TURISMO
Neste ano traballouse con 130 empresas de 18 diferentes subsectores turísticos da cidade, 28 entidades máis que en 2020, e con 3 subsectores novos. Como resultado deste labor, proporase ao Comité de Distinción da Secretaría de Estado de Turismo a 108 candidatos para recibir a distinción de calidade de SICTED, vinte e catro máis que en 2020. Estes datos amosan que o sector turístico de Santiago está a facer un esforzo moi importante para manter os niveis de calidade.
Ademais, Santiago é a cidade galega con mellores resultados e repite o segundo lugar como destino de España con maior número de distincións "Preparados Covid-19", con 94. Trátase dunha distinción que garante o estrito cumprimento das Boas Prácticas Avanzadas do SICTED para a redución do risco de contaxio no sector turístico.
Como novidade, e de cara ao cumprimento dos obxectivos de desenvolvemento sostible da Axenda 2030, os establecementos distinguidos en 2020 recibiron, este ano, formación en materia de sostibilidade, desde os cinco ámbitos da mesma: medio ambiente, cambio climático, social, económico e cultural.
Entre as empresas e servizos propostos para a distinción do SICTED en Santiago hai axencias de viaxe, albergues, aloxamentos rurais, bares e cafeterías, comercios, Convention Bureau, empresas de transporte turístico, empresas de aluguer de vehículos, escolas de español para estranxeiros, guías turísticos, hoteis e apartamentos turísticos, museos, oficinas de información turística, organizadores profesionais de congresos, restaurantes, taxis, turismo de benestar e vivendas de uso turístico.
Santiago é a segunda cidade do Estado en Calidade Turística Española en Destinos
11/11/2021 Turismo de Santiago deu conta dos resultados da capital galega, que conta con 108 empresas e servizos propostos para recibir a distinción de calidade SICTED, vinte e catro máis que en 2020.
Na Mesa da Calidade, que se celebrou onte telematicamente, Turismo de Santiago presentou os resultados do proceso de implantación do Sistema Integral da Calidade Turística Española en Destinos (SICTED) correspondente ao ano 2021.Neste ano traballouse con 130 empresas de 18 diferentes subsectores turísticos da cidade, 28 entidades máis que en 2020, e con 3 subsectores novos. Como resultado deste labor, proporase ao Comité de Distinción da Secretaría de Estado de Turismo a 108 candidatos para recibir a distinción de calidade de SICTED, vinte e catro máis que en 2020. Estes datos amosan que o sector turístico de Santiago está a facer un esforzo moi importante para manter os niveis de calidade.
Ademais, Santiago é a cidade galega con mellores resultados e repite o segundo lugar como destino de España con maior número de distincións "Preparados Covid-19", con 94. Trátase dunha distinción que garante o estrito cumprimento das Boas Prácticas Avanzadas do SICTED para a redución do risco de contaxio no sector turístico.
Como novidade, e de cara ao cumprimento dos obxectivos de desenvolvemento sostible da Axenda 2030, os establecementos distinguidos en 2020 recibiron, este ano, formación en materia de sostibilidade, desde os cinco ámbitos da mesma: medio ambiente, cambio climático, social, económico e cultural.
Entre as empresas e servizos propostos para a distinción do SICTED en Santiago hai axencias de viaxe, albergues, aloxamentos rurais, bares e cafeterías, comercios, Convention Bureau, empresas de transporte turístico, empresas de aluguer de vehículos, escolas de español para estranxeiros, guías turísticos, hoteis e apartamentos turísticos, museos, oficinas de información turística, organizadores profesionais de congresos, restaurantes, taxis, turismo de benestar e vivendas de uso turístico.