ALCALDÍA
Logo da misa, as autoridades dirixiranse ao pazo de Raxoi, onde o delegado rexio presidirá unha recepción con motivo desta celebración e asinará no Libro de Honra.
Sánchez Bugallo sucede no cargo ao presidente Xunta de Galicia, Alberto Núñez Feijóo, que exerceu como delegado rexio en 2020, e ao presidente do Parlamento de Galicia, Miguel Santalices, que o fixo en 2019.
Unha tradición de séculos
A cerimonia da Translación celébrase anualmente o 30 de decembro en recordo do traslado dos restos do Apóstolo Santiago dende o porto de Jaffa (Xerusalén) ata as costas galegas, onde foron desembarcados no peirao de Iria Flavia (Padrón). Segundo a tradición, a Raíña Lupa, soberana das terras, enviou tropas en persecución da comitiva apostólica, que foi salvada por un milagre que afogou aos perseguidores nas augas do río Tambre.
A Raíña Lupa quedou tan abraiada por este feito que ofreceu a súa axuda aos discípulos para que puideran soterrar os restos do Apóstolo, que son trasladados nun carro tirado por bois que ao azar buscan o lugar para o repouso do fillo de Zebedeo. Tras deterse (sempre segundo a lenda) na fonte da actual rúa do Franco, os bois continúan o seu camiño ata quedar inmóbiles no lugar que dende aquela se denomina Libredón (Liberum domum, regalo libre), onde é soterrado e pasa ao esquecemento o Apóstolo ata o seu posterior descubrimento no ano 813 por un eremita.
O rei Alfonso VI realizou no ano 1109 a primeira ofrenda da Translación, entregando unha ducia de talentos de ouro e outra de marcos de prata. En 1642, baixo o reinado de Felipe IV esta cerimonia institucionalízase con carácter definitivo. Dende entón actúa como oferente o Rei ou un delegado rexio.
O alcalde de Santiago exercerá como delegado rexio no acto de Translación dos restos do Apóstolo
18/12/2021 A Catedral de Santiago acollerá o xoves 30 de decembro a cerimonia da Ofrenda de Translación dos restos do Apóstolo. Nesta ocasión, S.M. Don Felipe de Borbón designou como delegado rexio ao alcalde da cidade, Xosé Sánchez Bugallo.
A cerimonia relixiosa na que o delegado pronunciará a súa ofrenda comezará en torno ás 11:15 horas. Antes, o rexedor realizará o pase de revista ás tropas. A representación das Forzas Armadas estará encabezada polo xefe da Forza Loxística Operativa (FLO).Logo da misa, as autoridades dirixiranse ao pazo de Raxoi, onde o delegado rexio presidirá unha recepción con motivo desta celebración e asinará no Libro de Honra.
Sánchez Bugallo sucede no cargo ao presidente Xunta de Galicia, Alberto Núñez Feijóo, que exerceu como delegado rexio en 2020, e ao presidente do Parlamento de Galicia, Miguel Santalices, que o fixo en 2019.
Unha tradición de séculos
A cerimonia da Translación celébrase anualmente o 30 de decembro en recordo do traslado dos restos do Apóstolo Santiago dende o porto de Jaffa (Xerusalén) ata as costas galegas, onde foron desembarcados no peirao de Iria Flavia (Padrón). Segundo a tradición, a Raíña Lupa, soberana das terras, enviou tropas en persecución da comitiva apostólica, que foi salvada por un milagre que afogou aos perseguidores nas augas do río Tambre.
A Raíña Lupa quedou tan abraiada por este feito que ofreceu a súa axuda aos discípulos para que puideran soterrar os restos do Apóstolo, que son trasladados nun carro tirado por bois que ao azar buscan o lugar para o repouso do fillo de Zebedeo. Tras deterse (sempre segundo a lenda) na fonte da actual rúa do Franco, os bois continúan o seu camiño ata quedar inmóbiles no lugar que dende aquela se denomina Libredón (Liberum domum, regalo libre), onde é soterrado e pasa ao esquecemento o Apóstolo ata o seu posterior descubrimento no ano 813 por un eremita.
O rei Alfonso VI realizou no ano 1109 a primeira ofrenda da Translación, entregando unha ducia de talentos de ouro e outra de marcos de prata. En 1642, baixo o reinado de Felipe IV esta cerimonia institucionalízase con carácter definitivo. Dende entón actúa como oferente o Rei ou un delegado rexio.