DEPORTE
Máis de 200 judokas participarán durante esta fin de semana no IX Trofeo Cidade de Santiago
A concelleira de Deporte, Noa Morales, presentou esta mañá o IX Trofeo Cidade de Santiago de Judo, que reunirá a máis de 200 judokas esta fin de semana en Compostela. Na rolda estivo acompañada do presidente da Federación Galega de Judo, Mario Muzas, e do presidente do Compostela Judo Club, Javier Rial.
TURISMO
Santiago de Compostela acollerá un novo desfile dos Imperial Stormtroopers o vindeiro 27 de maio
A concelleira de Turismo, Marta Lois, acompañada dos representantes da Tropa Korriban, Manuel Ángel Gayoso e Andrés Torreiro, presentaron no Pazo de Raxoi o desfile que terá lugar polas rúas de Santiago e que rematará na praza do Obradoiro o próximo 27 de maio.
EDUCACIÓN
As escolas infantís municipais celebraron o Día Escolar da Paz cun encontro en Salgueiriños
As Escolas Infantís Municipais celebraron de xeito conxunto o Día Escolar da Non Violencia e a Paz, cun encontro no centro de Meixonfrío-Salgueiriños. A actividade, na que participaron o alcalde e o concelleiro de Educación e Cidadanía, serviu para poñer en valor o traballo que se desenvolve ao longo de todo o ano nas escolas de Conxo, As Fontiñas e Meixonfrío-Salgueiriños en torno aos principios da paz, a cooperación e a solidariedade na procura dun clima de harmonía, convivencia e respecto entre iguais.
ALCALDÍA
Minuto de silencio pola muller asasinada no Carballiño, vítima da violencia machista
A Praza do Obradoiro acolleu este mediodía unha concentración para condenar o asasinato machista, onte, dunha muller no municipio ourensán do Carballiño. É a primeira vítima da violencia machista en Galicia no que levamos de 2017.
CONSORCIO
O director polaco Michal Nesterowicz dirixirá a Real Filharmonía este xoves
A orquestra achegará ao público obras de Ravel, Sibelius e Fauré no concerto semanal de abono do xoves 2 de febreiro, que terá lucar ás 20:30 horas no Auditorio de Galicia. A batuta levaraa o mestre polaco Michal Nesterowicz.
CULTURA
O Teatro Principal acolle a representación da obra "Yo en el futuro"
O Festival Escenas do Cambio celebra a súa terceira edición cun programa con 25 pezas de artistas e compañías de dez países diferentes. Este martes, o arxentino Fedrico León presenta no Teatro Principal Yo en el futuro. A función será ás 21:30 horas.
DEPORTES
Noa Morales participa na entrega de agasallos do certame "Tarxetas de Nadal" de Special Olympics Galicia
A concelleira de Deporte, Noa Morales, participou esta mañá do acto de entrega de agasallos das Tarxetas de Nadal que cada ano organiza a entidade Special Olympics Galicia.
XUNTA DE GOBERNO
O Goberno local adxudica a instalación do novo parque infantil de Galeras
A Xunta de Goberno aprobou hoxe a adxudicación do contrato de subministro e instalación de novos elementos de xogo, para o parque infantil de Galeras. Dos traballos encargarase a empresa Lappset España VR SL, e a actuación ten un orzamento de 74.141,54 euros, IVE incluído.
ALCALDÍA
O alcalde inaugura o II Simposio de Biopsia Líquida
O alcalde de Santiago, Martiño Noriega, presidiu en San Martiño Pinario o acto de inauguración do II Simposio de Biopsia Líquida, que se celebra en Santiago este venres e mañá sábado. Uns 300 expertos e expertas de todo o Estado reúnense por segunda vez na cidade, pioneira na implantación desta técnica oncolóxica.
ALCALDÍA
Martiño Noriega recibiu en Raxoi a ministra de Cultura saharauí, Jadiya Hamdi
O alcalde de Santiago, Martiño Noriega, recibiu a ministra de Cultura da República Árabe Saharauí Democrática, Jadiya Hamdi. A dirixente, que estivo acompañada do delegado saharauí para Galicia, Alali Emboiric Mohamed e de representantes da Asociación Solidariedade Galega co Pobo Saharauí, está de visita oficial en Galicia, en donde está a manter contactos con diferentes respresentantes autonómicos e municipais.
