Noticias

A Concellaría de Educación e Cidadanía vén de admitir todas as solicitudes presentadas para a edición de setembro do Programa Municipal de Conciliación de Verán, que se celebrará os días 3, 4, 5, 6, 7, 10 e 11 do vindeiro mes. En calquera caso, aquelas familias que o desexen aínda teñen a oportunidade de inscribir os seus nenos e nenas no programa. Cómpre lembrar tamén que se ampliou a dous días máis o programa debido ao cambio das datas de inicio do novo curso escolar.

A Xunta de Goberno adxudicou hoxe á empresa Proyfe a redacción do proxecto de reurbanización da rúa de Clara Campoamor, que servirá de acceso á futura estación de autobuses da intermodal. O alcalde, Martiño Noriega, salientou que o Goberno segue dando pasos para cumprir os seus compromisos, e conseguir que Santiago teña por fin unha infraestrutura longamente agardada e por fin desbloqueada".

Co obxectivo de promover unha presenza igualitaria das mulleres como axentes activos da contorna artística, o proxecto Wom@rts desenvolverá este ano diversas actividades culturais en distintas cidades europeas. Do 10 de setembro ao 24 de outubro, as localidades de Avilés (España), Angoulême (Francia) e Limerick (Irlanda) acollerán tres residencias creativas dirixidas a artistas visuais-dixitais, ilustradoras e debuxantes de cómics e gravadoras, nas que máis dunha trintena de profesionais de dez países diferentes...

A Xunta de Goberno aprobou hoxe a segunda convocatoria de subvencións de cooperación ao desenvolvemento, ás que se van destinar 120.000 euros. Deste xeito, increméntase a partida con respecto á convocatoria do ano pasado, dotada con 90.000 euros.

A praza do Obradoiro acolleu este mediodía un minuto de silencio para condenar o asasinato machista dunha muller en Huarte (Navarra). A vítima faleceu o pasado domingo.

O alcalde, Martiño Noriega, e o reitor da Universidade da Coruña, Julio Abalde, asinaron hoxe o convenio de colaboración para o desenvolvemento do proxecto de fomento da compra pública innovadora, Smartiago. Os dous salientaron a oportunidade que supón este programa para que o coñecemento xerado no Sistema Universitario Galego sexa aproveitado polas institucións públicas e polo conxunto da sociedade.

O luns 3 de setembro abrirase o prazo de solicitude dos obradoiros para o curso 2018-2019 nas escolas infantís municipais de Conxo, As Fontiñas e Meixonfrío-Salgueiriños. Estes obradoiros, dirixidos a nenos e nenas entre os 3 e os 8 anos, pretenden favorecer a conciliación familiar e laboral, ofrecendo aos nenos e nenas unha alternativa de lecer e tempo libre. Ofértanse 45 prazas, 15 por cada escola.

El alcalde, Martiño Noriega, y el rector de la Universidad de A Coruña, Julio Abalde, firmaron hoy el convenio de colaboración para el desarrollo del proyecto de fomento de la compra pública innovadora, Smartiago. Los dos destacaron la oportunidad que supone este programa para que el conocimiento generado en el Sistema Universitario Gallego sea aprovechado por las instituciones públicas y por el conjunto de la sociedad.

A Concellaría de Acción Cultural vén de publicar o segundo volume da colección Cadernos de Compostela, unha iniciativa enmarcada na celebración do Ano Europeo do Patrimonio Cultural. Desta vez, o libro está dedicado á "Compostela Festiva". A concelleira Branca Novoneyra presentou a publicación nunha rolda de prensa na que estivo acompañada pola investigadora Mercedes Vázquez, integrante do colectivo Dehistoria e unha as autoras do contido, e polo ilustrador Marcos Vigo.

A praza de Cervantes acolleu esta mañá a última das accións de rúa para visibilizar e concienciar a veciñanza e turistas sobre a proliferación dos pisos turísticos ilegais. Trátase dunha campaña de comunicación realizada en colaboración e coordinación cos concellos de Barcelona e Sevilla, que contan cunha problemática semellante á compostelá.