ALCALDÍA
Uns datos que se suman aos do aeroporto, tamén de récord. 3.236.619 viaxeiros pasaron polo Rosalía de Castro, unha terminal que operou 25.458 voos, un 13.6% máis que no 2019. Ademais, desta cifra total, destacou o alcalde os 757.931 viaxeiros internacionais, un 14,7% máis que no 2019, e un síntoma "evidente da recuperación dos destinos emisores lexanos". Tamén a terminal de carga manexou durante o pasado ano máis de 4.853 toneladas de mercadorías, que supón o 85.5% da cota de mercado de Galicia.
Recoñecemento triple pola calidade turística de Santiago
Estes datos, apoiados no traballo que vén facendo o Concello na mellora da sostibilidade turística, fixeron merecedora a nosa cidade de tres premios da Secretaría de Estado de Turismo: premio ao mellor destino SICTED de España, premio á segunda mellor acción na categoría de "Mellor proxecto de mellora de destino SICTED" e o premio á terceira mellor acción na categoría de "Mellor actuación de Sostibilidade SICTED" pola reforma da Casa do Crego e a Casa de Afora. "Un recoñecemento absolutamente extraordinario desde o punto de vista turístico na nosa cidade e tamén desde o punto de vista do crecemento e desenvolvemento da actividade económica" recalcou o rexedor.
Os datos de viaxeiros de tren consolidan "con rotundidade e claridade a estación de Santiago como a primeira de Galicia"
13/01/2023 O alcalde destacou que as cifras de pasaxeiros que se subiron e baixaron do tren na estación de Santiago son históricas, "nun ano de récords". Sánchez Bugallo recordou que no 2022 "bateuse o récord de ocupación hoteleira, de estadías turísticas, e tamén no social, aínda que en parte como efecto da reactivación económica, xerouse emprego conseguindo os datos de paro máis baixos desde o 2004".
Foron, a falta de ser contabilizado decembro, 2.778.996 os viaxeiros que rexistrou a estación de tren de Santiago, 100 mil máis que en todo o 2019 e, practicamente duplicando as cifras do 2020 e 2021. Algo que, segundo o alcalde, "permite reforzar a posición central que ocupa a nosa estación en Galicia". Sánchez Bugallo ademais, ratificou que estes datos "respaldan a nosa proposta para a ampliación do aparcadoiro da estación".Uns datos que se suman aos do aeroporto, tamén de récord. 3.236.619 viaxeiros pasaron polo Rosalía de Castro, unha terminal que operou 25.458 voos, un 13.6% máis que no 2019. Ademais, desta cifra total, destacou o alcalde os 757.931 viaxeiros internacionais, un 14,7% máis que no 2019, e un síntoma "evidente da recuperación dos destinos emisores lexanos". Tamén a terminal de carga manexou durante o pasado ano máis de 4.853 toneladas de mercadorías, que supón o 85.5% da cota de mercado de Galicia.
Recoñecemento triple pola calidade turística de Santiago
Estes datos, apoiados no traballo que vén facendo o Concello na mellora da sostibilidade turística, fixeron merecedora a nosa cidade de tres premios da Secretaría de Estado de Turismo: premio ao mellor destino SICTED de España, premio á segunda mellor acción na categoría de "Mellor proxecto de mellora de destino SICTED" e o premio á terceira mellor acción na categoría de "Mellor actuación de Sostibilidade SICTED" pola reforma da Casa do Crego e a Casa de Afora. "Un recoñecemento absolutamente extraordinario desde o punto de vista turístico na nosa cidade e tamén desde o punto de vista do crecemento e desenvolvemento da actividade económica" recalcou o rexedor.