CULTURA
A Biblioteca Compostela nace con vocación de continuidade, co obxectivo de publicar catro obras europeas traducidas ao galego cada ano, un dos cales será o gañador do Premio Novela Europea. En principio, editaranse 2.000 exemplares de cada un dos libros. A colaboración económica do Concello de Santiago consistiría na adquisición de 300 exemplares da primeira edición de cada título editado, por un importe de 3.000 euros.
Compostela asocia o seu nome a unha nova colección literaria
17/10/2006 A Biblioteca Compostela de narrativa europea permitirá que catro obras de autores contemporáneos estean nas librarías traducidas ao galego. Este nova colección xorde da colaboración entre a Concellaría de Cultura e a editorial Galaxia, plasmada nun convenio ratificado polos seus titulares, Néstor Rego e Víctor Freixanes, respectivamente.
Grazas a esta iniciativa, sairán á rúa, antes de que remate o ano, tres novas obras, que se unen á da última gañadora do Premio Novela Europea do Casino de Santiago, Anna Gavalda, "Xuntos e máis nada". Os elixidos para esta ocasión son os últimos libros do británico Martin Amis, do italiano Andrea Camilleri e do alemán Daniel Kehlmann. En tres destes catro casos, as novelas publicaranse antes en galego que en castelán.A Biblioteca Compostela nace con vocación de continuidade, co obxectivo de publicar catro obras europeas traducidas ao galego cada ano, un dos cales será o gañador do Premio Novela Europea. En principio, editaranse 2.000 exemplares de cada un dos libros. A colaboración económica do Concello de Santiago consistiría na adquisición de 300 exemplares da primeira edición de cada título editado, por un importe de 3.000 euros.