ALCALDÍA
A situación da maquinaria pesada para traballar nos muros de pantalla na marxe dereita da estrada, en sentido entrada da cidade, obrigará a cortar os dous carrís deste lado, quedando habilitado un carril en cada sentido do outro lado, dende a glorieta de Conxo en dirección Pontevedra. Durante os vindeiros días procederase á sinalización e pintado da nova disposición de carrís.
Noriega insistiu na necesidade de "non xerar máis frustración" entre veciños e comerciantes de Conxo e garantiu que se lles manterá informados sobre as novidades. Neste sentido, reiterou que non comprendía como ata agora non se estableceran canles de diálogo con eles
Compromiso de Fomento para iniciar este luns as obras do paso inferior de Conxo
23/06/2015 O alcalde de Santiago, Martiño Noriega, anunciou que as obras do paso inferior de Conxo comezarán o vindeiro luns e que a partir do mércores xa haberá maquinaria pesada traballando na zona. Este é, cando menos, o compromiso manifestado polo director da obra, en representación do Ministerio de Fomento, na reunión mantida esta mañá, na que tamén participaron os concelleiros de Espazos Cidadáns, Jorge Duarte, e de Convivencia, Xan Duro.
Segundo explicou Noriega, o representante do Ministerio, que non entrou a explicar as causas do retraso da obra, asegurou que están resoltos os problemas existentes e que a obra comezará finalmente. O rexedor, que afirmou intuír que estes problemas se debían a algunha diverxencia coa contrata, quere ser "optimista" respecto a este compromiso, que obrigará a modificacións na disposición de carrís e en materia de mobilidade a partir da vindeira semana.A situación da maquinaria pesada para traballar nos muros de pantalla na marxe dereita da estrada, en sentido entrada da cidade, obrigará a cortar os dous carrís deste lado, quedando habilitado un carril en cada sentido do outro lado, dende a glorieta de Conxo en dirección Pontevedra. Durante os vindeiros días procederase á sinalización e pintado da nova disposición de carrís.
Noriega insistiu na necesidade de "non xerar máis frustración" entre veciños e comerciantes de Conxo e garantiu que se lles manterá informados sobre as novidades. Neste sentido, reiterou que non comprendía como ata agora non se estableceran canles de diálogo con eles