DEPORTE
A xornada deportiva, aberta ao público e de entrada gratuíta, inaugurouse co desfile de todos os deportistas das entidades participantes, e prolongarase ata as 19:00 horas.
Santiago de Compostela acolle unha edición máis dos xogos Special Olympics
09/04/2016 A concelleira de Deporte, Noa Morales, inaugurou a XXI edición dos Xogos Minoritarios "Special Olympics", organizados por Special Olympics Galicia e ASPAS e que se celebran durante este sábado no Multiúsos Fontes do Sar.
Os xogos contan coa participación de 23 asociacións, que desprazaron 377 deportistas con discapacidade intelectual e 99 adestradores e adestradoras. Ademais, participan 105 voluntarios. En total, trátase dunha actividade na que participan 643 persoas, que son exemplo de integración e deporte limpo.A xornada deportiva, aberta ao público e de entrada gratuíta, inaugurouse co desfile de todos os deportistas das entidades participantes, e prolongarase ata as 19:00 horas.