ACCIÓN CULTURAL
A Santi (Xosé A. Touriñán), protagonista do monólogo, todo lle sae mal. Procura comportarse coma os demais, ten ilusión por ir á escola coma todo o mundo, por ter un traballo coma todo o mundo e casar cunha rapaza coma todo o mundo, pero sempre sucede algo que acaba deixándoo con cara de parvo.
É certo que Santi ten unha tendencia a estar sempre nas nubes. E ás veces queda parvo mirando a ningures. E pensa: "Que fago eu aquí... coma un imbécil". Así que un día decide mirar atrás na súa biografía para ver de buscarlle o sentido ás cousas, e remóntase ao momento mesmo da súa concepción e aínda máis, a cando só existían un espermatozoide algo parvo e un óvulo despistado, e comeza a falalo todo desde o principio ata o preciso momento en que llo conta ao público.
Entradas
As entradas teñen un prezo de 15 euros (12 euros nos palcos da segunda planta e o anfiteatro) e poden mercarse no despacho de billetes do Teatro Principal (aberto de martes a sábado e días de evento de 18:00 a 21:00 h), no 902 434 443 ou en entradas.abanca.com.
Xosé A. Touriñán protagoniza o "Monólogo do imbécil" no Teatro Principal
03/06/2016 Eme2 Teatro presenta a vindeira semana en Compostela o Monólogo do imbécil, protagonizado por Xosé A. Touriñán. Premio Max de Teatro 2003 ao mellor texto en lingua galega está escrito e dirixido por Jose Prieto. En total haberá tres funcións: venres 10 e sábado 11 ás 20:30 e o domingo 12 ás 19:00 horas, todas no Teatro Principal.
En palabras de Eme2, "o Mmonólogo do imbécil é un unipersoal no que elaboramos a biografía dun home dende o momento da cópula dos seus pais, aló polo ano sesenta, ata agora mesmo. Un individuo que ante o absurdo da súa vida e do momento histórico que lle toca vivir séntese desprazado unha e outra vez. Unha autobiografía surrealista, tenra, cómica e fantástica coa que todo o mundo acaba identificándose. Quen non se sentiu algunha vez coma un imbécil?"A Santi (Xosé A. Touriñán), protagonista do monólogo, todo lle sae mal. Procura comportarse coma os demais, ten ilusión por ir á escola coma todo o mundo, por ter un traballo coma todo o mundo e casar cunha rapaza coma todo o mundo, pero sempre sucede algo que acaba deixándoo con cara de parvo.
É certo que Santi ten unha tendencia a estar sempre nas nubes. E ás veces queda parvo mirando a ningures. E pensa: "Que fago eu aquí... coma un imbécil". Así que un día decide mirar atrás na súa biografía para ver de buscarlle o sentido ás cousas, e remóntase ao momento mesmo da súa concepción e aínda máis, a cando só existían un espermatozoide algo parvo e un óvulo despistado, e comeza a falalo todo desde o principio ata o preciso momento en que llo conta ao público.
Entradas
As entradas teñen un prezo de 15 euros (12 euros nos palcos da segunda planta e o anfiteatro) e poden mercarse no despacho de billetes do Teatro Principal (aberto de martes a sábado e días de evento de 18:00 a 21:00 h), no 902 434 443 ou en entradas.abanca.com.