ALCALDÍA
O alcalde destaca a aposta do concello pola biotecnoloxía e o emprendemento social na visita á II Feira de emprendedoras de Compostela
O alcalde compostelá, Xosé Sánchez Bugallo, visitou a "II Feira de outubro de emprendedoras de Compostela" que rematou hoxe. O rexedor achegouse ata a Aula Gastrocultural do Mercado de Abastos, onde destacou que "é necesario apostar pola innovación e o emprendemento" e pór en valor "aquelo que nós temos, que nos permite competir en mellores condicións nunha economía aberta . O rexedro tamén lembrou a aposta do concello pola biotecnoloxía "onde a universidade de Santiago é...
EMPREGO
O alumnado do obradoiro de emprego CREAS II acondiciona e recupera un espazo no monte Viso para a veciñanza
O alcalde de Santiago, Xosé Sánchez Bugallo, acompañado pola directora xeral de Formación e Colocación, Zeltia Lado Lago, e polo enxeñeiro xefe da Área de conservación e explotación de estradas da Coruña, Eduardo Toba, visitou o obradoiro de emprego dual CREAS II, co que se está a realizar unha intervención de mellora medioambiental para a rexeneración do Monte Viso.
SERVIZOS E MOBILIDADE
Protocolo para o acceso ao cemiterio municipal de Boisaca por mor da covid
O Concello lembra o protocolo a seguir no acceso ao cemiterio municipal de Boisaca nas festividades de Todos os Santos e o Día de defuntos e prega á cidadanía o cumprimento das medidas para a prevención dos contaxios por covid.
ALCALDÍA
O alcalde fai un chamamento a toda a cidadanía para que cumpra coas novas medidas restritivas
Xosé Sánchez Bugallo pide aos veciños e veciñas de Santiago que cumpraN coas novas restricións impostas pola Consellería de Sanidade, que establecen o peche perimetral conxunto dos concellos de Santiago, Ames e Teo a partir das 15.00 horas deste venres 30 de outubro.
ALCALDÍA
Sánchez Bugallo amosa a súa satisfacción pola inclusión da futura estación do AVE de Santiago no proxecto de orzamentos do Estado, cun investimento superior aos 30 millóns de euros
O alcalde de Santiago, Xosé Sánchez Bugallo, aclarou que no proxecto de orzamentos do Estado para o 2021 si está incluída a estación de tren. Un tema importante para a cidade, sinalou "estratéxico, cun investimento previsto de 30.450.000 euros", para "facer a estación do AVE de Santiago". Este apunte está, explicou, no apartado de alta velocidade. O rexedor recoñeceu que onte pasoulle inadvertido, pero despois de falar coa presidenta de Adif, Isabel Pardo de Vera, "envioume a páxina", na que...
CIDADES PATRIMONIO
As 15 cidades patrimonio da Humanidade traballan para reorientar as estratexias de turismo na situación actual
A Comisión de Turismo do Grupo, formada polos técnicos de Turismo das 15 cidades que forman a rede, mantivo unha xuntanza telemática na que se analizaron as conclusións da III Fase do Observatorio Turístico do Grupo, un estudo financiado pola Secretaría de Estado de Turismo desde 2018 e que ten como fin analizar cada ano os datos de viaxeiros nestes destinos para optimizar e adaptar a promoción turística e campañas estratéxicas. Este estudo xa foi presentado o pasado 13 de outubro aos concelleiros da rede.
ACCIÓN CULTURAL
O Festival Atlántica volve este outono para completar a súa oitava edición
Tras a interrupción de marzo por mor da declaración do estado de alarma, o Festival Atlántica vén de anunciar a continuación da súa oitava edición, que se vai celebrar entre novembro e decembro. A presentación tivo lugar este xoves, 29 de outubro, nunha rolda de prensa na que participaron Mercedes Rosón, primeira tenente de alcalde e concelleira Responsable de Urbanismo, Vivenda, Cidade Histórica e Acción Cultural do Concello de Santiago de Compostela; e Soledad Felloza, directora do Festival Atlántica.
PLENO
O pleno aproba dúas declaracións institucionais para nomear fillo adoptivo ao profesor e escritor Manuel Quintáns e para recuperar os servizos ferroviarios suprimidos en Galicia
Na sesión ordinaria do mes de outubro o pleno da corporación deu luz verde a dúas declaracións institucionais e a unha moción conxunta dos catro grupos municipais para reiterar o compromiso do Concello coa igualdade e coa loita contra as violencias de xénero.
ACCIÓN CULTURAL
O Concello e a Xunta acordan a composición do grupo de expertos para a recuperación das estatuas do Mestre Mateo
O Concello de Santiago e a Xunta de Galicia veñen de acordar a composición do grupo de oito expertos que analizará as últimas evidencias en torno ás estatuas de Abraham e Isaac, atribuídas ao Mestre Mateo, e valorará liñas de acción conxuntas de cara a súa recuperación para o dominio público.
ALCALDÍA
Primeira valoración do alcalde sobre o proxecto de orzamentos do estado, que "recollen os diferentes compromisos adquiridos con Santiago"
O alcalde de Santiago, Xosé Sánchez Bugallo, realizou unha primeira valoración do proxecto de Lei de Orzamentos Xerais do Estado. Recollen, sinalou, os diferentes compromisos adquiridos con Santiago de Compostela, aínda que, "ao mellor nos houbera gustado unha maior aportación".
