CONSORCIO
Roberto Bodí
O músico Roberto Bodí remata os seus estudos no Conservatorio Superior de Música de Alacante, obtendo o Premio Extraordinario Fin de Carreira na especialidade de trompeta. Posteriormente, trasládase aos Estados Unidos, onde se perfecciona cos mellores mestres do instrumento.
Ten colaborado con formacións españolas como a Orquesta Nacional de España, Orquesta de Barcelona i Nacional de Catalunya, Orquesta Ciudad de Granada, Sinfónica de Galicia ou a Orquestra de Cadaqués, entre outras. Ademais, entre a súa experiencia no eido internacional, cómpre salientar a súa colaboración coa Filharmónica de Israel, coa que tocou baixo a batuta do mestre Zubin Mehta.
Dende o ano 2000 é solista da Orquesta Sinfónica de Castilla y León e membro do seu quinteto de metais. Ten interpretado diversos concertos para trompeta como solista. Foi profesor do Conservatorio Profesional de Valladolid e dende 2004 ocupa a praza de catedrático no Conservatorio Superior de Música de Salamanca. Destaca o seu labor pedagóxico como profesor convidado en orquestras, conservatorios profesionais e escolas de música de toda España.
O afamado trompetista valenciano Roberto Bodí formará neste instrumento a intérpretes galegos noveis
14/11/2016 A Escola de Altos Estudos Musicais (EAEM) dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Este sábado contarase coa presenza do afamado trompetista valenciano Roberto Bodí. Ademais do alumnado da Escola, ofrécense prazas para músicos externos ao centro.
As clases celebraranse o sábado pola mañá, de 9:00 a 15:00 horas. Os/as músicos/as que desexen participar nestas sesións poderán matricularse a través da páxina web da Escola: www.eaem.es. Os/as aspirantes deben estar cursando como mínimo os últimos cursos de grao medio de música. A selección farase por rigorosa orde de presentación de solicitudes.Roberto Bodí
O músico Roberto Bodí remata os seus estudos no Conservatorio Superior de Música de Alacante, obtendo o Premio Extraordinario Fin de Carreira na especialidade de trompeta. Posteriormente, trasládase aos Estados Unidos, onde se perfecciona cos mellores mestres do instrumento.
Ten colaborado con formacións españolas como a Orquesta Nacional de España, Orquesta de Barcelona i Nacional de Catalunya, Orquesta Ciudad de Granada, Sinfónica de Galicia ou a Orquestra de Cadaqués, entre outras. Ademais, entre a súa experiencia no eido internacional, cómpre salientar a súa colaboración coa Filharmónica de Israel, coa que tocou baixo a batuta do mestre Zubin Mehta.
Dende o ano 2000 é solista da Orquesta Sinfónica de Castilla y León e membro do seu quinteto de metais. Ten interpretado diversos concertos para trompeta como solista. Foi profesor do Conservatorio Profesional de Valladolid e dende 2004 ocupa a praza de catedrático no Conservatorio Superior de Música de Salamanca. Destaca o seu labor pedagóxico como profesor convidado en orquestras, conservatorios profesionais e escolas de música de toda España.