EMPREGO
O FOCO 2015 é unha evolución respecto dos anteriores foros de emprego que se desenvolvían dende o Concello, introducindo precisamente como principal novidade un enfoque moito máis participativo tanto dos propios demandantes de emprego como das empresas participantes e os axentes sociais vinculados co mercado laboral da cidade.
No FOCO celebráronse 17 mesas de diálogo para o emprego co obxectivo de coñecer e debater as próximas estratexias locais no eido do emprego. Nas mesas houbo unha gran diversidade de participantes: dende persoas con formación técnica e experiencia sobre os temas tratados, ata persoas que se aproximaban por primeira vez con curiosidade e ganas de facer achegas.
Os participantes tiveron oportunidade de contrastar visións e pareceres, a través da combinación de grupos pequenos e espazos plenarios de posta en común, nos que se recolleron as achegas, que matizan e enriquecen os documentos de partida. Finalmente, realizouse unha priorización de todas as medidas propostas: en cada mesa, cada persoa puido sinalar as súas tres medidas prioritarias.
Rexistráronse máis de 1.000 inscricións para participar nestas mesas participativas. Nas vindeiras semanas farase unha análise de todas as opinións, experiencias e datos solicitados nestes espazos de participación para deseñar as estratexias de emprego que se desenvolverán dende o Concello nos vindeiros anos.
O Foro Colaborativo polo Emprego é unha actividade do Programa Local de Apoio ao Emprego, cofinanciado polo Fondo Social Europeo, que leva a cabo o Concello de Santiago xunto coa Cámara de Comercio de Santiago.
Máis de 2.500 persoas participaron no primeiro Foro Colaborativo para o Emprego
06/11/2015 A concelleira de Igualdade, Desenvolvemento Económico e Turismo, Marta Lois, clausurou a primeira edición do Foro Colaborativo para o Emprego, que se celebrou os días 5 e 6 de novembro no Palacio de Congresos de Galicia. Nesta primeira edición participaron máis de 2.500 persoas nas diferentes actividades que se organizaron dentro do evento.
Dende o departamento de Emprego do Concello farase unha valoración máis precisa dos resultados do FOCO nas vindeiras semanas. Pero nun primeiro momento quere destacarse o elevado número de participantes, sinal da necesidade que existe deste tipo de eventos de intermediación laboral, nos que ademais a participación cidadá ten un papel protagonista.O FOCO 2015 é unha evolución respecto dos anteriores foros de emprego que se desenvolvían dende o Concello, introducindo precisamente como principal novidade un enfoque moito máis participativo tanto dos propios demandantes de emprego como das empresas participantes e os axentes sociais vinculados co mercado laboral da cidade.
No FOCO celebráronse 17 mesas de diálogo para o emprego co obxectivo de coñecer e debater as próximas estratexias locais no eido do emprego. Nas mesas houbo unha gran diversidade de participantes: dende persoas con formación técnica e experiencia sobre os temas tratados, ata persoas que se aproximaban por primeira vez con curiosidade e ganas de facer achegas.
Os participantes tiveron oportunidade de contrastar visións e pareceres, a través da combinación de grupos pequenos e espazos plenarios de posta en común, nos que se recolleron as achegas, que matizan e enriquecen os documentos de partida. Finalmente, realizouse unha priorización de todas as medidas propostas: en cada mesa, cada persoa puido sinalar as súas tres medidas prioritarias.
Rexistráronse máis de 1.000 inscricións para participar nestas mesas participativas. Nas vindeiras semanas farase unha análise de todas as opinións, experiencias e datos solicitados nestes espazos de participación para deseñar as estratexias de emprego que se desenvolverán dende o Concello nos vindeiros anos.
O Foro Colaborativo polo Emprego é unha actividade do Programa Local de Apoio ao Emprego, cofinanciado polo Fondo Social Europeo, que leva a cabo o Concello de Santiago xunto coa Cámara de Comercio de Santiago.