MOBILIDADE
Neste primeiro encontro, ademais da exposición de Jorge Duarte, sobre a súa proposta de cidade, participaron Miguel Pazos, profesor da Facultade de Xeografía, e dous expertos en mobilidade, Salvador Rueda e Jacobo Lago, que plantexaron os aspectos que se recollen no Plan de Mobilidade da cidade de Barcelona.
Nos catro grupos de traballo abordáronse os temas máis importantes nesta materia, que foron expostos e debatidos entre os asistentes. Das propostas saíu un documento que inclúe os temas tratados neste primeiro encontro por parte dos participantes.
Santiago de Compostela celebrou o primeiro Encontro pola Mobilidade
21/09/2015 O concelleiro de Espazos Cidadáns, Jorge Duarte, participou do I Encontro pola Mobilidade, que se celebrou este luns na Biblioteca Ánxel Casal. Duarte apuntou as seis liñas estratéxicas en materia de mobilidade nas que está a traballar o Goberno local e entre as que se atopan a redución do tráfico rodado nas rúas do centro da cidade, sobre todo de vehículo privado, mentres se dá prioridade ao uso peonil. Para o concelleiro de Espazos Cidadáns "é fundamental priorizar os espazos cidadáns para uso e desfrute dos veciños e das veciñas".
Entre outras propostas que se escoitaron neste primeiro encontro está a elaboración dun novo Plan de Mobilidade que non "sexa un proxecto dun grupo político, senón que sexa o resultado do consenso de todos". Jorge Duarte propuxo tamén o establecemento de corredores verdes peonís en función das necesidades das persoas. Ademais, apuntou que un dos obxectivos do Plan de Mobilidade pasa por mellorar a rede de transporte urbano facendo fincapé na conectividade co rural.Neste primeiro encontro, ademais da exposición de Jorge Duarte, sobre a súa proposta de cidade, participaron Miguel Pazos, profesor da Facultade de Xeografía, e dous expertos en mobilidade, Salvador Rueda e Jacobo Lago, que plantexaron os aspectos que se recollen no Plan de Mobilidade da cidade de Barcelona.
Nos catro grupos de traballo abordáronse os temas máis importantes nesta materia, que foron expostos e debatidos entre os asistentes. Das propostas saíu un documento que inclúe os temas tratados neste primeiro encontro por parte dos participantes.