DEPORTE
Recoñece a túa excelencia busca que os mozos e mozas poidan recoñecer as habilidades coas que contan e explotalas ao máximo. Por iso contarán coas experiencias de oito profesionais do deporte en diferentes disciplinas como o atleta Pedro Nimo; o árbitro da ACB Jacobo Rial; o entrenador do Santiago Futsal, Santi Valladares; o adestrador do Obradoiro, Moncho Fernández; o director de marketing da SD Compostela, Javier Puñal; o campión de Europa de Squash, Borja Golán; o psicólogo, nutricionista e nadador, Daniel Caamaño; e o skater, Marcelo Lusardi.
O concelleiro de Deporte valorou moi positivamente este tipo de cursos, nos que profesionais de gran traxectoria no mundo do deporte "transmitirán a súa experiencia á mocidade de Compostela, ofrecendo recursos e consellos prácticos que serán moi útiles á hora de que os nosos mozos e mozas recoñezan as súas habilidades persoais e poidan potencialas".
Oito profesionais do deporte contarán a súa experiencia á mocidade no curso "Recoñece a túa excelencia"
06/10/2016 O concelleiro de Deporte, Rafael Peña, presentou en rolda de prensa o curso Recoñece a túa excelencia, dirixido a mozos e mozas de Compostela de entre 14 e 16 anos. Na rolda estivo acompañado polo coordinador da actividade, Iván Espiñeira, o atleta Pedro Nimo e o árbitro da ACB Jacobo Rial.
O curso impartirase un venres á semana durante dous meses e contará ademais cunha actividade práctica, facendo un total de 36 horas. O horario será de 17:00 a 21:00 horas, comezando o 14 de outubro e rematando o 25 de novembro. O número máximo de participantes será de 20 alumnos e alumnas e as prazas iranse cubrindo por rigorosa orde de inscrición. A actividade é de balde.Recoñece a túa excelencia busca que os mozos e mozas poidan recoñecer as habilidades coas que contan e explotalas ao máximo. Por iso contarán coas experiencias de oito profesionais do deporte en diferentes disciplinas como o atleta Pedro Nimo; o árbitro da ACB Jacobo Rial; o entrenador do Santiago Futsal, Santi Valladares; o adestrador do Obradoiro, Moncho Fernández; o director de marketing da SD Compostela, Javier Puñal; o campión de Europa de Squash, Borja Golán; o psicólogo, nutricionista e nadador, Daniel Caamaño; e o skater, Marcelo Lusardi.
O concelleiro de Deporte valorou moi positivamente este tipo de cursos, nos que profesionais de gran traxectoria no mundo do deporte "transmitirán a súa experiencia á mocidade de Compostela, ofrecendo recursos e consellos prácticos que serán moi útiles á hora de que os nosos mozos e mozas recoñezan as súas habilidades persoais e poidan potencialas".