CULTURA
A caída do sol protagonizarana os eclécticos Cats and Monkeys (de 19:30 a 21:00 horas). Xa pola noite, contarase con André Fernandes "Wonder Wheel" (de 21:00 a 22:30 horas), cuxo disco Cubo foi votado en 2007 como o mellor álbum de jazz de Portugal, e cos Hot Chocolates (dende as 22:30 até as 00:00 horas), cuxo estilo festivo cheo de positivismo porá o peche a unha xornada única que se poderá seguir por streaming a través de Periscope.
En total, 12 horas nas que o jazz non deixará de soar, a mellor forma de despedir un VIII Ciclo 1906 polo que se pasearon artistas tan destacados como Christian McBride, Dave Douglas ou Chano Domínguez co Niño Josele, entre outros.
Doce horas de música na praza da Quintana pechan o Ciclo 1906 de Jazz
18/06/2015 Como xa é costume, o VIII Ciclo 1906 de Jazz pecha a súa programación cun evento moi especial, un Maratón de 12 horas ininterrompidas de música, de 12 do mediodía a 12 da medianoite. Será, como é tamén habitual, o 19 de xuño, polo xogo de datas 19.06, e na praza da Quintana. A entrada é libre.
Comeza a xornada coa actuación de Roberto Somoza Trío (de 12:00 a 13:30 horas), que colaborou con artistas como Antonio Cal, Baldo Martínez ou Lucio Godoy. Despois será a quenda de Felipe Villar Trío (de 13:30 a 15:30 horas), que gravou e tocou con Alberto Vilas Quinteto ou Rua da Alegría, entre outros grupos. A tarde estará animada co son de Kin García Trío (de 16:30 a 18:00 horas), considerado un dos nomes crave da escena musical galega, e continuarase con Mónica de Nut (de 18:00 horas a 19:30 horas), que combina música clásica, jazz, rock e tradición.A caída do sol protagonizarana os eclécticos Cats and Monkeys (de 19:30 a 21:00 horas). Xa pola noite, contarase con André Fernandes "Wonder Wheel" (de 21:00 a 22:30 horas), cuxo disco Cubo foi votado en 2007 como o mellor álbum de jazz de Portugal, e cos Hot Chocolates (dende as 22:30 até as 00:00 horas), cuxo estilo festivo cheo de positivismo porá o peche a unha xornada única que se poderá seguir por streaming a través de Periscope.
En total, 12 horas nas que o jazz non deixará de soar, a mellor forma de despedir un VIII Ciclo 1906 polo que se pasearon artistas tan destacados como Christian McBride, Dave Douglas ou Chano Domínguez co Niño Josele, entre outros.