MOBILIDADE E SEGURIDADE CIDADÁ
Últimos días para o pagamento da taxa anual das tarxetas de residente por razón de municipio
A Concellaría de Mobilidade e Seguridade Cidadá informa do peche do prazo, o vindeiro sábado 15 de febreiro, para o abono da taxa anual correspondente ao ano 2020 das tarxetas de residente por razón de municipio.
ALCALDÍA
O Concello e a Asociación Plataforma polo Emprego renovan o seu compromiso de colaboración
O alcalde de Santiago, Xosé Sánchez Bugallo, reuniuse cunha delegación da Plataforma polo Emprego, encabezada polo seu presidente, Miguel Fernández. Na xuntanza tamén participou o técnico municipal responsable da área de Emprego, Xavier Ferreiro.
DEPORTE
Santiago, capital do xadrez grazas ao II Maxistral Cidade de Compostela
Dende hoxe e ata o próximo 18 de febreiro, Compostela acolle a II edición do Maxistral Cidade de Compostela, un torneo que pretende impulsar os/as máis prometedores/as xogadores/as galegos/as e darlles a oportunidade de alcanzar os títulos de Mestre Internacional e Gran Mestre internacional, enfrontándoos a prestixiosos xadrecistas. As partidas desenvolveranse todas as tardes, a partir das 17:00 horas, no Hotel Hesperia Peregrino.
TURISMO
Compostela acolle ata o o 18 de febreiro o II Maratón Internacional de Creación de Curtametraxes "Kino Galicia"
O concelleiro de Turismo, Sindo Guinarte, asistiu hoxe no CGAC á presentación de Kino Galicia 2020, II Maratón Internacional de Creación de Curtametraxes. Ata o 18 de febreiro, o Centro Galego de Arte Contemporánea acollerá a segunda edición desta cita anual, que forma parte dun movemento presente en máis de oitenta cidades dos cinco continentes.
ACCIÓN CULTURAL
O Grupo de Cidades Patrimonio aproba o seu calendario de eventos culturais, educativos e deportivos para 2020
Este martes celebrouse un novo encontro da Comisión de Traballo de Educación, Cultura e Deporte do Grupo de Cidades Patrimonio da Humanidade de España, no que se aprobou o novo calendario de eventos para este ano 2020. Entre estes destaca a III edición da Noite do Patrimonio, que se celebrará de forma simultánea nas 15 cidades do grupo o 12 de setembro; o III Circuíto de Carreiras Cidades Patrimonio, o VII Ciclo de Música de Cámara e a VII edición do programa Aula de Patrimonio,...
