PATRIMONIO
O VI Ciclo de Música de Cámara nas Cidades Patrimonio chega o 1 de xuño a Santiago de Compostela
O claustro da igrexa de San Martiño Pinario acollerá o sábado 1 de xuño, ás 20:30 horas, un concerto do Quintento Ricercata de EY, no marco do VI ciclo Música de Cámara nas Cidades Patrimonio da Humanidade de España. A entrada é de balde.
ALCALDÍA
Representantes veciñais debaten sobre "Santiago de Compostela: barrios (re)emerxentes e mundo rural" nunha mesa redonda
Con motivo da exposición A cidade, o Camiño e nós, organizada polo Concello de Santiago e a Rede Galabra (Universidade de Santiago) e aberta no paseo da Ferradura da Alameda, vaise celebrar unha mesa redonda coas asociacións veciñais do municipio titulada "Santiago de Compostela: barrios (re)emerxentes e mundo rural". A cita é este xoves 23 de maio, ás 19:30 horas, no IES Rosalía de Castro.
ESPAZOS CIDADÁNS
Aberto ata o 30 de setembro o prazo de solicitude das axudas complementarias para a instalación de ascensores
O Boletín Oficial da Provincia vén de publicar a convocatoria de subvencións municipais complementarias ás axudas estatais para a instalación de ascensores nas Áreas de Rehabilitación Integral (ARI). O concelleiro de Espazos Cidadáns, Dereito á Vivenda e Mobilidade, Jorge Duarte, lembrou que o Concello destina 175.000 euros a esta liña, que "ten como obxectivo favorecer que as persoas con menos recursos teñan cuberta a totalidade dos custos que deben afrontar para a instalación dos elevadores". O...
CONSORCIO
O percusionista alacantino Gratiniano Murcia formará a novos/as músicos/as galegos/as
A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Ademais de alumnos/as da Escola, tamén poden asistir a estas sesións músicos/as externos ao centro.
