ALCALDÍA
Encontro en Raxoi para falar dos futuros usos e do paisaxismo do Monte do Gozo
09/09/2015 O alcalde de Santiago, Martiño Noriega, e a concelleira de Turismo, Marta Lois, reuníronse coa directora de Turismo de Galicia, Nava Castro.
A xuntanza serviu para expor as intencións de futuro da Xunta de Galicia respecto ao complexo do Monte do Gozo, do que vén de recuperar a súa xestión. Turismo de Galicia xa ten encargados un plan de usos e outro sobre paisaxismo, que estarán listos nos vindeiros meses.