CONVIVENCIA
Suprimida a pintada da Colexiata de Sar
04/12/2015 Os operarios de Urbaser eliminaron esta mañá as pintadas que apareceran no conxunto da Colexiata de Sar, en concreto no edificio anexo da igrexa que funcionara como colexio, e na porta da propia colexiata.
A Concellaría de Medio Ambiente e Convivencia deu a orde para efectuar a limpeza do graffiti tan pronto como se tivo coñecemento da súa existencia. O departamento fai un chamamento á responsabilidade da cidadanía, para que non se produzan este tipo de atentados contra o noso patrimonio.