CULTURA
A Banda Municipal de Música e Abe Rábade ofrecen un concerto especial dentro das festas do barrio de San Martiño Pinario
05/06/2015 Este sábado 6 de xuño, ás 20:00 horas, a Banda Municipal de Música ofrecerá un concerto especial con motivo das festas do barrio de San Martiño Pinario. A agrupación estará acompañada polo prolífico compositor e pianista de jazz Abe Rábade como solista.
Será toda unha sesión de jazz vespertino que homenaxeará os grandes éxitos das big bands americanas capitaneadas por Glenn Miller ou Benny Goodman. O público poderá gozar con temas como "Curtain Up!", de A. Reed; "Jesus Christ Superstar", de Lloyd Webber; "Benny Goodman Memories", de B. Goodman; ou "Sir Duke", de Stevie Wonder.