EDUCACIÓN E CIDADANÍA
O programa funcionará durante o período de vacacións escolares de Semana Santa: os días 21, 22, 23 e 28 de marzo nos colexios de As Fontiñas e Raíña Fabiola. Hai dúas modalidades, ben por días soltos ou a modalidade completa. Desenvolverase en horario de 9:00 a 14:00 horas, coa posibilidade de que as familias poidan solicitar ademais o servizo de madrugadores con almorzo (de 7:45 a 9:00 horas) e un servizo de comedor (de 14:00 a 16:00 horas).
Oferta e prezos
Ofértase un total de 100 prazas entre os dous centros e deberá haber unha matrícula mínima de 25 en cada un deles para os obradoiros e as actividades, cifra que baixa a 10 no servizo de comedor e de madrugadores.
Haberá un desconto do 20% para quen acredite ser familia numerosa, familia monoparental e cando participen dous irmáns no programa. Así mesmo contemplarase un desconto do 50% ou do 100% para aquelas familias con escasos recursos, previo informe do Departamento de Políticas Sociais que ditaminará a porcentaxe do desconto.
O prazo de inscrición ábrese este sábado 5 de marzo e permanecerá aberto ata o día 11 (ambos incluídos). Para participar no programa terán que cubrir o impreso de matrícula e entregala no Rexistro Xeral do Concello de Santiago (rúa Presidente Salvador Allende, 4) ou no Rexistro Auxiliar do Centro Sociocultural e Xuvenil Municipal do Ensanche (rúa de Frei Rosendo Salvado 14-16). Xunto co impreso de inscrición deberán achegar o xustificante de pagamento na conta bancaria municipal en ABANCA ES89 2080-0388-2031-1000-2662. Terán que indicar no momento de facer o ingreso o nome e apelidos do neno ou nena e a modalidade escollida (completa ou días soltos).
Este sábado abre o prazo de matrícula para o programa de conciliación de Semana Santa
01/03/2016 O concelleiro de Educación e Cidadanía, Manuel Dios, deu conta esta mañá do programa de conciliación de Semana Santa 2016 cuxo prazo de matrícula abre este sábado, 5 de marzo.
Esta proposta está dirixida aos nenos e nenas que cursen estudos de educación infantil e primaria en Santiago, con idades comprendidas entre os 3 e os 12 anos. A maiores, os nenos e nenas de entre 0 e 3 anos tamén poderán acceder ao programa de conciliación nas escolas infantís de Meixonfrío-Salgueiriños, Conxo e Fontiñas.O programa funcionará durante o período de vacacións escolares de Semana Santa: os días 21, 22, 23 e 28 de marzo nos colexios de As Fontiñas e Raíña Fabiola. Hai dúas modalidades, ben por días soltos ou a modalidade completa. Desenvolverase en horario de 9:00 a 14:00 horas, coa posibilidade de que as familias poidan solicitar ademais o servizo de madrugadores con almorzo (de 7:45 a 9:00 horas) e un servizo de comedor (de 14:00 a 16:00 horas).
Oferta e prezos
Ofértase un total de 100 prazas entre os dous centros e deberá haber unha matrícula mínima de 25 en cada un deles para os obradoiros e as actividades, cifra que baixa a 10 no servizo de comedor e de madrugadores.
Haberá un desconto do 20% para quen acredite ser familia numerosa, familia monoparental e cando participen dous irmáns no programa. Así mesmo contemplarase un desconto do 50% ou do 100% para aquelas familias con escasos recursos, previo informe do Departamento de Políticas Sociais que ditaminará a porcentaxe do desconto.
O prazo de inscrición ábrese este sábado 5 de marzo e permanecerá aberto ata o día 11 (ambos incluídos). Para participar no programa terán que cubrir o impreso de matrícula e entregala no Rexistro Xeral do Concello de Santiago (rúa Presidente Salvador Allende, 4) ou no Rexistro Auxiliar do Centro Sociocultural e Xuvenil Municipal do Ensanche (rúa de Frei Rosendo Salvado 14-16). Xunto co impreso de inscrición deberán achegar o xustificante de pagamento na conta bancaria municipal en ABANCA ES89 2080-0388-2031-1000-2662. Terán que indicar no momento de facer o ingreso o nome e apelidos do neno ou nena e a modalidade escollida (completa ou días soltos).