORTES
Recollida de alimentos no estadio Verónica Boquete durante o partido do domingo da SD Compostela
O vindeiro domingo, durante o encontro que manterá a SD Compostela co Gimnástica de Torrelavega, recolleranse no estadio municipal Verónica Boquete produtos non perecedoiros a favor do Banco de Alimentos de Santiago (Balrial), patrocinador do partido. Todas aquelas persoas que entreguen produtos na entrada do Estadio terán o acceso de balde ao encontro. A concelleira de Deportes, Pilar Lueiro, participou esta mañá na presentación desta iniciativa solidaria.
CAPITAL CULTURAL
Josep Maria Pou chega este domingo ao Auditorio de Galicia con ‘El Padre’
O actor catalán interpreta un home que pacede alzhéimer nesta adaptación ao castelán da exitosa obra de Florian Zeller. A representación terá lugar na Sala Ángel Brage a partir das 20.30 horas e as entradas poden ser adquiridas na web de Compostela Cultura, no despacho de billetes da Zona C e no do propio Auditorio.
