TURISMO
O Camiño, elixido como unha das 10 rutas de sendeirismo con máis encanto de España
14/09/2016 A páxina web de viaxes TripAdvisor vén de seleccionar o Camiño de Santiago como unha das 10 rutas de sendeirismo con máis encanto de España. Así, o Camiño comparte oco coa Ruta do Cares, Ruta do río Borosa, Ruta das Médulas, Canón do Río Lobos, Val de Ordesa, Senda do Oso, Val do Jerte, Illas Cíes ou Lagoa Negra.
Na web de viaxes destácase que "é a ruta máis antiga e espiritual do continente europeo, sendo o Camiño Francés, que comeza en Roncesvalles, o de maior tradición".