CIDADES PATRIMONIO
Goretti Sanmartín asistirá este sábado á Asemblea constituínte do Grupo de Cidades Patrimonio da Humanidade en Tarragona
Trátase da primeira xuntanza do Grupo que se realiza tras a constitución das novas corporacións municipais, polo que ao comezo do acto o presidente do Grupo e alcalde de San Cristóbal de la Laguna, Luís Yeray Gutiérrez, entregará as súas respectivas insignias aos novos alcaldes e alcaldesas, entre eles, á rexedora de Santiago, Goretti Sanmartín. A Asemblea impulsará os actos de celebración do 30 aniversario do Grupo.
PLENO
O Pleno aproba por unanimidade dúas declaracións institucionais de apoio ao acordo entre a Corporación municipal e o Foro Cívico e de rexeitamento da censura no mundo da cultura
O Pleno municipal acordou esta mañá de xeito unánime respaldar o acordo subscrito entre as forzas políticas da Corporación municipal e o Foro Cívico de Santiago que fixa como obxectivos prioritarios para abordar neste mandato o estacionamento do CHUS, a solución á escaseza de vivienda na cidade, a xestión do servizo do ciclo integral da auga, a construción da estación de ferrocarril de mercadorías, a creación de solo industrial e dunha oficina de captación de investimentos e o turismo...
