TURISMO
No ano 2006, Turismo de Santiago desenvolveu un por aquel entón innovador sistema de visitas audioguiadas con MP3, que permite aos visitantes percorrer a Cidade Histórica dun xeito autónomo pero con toda a información respecto a monumentos, prazas ou parques, ademáis de ir describindo a personaxes importantes na historia da cidade e costumes da mesma.
Este produto, que continúa en funcionamento, é un dos máis demandados polos turistas dos que ofrece Turismo de Santiago, posto que lles da liberdade para facer a súa propia ruta pola cidade, xa que o MP3 alúgase por un período de 24 horas. Turismo de Santiago lanza agora unha nova serie de visitas autoguiadas en MP3, que mellora a accesibilidade idiomática dos contidos dos principais museos e edificios históricos da cidade, xa que están dispoñibles en castelán, inglés, francés, alemán, portugués e italiano.
Son cinco novas visitas autoguiadas independentes, que permiten coñecer cinco espazos da cidade, dun xeito dinámico e atractivo para os visitantes. Os espazos que terán a súa propia audioguía son: o Hostal dos Reis Católicos, o Museo do Pobo Galego, o Museo de Arte Sacra (mosteiro de San Paio de Antealtares), a Colexiata de Sar e o Museo de Terra Santa (convento de San Francisco). O obxectivo de Turismo de Santiago é ir incrementando a oferta de Santiago en MP3, incluíndo novos espazos, monumentos e museos da cidade.
A audioguía da Cidade Histórica pode adquirirse na oficina de Turismo de Santiago, mentres que as audioguías específicas poden mercarse directamente nas propias instalacións de cada un dos espazos que participan neste catálogo de Santiago en MP3. Os prezos das audioguías varían en función da súa duración, pero todas teñen prezos moi asequibles. Ademais, con motivo do seu lanzamento, Turismo de Santiago ofrece as seis audioguías polo prezo de dúas, 15 euros.
Turismo de Santiago amplía as súas visitas en MP3 incluíndo museos e monumentos
14/04/2011 O concelleiro de Promoción Económica e Turismo, Xosé Manuel Iglesias, presentou a nova acción de Santiago en MP3, que ademais da tradicional visita audioguiada pola cidade histórica, inclúe cinco novas guías específicas para espazos singulares da cidade.
Iglesias destacou a edición destas guías coma un "novo elemento para potenciar as visitas a Compostela e por en valor iconas importantes da nosa cidade". O concelleiro estivo acompañado por representantes do Hostal dos Reis Católicos, do mosteiro de San Paio de Antealtares, do convento de San Francisco, da Colexiata de Sar e do Museo do Pobo Galego.No ano 2006, Turismo de Santiago desenvolveu un por aquel entón innovador sistema de visitas audioguiadas con MP3, que permite aos visitantes percorrer a Cidade Histórica dun xeito autónomo pero con toda a información respecto a monumentos, prazas ou parques, ademáis de ir describindo a personaxes importantes na historia da cidade e costumes da mesma.
Este produto, que continúa en funcionamento, é un dos máis demandados polos turistas dos que ofrece Turismo de Santiago, posto que lles da liberdade para facer a súa propia ruta pola cidade, xa que o MP3 alúgase por un período de 24 horas. Turismo de Santiago lanza agora unha nova serie de visitas autoguiadas en MP3, que mellora a accesibilidade idiomática dos contidos dos principais museos e edificios históricos da cidade, xa que están dispoñibles en castelán, inglés, francés, alemán, portugués e italiano.
Son cinco novas visitas autoguiadas independentes, que permiten coñecer cinco espazos da cidade, dun xeito dinámico e atractivo para os visitantes. Os espazos que terán a súa propia audioguía son: o Hostal dos Reis Católicos, o Museo do Pobo Galego, o Museo de Arte Sacra (mosteiro de San Paio de Antealtares), a Colexiata de Sar e o Museo de Terra Santa (convento de San Francisco). O obxectivo de Turismo de Santiago é ir incrementando a oferta de Santiago en MP3, incluíndo novos espazos, monumentos e museos da cidade.
A audioguía da Cidade Histórica pode adquirirse na oficina de Turismo de Santiago, mentres que as audioguías específicas poden mercarse directamente nas propias instalacións de cada un dos espazos que participan neste catálogo de Santiago en MP3. Os prezos das audioguías varían en función da súa duración, pero todas teñen prezos moi asequibles. Ademais, con motivo do seu lanzamento, Turismo de Santiago ofrece as seis audioguías polo prezo de dúas, 15 euros.