CONSORCIO
A Escola de Inverno da Unesco presentará, entre outras materias, un avance dos resultados do Programa EFFESUS, acrónimo en inglés de "Eficiencia enerxética para a sustentabilidade dos centros históricos europeos", un programa de investigación da Unión Europea que se enmarca no Sétimo Programa Marco de investigación e desenvolvemento tecnolóxico, no que está integrado o Consorcio de Santiago dende o ano 2012 e que finaliza o próximo ano. O seu obxectivo é desenvolver solucións para mellorar a eficiencia enerxética en edificios e conxuntos históricos de Europa compatibles coa preservación e posta en valor do patrimonio cultural que representan.
O Consorcio de Santiago é un dos 23 socios do programa EFFESUS, xunto con diversas institucións, universidades e empresas de toda Europa. Entre eles destaca o prestixioso centro de investigación alemán Fraunhofer, o máis grande de Europa; ou Tecnalia, o maior grupo privado de I+D+i de España, que actúa como coordinador do grupo.
A experiencia de Santiago
O Consorcio de Santiago foi convidado en función da súa contrastada experiencia nos procesos de recuperación física e cultural da cidade histórica de Santiago, Patrimonio Unesco da Humanidade dende 1985. Ademais dos múltiples e innovadores programas de rehabilitación de edificios, vivendas, monumentos e espazos públicos que promoveu o Consorcio dende 1994, interesan as iniciativas do organismo vinculadas cunha reflexión integral da cidade, coma o Sistema de Información Xeoreferrenciada (SIP), o Plan Director de Infraestruturas Urbanas e Xestión Enerxética da Cidade Histórica de Santiago, a Definición dunha Estratexia de Verde Urbano para Compostela ou Enerxía e Medio Ambiente para a Habitabilidade en Santiago de Compostela, traballos de aproximación á rehabilitación urbana nos que o Consorcio de Santiago foi pioneiro.
Ademais das iniciativas do Consorcio dende a súa creación, abordarase o traballo realizado dende o ano 2012 no Programa EFFESUS, un importante proxecto de investigación da Unión Europea sobre cidade, rehabilitación e enerxía, no que a cidade histórica de Santiago é un dos sete casos de estudo en Europa.
Nova ferramenta de avaliación enerxética
Na Unesco Winter School: Sustainable Energy Governance in UNESCO World Heritage Sites probarase o Sistema Soporte de Decisións (DSS). Trátase dunha innovadora ferramenta informática para a avaliación enerxética de intervencións de renovación urbana e rehabilitación de edificios que está a desenvolver o Programa EFFESUS. O Sistema de Información Xeorreferenciada de Santiago de Compostela (SIP), desenvolvido polo Consorcio, permitiu que a cidade sexa o modelo de traballo elixido para o deseño e construción deste sistema.
O DSS, dirixido con diversa accesibilidade a técnicos, funcionarios, xestores urbanos ou cidadáns, está concibido para axudar a priorizar e compatibilizar rehabilitacións enerxeticamente eficientes e absolutamente respectuosas co valor patrimonial dos edificios e distritos sobre os que se actúa. En representación do Consorcio de Santiago, o arquitecto Ángel Panero, responsable científico e técnico do proxecto no Consorcio, desprazarase a Venecia para participar nas reunións.
A Unesco convida o Consorcio de Santiago a participar na súa Escola de Inverno, dedicada ao estudo de fórmulas de xestión eficiente das cidades Patrimonio da Humanidade
14/12/2015 A UNESCO convidou o Consorcio de Santiago a participar na Unesco Winter School: Sustainable Energy Governance in UNESCO World Heritage Sites, que se desenvolverá en Venecia entre o 13 e o 19 de decembro. A esta reunión están convocados os principais xestores de diferentes cidades Patrimonio da Humanidade do sueste de Europa, ademais de expertos e profesionais da xestión enerxética das arquitecturas históricas.
As diversas iniciativas e programas que promoveu o Consorcio en Santiago de Compostela dende a súa creación é unha das experiencias de referencia que abordará a Escola de Inverno da Unesco coa finalidade de analizar liñas para mellorar a xestión enerxeticamente eficiente dos centros históricos europeos que son Patrimonio da Humanidade.A Escola de Inverno da Unesco presentará, entre outras materias, un avance dos resultados do Programa EFFESUS, acrónimo en inglés de "Eficiencia enerxética para a sustentabilidade dos centros históricos europeos", un programa de investigación da Unión Europea que se enmarca no Sétimo Programa Marco de investigación e desenvolvemento tecnolóxico, no que está integrado o Consorcio de Santiago dende o ano 2012 e que finaliza o próximo ano. O seu obxectivo é desenvolver solucións para mellorar a eficiencia enerxética en edificios e conxuntos históricos de Europa compatibles coa preservación e posta en valor do patrimonio cultural que representan.
O Consorcio de Santiago é un dos 23 socios do programa EFFESUS, xunto con diversas institucións, universidades e empresas de toda Europa. Entre eles destaca o prestixioso centro de investigación alemán Fraunhofer, o máis grande de Europa; ou Tecnalia, o maior grupo privado de I+D+i de España, que actúa como coordinador do grupo.
A experiencia de Santiago
O Consorcio de Santiago foi convidado en función da súa contrastada experiencia nos procesos de recuperación física e cultural da cidade histórica de Santiago, Patrimonio Unesco da Humanidade dende 1985. Ademais dos múltiples e innovadores programas de rehabilitación de edificios, vivendas, monumentos e espazos públicos que promoveu o Consorcio dende 1994, interesan as iniciativas do organismo vinculadas cunha reflexión integral da cidade, coma o Sistema de Información Xeoreferrenciada (SIP), o Plan Director de Infraestruturas Urbanas e Xestión Enerxética da Cidade Histórica de Santiago, a Definición dunha Estratexia de Verde Urbano para Compostela ou Enerxía e Medio Ambiente para a Habitabilidade en Santiago de Compostela, traballos de aproximación á rehabilitación urbana nos que o Consorcio de Santiago foi pioneiro.
Ademais das iniciativas do Consorcio dende a súa creación, abordarase o traballo realizado dende o ano 2012 no Programa EFFESUS, un importante proxecto de investigación da Unión Europea sobre cidade, rehabilitación e enerxía, no que a cidade histórica de Santiago é un dos sete casos de estudo en Europa.
Nova ferramenta de avaliación enerxética
Na Unesco Winter School: Sustainable Energy Governance in UNESCO World Heritage Sites probarase o Sistema Soporte de Decisións (DSS). Trátase dunha innovadora ferramenta informática para a avaliación enerxética de intervencións de renovación urbana e rehabilitación de edificios que está a desenvolver o Programa EFFESUS. O Sistema de Información Xeorreferenciada de Santiago de Compostela (SIP), desenvolvido polo Consorcio, permitiu que a cidade sexa o modelo de traballo elixido para o deseño e construción deste sistema.
O DSS, dirixido con diversa accesibilidade a técnicos, funcionarios, xestores urbanos ou cidadáns, está concibido para axudar a priorizar e compatibilizar rehabilitacións enerxeticamente eficientes e absolutamente respectuosas co valor patrimonial dos edificios e distritos sobre os que se actúa. En representación do Consorcio de Santiago, o arquitecto Ángel Panero, responsable científico e técnico do proxecto no Consorcio, desprazarase a Venecia para participar nas reunións.