ESPAZOS CIDADÁNS
O concelleiro de Espazos Cidadáns explicou que ao longo de mes de maio estará rematado un documento de avaliación ambiental que lle será remitido á Xunta. Jorge Duarte mostrouse convencido de que a revisión do Plan Especial da Cidade Histórica será sometida a aprobación inicial antes de que remate 2016, para ser aprobada definitivamente en 2017.
O novo Plan Especial, que está coordinando o arquitecto municipal Javier Fernández, ten como principal obxectivo xestionar os usos da cidade histórica, unha vez que a cidadanía xa ten asumida a necesidade de protexer este ámbito. O concelleiro de Espazos Cidadáns sinala que a nova redacción debe apostar por "unha zona vella vivida, e para iso terá que resolver cuestións que melloren a calidade de vida da veciñanza como as carencias de aparcamento ou de infraestruturas". O documento está a ser tamén debatido cos colectivos veciñais e culturais da cidade vella.
Avanza o proceso de revisión do Plan Especial
16/03/2016 O concelleiro de Espazos Cidadáns, Dereito á Vivenda e Mobilidade, Jorge Duarte, presidiu este mércores unha nova xuntanza no marco do proceso de revisión do Plan Especial da Cidade Histórica. A reunión serviu para analizar inicialmente o documento de información urbanística e diagnose da zona vella, no que se recollen os seus usos e se analiza o estado actual de instalacións e edificacións.
Na xuntanza celebrada este mediodía participaron representantes dos catro grupos municipais; a xerente do Consorcio, Belén Hernández; e algúns dos integrantes do grupo de expertos que está colaborando activamente na elaboración do novo documento, como o ex alcalde de Santiago e arquitecto Xerardo Estévez, ou o arqueólogo do CSIC Felipe Criado. Todos eles debateron temas que se están a abordar co equipo redactor do documento, relacionados coa mobilidade, a vivenda, a definición paisaxística ou os usos turísticos da cidade histórica.O concelleiro de Espazos Cidadáns explicou que ao longo de mes de maio estará rematado un documento de avaliación ambiental que lle será remitido á Xunta. Jorge Duarte mostrouse convencido de que a revisión do Plan Especial da Cidade Histórica será sometida a aprobación inicial antes de que remate 2016, para ser aprobada definitivamente en 2017.
O novo Plan Especial, que está coordinando o arquitecto municipal Javier Fernández, ten como principal obxectivo xestionar os usos da cidade histórica, unha vez que a cidadanía xa ten asumida a necesidade de protexer este ámbito. O concelleiro de Espazos Cidadáns sinala que a nova redacción debe apostar por "unha zona vella vivida, e para iso terá que resolver cuestións que melloren a calidade de vida da veciñanza como as carencias de aparcamento ou de infraestruturas". O documento está a ser tamén debatido cos colectivos veciñais e culturais da cidade vella.