CONSORCIO
Jürgen Franz
O músico alemán Jürgen Franz comezou os seus estudos de frauta no Conservatorio de Frankfurt e continuou a súa formación na Escola Superior de Música da mesma cidade. Logo converteuse en membro da Orquestra Filharmónica de Bielefeld e posteriormente ocupou o posto de frauta principal na Orquestra Filharmónica de Stuttgart. Dende o ano 2000 integra a Orquestra Sinfónica da Radio do Norte de Alemaña, a máis prestixiosa de Hamburgo. Ten actuado como frauta solista na Orquestra Filharmónica de La Scala di Milano, dirixido por mestres tan insignes como Rostropóvich. Na Filharmónica de Berlín tocou con directores do prestixio de Claudio Abbado, Daniel Barenboim ou Zubin Mehta. Ten actuado en Alemaña, Suíza, Francia, Estados Unidos ou Xapón.
Na actualidade é profesor do Conservatorio e da Escola Superior de Música de Hamburgo. Imparte clases maxistrais en países tan dispares como Alemaña, España, Estados Unidos, Brasil, China ou Xapón. Toca unha frauta de ouro de 19.5 quilates do famoso lutier americano William Haynes.
Músicos galegos terán a oportunidade de formarse co prestixioso frautista alemán Jürgen Franz
21/11/2016 A Escola de Altos Estudos Musicais (EAEM) dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Esta semana contarase coa presenza do afamado frautista alemán Jürgen Franz. Ademais do alumnado da Escola, tamén poden asistir músicos externos ao centro.
As sesións terán lugar o venres 25, de 10:00 a 14:00 e de 16:00 a 20:00 horas, e o sábado 26, de 10:00 a 15:00 horas. O alumnado externo que desexe participar nestas clases poderá matricularse a través da páxina web da Escola: www.eaem.es. Os/as aspirantes deben estar cursando como mínimo os últimos cursos de grao medio de música. A selección efectuarase por rigorosa orde de presentación de solicitudes.Jürgen Franz
O músico alemán Jürgen Franz comezou os seus estudos de frauta no Conservatorio de Frankfurt e continuou a súa formación na Escola Superior de Música da mesma cidade. Logo converteuse en membro da Orquestra Filharmónica de Bielefeld e posteriormente ocupou o posto de frauta principal na Orquestra Filharmónica de Stuttgart. Dende o ano 2000 integra a Orquestra Sinfónica da Radio do Norte de Alemaña, a máis prestixiosa de Hamburgo. Ten actuado como frauta solista na Orquestra Filharmónica de La Scala di Milano, dirixido por mestres tan insignes como Rostropóvich. Na Filharmónica de Berlín tocou con directores do prestixio de Claudio Abbado, Daniel Barenboim ou Zubin Mehta. Ten actuado en Alemaña, Suíza, Francia, Estados Unidos ou Xapón.
Na actualidade é profesor do Conservatorio e da Escola Superior de Música de Hamburgo. Imparte clases maxistrais en países tan dispares como Alemaña, España, Estados Unidos, Brasil, China ou Xapón. Toca unha frauta de ouro de 19.5 quilates do famoso lutier americano William Haynes.