DEPORTE
Recepción en Raxoi a selección absoluta de fútbol sala de Vietnam
A concelleira de Deportes, Noa Morales, recibiu a selección absoluta de fútbol sala de Vietnam, á que deu a benvida a Santiago de Compostela.
MEDIO RURAL
O Concello investirá 150.000 euros na 1ª fase do plan de eliminación de fochancas
O concelleiro de Medio Rural presentou esta mañá a primeira fase do Plan para a eliminación das fochancas no termo municipal de Santiago, na que se van investir 150.000 euros. Rafael Peña explicou que o Concello ten detectados 2.400 fochos na rede viaria, case o 80% na zona rural.
ALCALDÍA
Compostela Solidaria entregaralle ao Concello os 6.000 euros recadados nun concerto solidario para os comedores escolares
O alcalde de Santiago recibiu esta mañá á directiva da asociación Compostela Solidaria, presidida por Luis Rivero de Aguilar. O colectivo, integrado por unha trintena de xubilados e xubiladas, púxose a disposición de Martiño Noriega para colaborar nas iniciativas de carácter social que se consideren oportunas dende o Concello. Máis en concreto, Compostela Solidaria amosou o seu interese en participar nas actuacións que poña en marcha o Goberno local para o acollemento de refuxiados.
POLÍTICAS SOCIAIS
Constituída a Mesa de Traballo para estudar a situación das persoas sen teito na cidade
Concha Fernández, concelleira de Políticas Sociais, reuniuse está mañá con 13 entidades da cidade (Rede Galega contra a Pobreza, Cáritas, FEAFES Galicia, Cruz Vermella, Albergue Xoán XXIII, Cociña Económica, Policía Local e Protección Civil, UMAD, Colexio de Educadoras e Educadores Sociais, Colexio de Traballo Social de Galicia, Colexio Oficial de Psicoloxía de Galicia, Unidade de Traballo Social do CHUS, Persoal Técnico doDdepartamento de Políticas Sociais) para analizar de forma conxunta a...
ACCIÓN CULTURAL
A intriga de Agatha Christie chega este venres a Compostela da man de "10 Negritos"
A intriga de Agatha Christie chegará este venres día 25 a Compostela da man do clásico da escritora 10 Negritos, logo de estar durante dúas temporadas con éxito de crítica e público nas carteleiras madrileñas. Será ás 20:30 horas, no Auditorio Abanca, e dentro do ciclo Teatro 2015, da Concellaría de Acción Cultural.
MOBILIDADE
O transporte urbano será gratuíto este martes en Santiago para celebrar o Día sen Coche
Santiago de Compostela está a celebrar a Semana Europea da Mobilidade con actividades que se prolongarán ata o próximo domingo cunha xornada lúdica ao redor da bicicleta. Mañá martes, 22 de setembro, celébrase o Día sen Coche, unha xornada á que Compostela tamén se quere unir mediante o fomento do transporte público, que será gratuíto en toda a rede para animar os composteláns a que deixen na casa o vehículo particular.
MOBILIDADE
Santiago de Compostela celebrou o primeiro Encontro pola Mobilidade
O concelleiro de Espazos Cidadáns, Jorge Duarte, participou do I Encontro pola Mobilidade, que se celebrou este luns na Biblioteca Ánxel Casal. Duarte apuntou as seis liñas estratéxicas en materia de mobilidade nas que está a traballar o Goberno local e entre as que se atopan a redución do tráfico rodado nas rúas do centro da cidade, sobre todo de vehículo privado, mentres se dá prioridade ao uso peonil. Para o concelleiro de Espazos Cidadáns "é fundamental priorizar os espazos cidadáns para uso e...
