ACCIÓN CULTURAL
Da túa man para a miña interpela dous tempos, o pasado e o presente, a través de fotografías e de imaxes de videoarquivo da aldea natal do artista, Traspielas. A intervención convídanos á reflexión sobre o concepto de comunidade e sobre a súa descomposición no rural galego, sinalando este proceso como o principal problema do despoboamento, ademais de combater a sacralización do rural definido como un conxunto de fósiles dunha época xa superada pero que temos obriga de conservar. A paisaxe é froito da convivencia entre o ser humano e os medios de produción. Ao longo dos séculos as persoas traballaron e modificaron a paisaxe, que tamén foi quen de labrar a alma e o corpo daqueles que interviñeron nela.
As imaxes conteñen dúas realidades: por un lado o folclore, a vida cotiá e a bucolización desa paisaxe. Por outro a soidade, a fragmentación da sociedade e as duras condicións de vida. A través desta confrontación revélase un exercicio de violencia, converténdoo nun lugar desestabilizador e de denuncia. O fundamental, o vital, xace sepultado entre liñas. A inocencia, aparente, non existe.
A través da montaxe desprázanse estes emblemas cun proxecto artellado en dous niveis:
Dunha parte unha proxección de videoarquivo e unha recolección de documentos e fotos de arquivo onde se recollen recordos de vidas que aínda están sendo vividas e actos comunais que tiveron lugar na aldea do artista, presentando o espazo do encontro e a reunión como un lugar que remite á comunidade. O lugar é a ausencia dunha presenza, algo que hoxe en día xa non existe. A idea de comunidade queda relegada a uns poucos acontecementos. A individualización do rural acabou cunha clase autosuficiente que se mantiña á marxe do sistema.
Doutra parte, preséntase o territorio na actualidade, a través dunha serie de fotografías onde os rostros dos protagonistas son confrontados coa paisaxe. As mesmas persoas que participan nos actos comunais que se amosan no videoarquivo agora son mostradas na realidade que viven. Persoas maiores que se atopan cunha dura realidade: o rural como espazo de soidade, carente de actividade e infraestruturas que cubran os mínimos dunha supervivencia en condicións óptimas.
Fran Rodríguez Casal
O seu traballo persoal oscila entre a fotografía e o cinema experimental. Actualmente desenvolve proxectos persoais de longo percorrido dentro do documentalismo contemporáneo de autor, centrándose na idea de comunidade e na interacción entre a paisaxe e o ser humano. Combina o seu traballo persoal co traballo na produción cinematográfica.
2022 - Residencia artística Illas de Arán, (IR), Stills&Motion
2021 - Encontros da Imagem, Festival Internacional de Fotografia e Artes Visuais Braga, (PT).
2020 - X Encontro de Artistas Novos na Cidade de Cultura de Galicia.
Su Garrido Pombo
Cantautora galega. Aprendeu a cantar coa súa avoa as cancións dos seráns de Traspielas, as coplas da radio, as melodías que viñan en vinilos dende Salvador da Baía a onde emigraran os seus avós e veciños. O seu estilo musical abrangue diversos xéneros con matices de bossa, folk e trad. A súa música é intimista e nos seus directos acompáñaa a súa guitarra e os seus pedais de efectos.
Fran Rodríguez Casal presenta ‘Da túa man para a miña’, a segunda das intervencións seleccionadas para a Zona C
20/04/2022 Rodríguez Casal presentouse á modalidade de proxectos de creación artística que busca dar visibilidade á creación artística emerxente dentro do espazo da Zona C, na praza de Cervantes. A intervención inaugúrase esta mesma tarde, ás 20:00 h, coa presenza do artista; a concelleira de Acción Cultural, Mercedes Rosón; o director-xerente do Auditorio de Galicia, Xaquín López; e a actuación da cantautora galega Su Garrido Pombo
O artista Fran Rodríguez Casal (1998, Traspielas, Pontevedra) presenta na Zona C o proxecto 'Da túa man para a miña', que foi seleccionado na modalidade de creación artística para intervir o primeiro e o segundo andar dese espazo. A Zona C, que busca dar visibilidade á creación artística emerxente, acolle así a segunda das intervencións que poderemos ir descubrindo durante o ano 2022 xa que, tal e como lembrou a concelleira de Acción Cultural, Mercedes Rosón, "vimos de clausurar fai uns días o proxecto curatorial de Aldara Vázquez e Iris Rodríguez, que foi a primeira das intervencións coa que abrimos a Zona C aos discursos artísticos emerxentes". Xunto a Rodríguez Casal e a Rosón, participou tamén na rolda de prensa na que se presentou o proxecto, o director-xerente do Auditorio de Galicia, Xaquín López. López destacou que "nos sentimos moi satisfeitos de abrir este espazo á xente nova para que poida amosar os seus traballos, habitalo e facelo vivo". A inauguración será esta mesma tarde ás 20.00 h coa presenza dos tres e tamén participará a cantautora galega Su Garrido Pombo.Da túa man para a miña interpela dous tempos, o pasado e o presente, a través de fotografías e de imaxes de videoarquivo da aldea natal do artista, Traspielas. A intervención convídanos á reflexión sobre o concepto de comunidade e sobre a súa descomposición no rural galego, sinalando este proceso como o principal problema do despoboamento, ademais de combater a sacralización do rural definido como un conxunto de fósiles dunha época xa superada pero que temos obriga de conservar. A paisaxe é froito da convivencia entre o ser humano e os medios de produción. Ao longo dos séculos as persoas traballaron e modificaron a paisaxe, que tamén foi quen de labrar a alma e o corpo daqueles que interviñeron nela.
As imaxes conteñen dúas realidades: por un lado o folclore, a vida cotiá e a bucolización desa paisaxe. Por outro a soidade, a fragmentación da sociedade e as duras condicións de vida. A través desta confrontación revélase un exercicio de violencia, converténdoo nun lugar desestabilizador e de denuncia. O fundamental, o vital, xace sepultado entre liñas. A inocencia, aparente, non existe.
A través da montaxe desprázanse estes emblemas cun proxecto artellado en dous niveis:
Dunha parte unha proxección de videoarquivo e unha recolección de documentos e fotos de arquivo onde se recollen recordos de vidas que aínda están sendo vividas e actos comunais que tiveron lugar na aldea do artista, presentando o espazo do encontro e a reunión como un lugar que remite á comunidade. O lugar é a ausencia dunha presenza, algo que hoxe en día xa non existe. A idea de comunidade queda relegada a uns poucos acontecementos. A individualización do rural acabou cunha clase autosuficiente que se mantiña á marxe do sistema.
Doutra parte, preséntase o territorio na actualidade, a través dunha serie de fotografías onde os rostros dos protagonistas son confrontados coa paisaxe. As mesmas persoas que participan nos actos comunais que se amosan no videoarquivo agora son mostradas na realidade que viven. Persoas maiores que se atopan cunha dura realidade: o rural como espazo de soidade, carente de actividade e infraestruturas que cubran os mínimos dunha supervivencia en condicións óptimas.
Fran Rodríguez Casal
O seu traballo persoal oscila entre a fotografía e o cinema experimental. Actualmente desenvolve proxectos persoais de longo percorrido dentro do documentalismo contemporáneo de autor, centrándose na idea de comunidade e na interacción entre a paisaxe e o ser humano. Combina o seu traballo persoal co traballo na produción cinematográfica.
2022 - Residencia artística Illas de Arán, (IR), Stills&Motion
2021 - Encontros da Imagem, Festival Internacional de Fotografia e Artes Visuais Braga, (PT).
2020 - X Encontro de Artistas Novos na Cidade de Cultura de Galicia.
Su Garrido Pombo
Cantautora galega. Aprendeu a cantar coa súa avoa as cancións dos seráns de Traspielas, as coplas da radio, as melodías que viñan en vinilos dende Salvador da Baía a onde emigraran os seus avós e veciños. O seu estilo musical abrangue diversos xéneros con matices de bossa, folk e trad. A súa música é intimista e nos seus directos acompáñaa a súa guitarra e os seus pedais de efectos.