Partido Socialista de Galicia - PSOE

Xosé Antonio Sánchez Bugallo

Nado na localidade coruñesa de Teixeiro o 31 de xaneiro de 1954, chegou a Santiago en 1961, e en 1983 comezou a súa vida política como xefe de gabinete de Xerardo Estévez. Durante once anos, entre 1987 e 1998, foi concelleiro socialista á fronte de Deportes, Relacións Veciñais, Tráfico e Seguridade Cidadá, Persoal e Réxime Interior e Facenda, entre outras áreas; asumindo tamén, durante un período de tempo, a portavocía municipal. De 1991 a 1999 foi deputado provincial, levando, entre 1991 e 1995, as áreas de Persoal e Réxime Interior. Accedeu á Alcaldía de Santiago en 1998, despois da renuncia de Xerardo Estévez. As eleccións municipais de 1999, 2003 e 2007 levárono a gobernar Compostela durante tres lexislaturas consecutivas. Presentouse ás eleccións autonómicas en 2012 polo PSdeG-PSOE, obtendo un escano e pasando a ser, ata 2016, deputado no Parlamento de Galicia. Como parlamentario presidiu a Comisión de Economía, Facenda e Orzamentos; e foi portavoz da Comisión de Ordenación do Territorio, Urbanismo e Vivenda.

• Declaración de bens patrimoniais
• Declaración de causas de posible incompatibilidade

Mercedes Rosón Ferreiro

Subdirectora da Área de Cultura do Vicerreitorado de Comunicación, Cultura e Servizos da USC, e responsable da Fonoteca universitaria dende finais dos anos oitenta; centrando fundamentalmente a súa actividade nos ámbitos da xestión e produción de música, exposicións, artes plásticas e xestión do patrimonio histórico-artístico e a música. Durante oito anos, de 2003 ao 2011, foi concelleira no Goberno municipal, ocupando as áreas de Cultura, Rehabilitación e Cidade Histórica, Centros Socioculturais, Urbanismo, Vivenda e Educación. En 2011 retomou o seu traballo na Universidade, traballo que compaxinou coa actividade política como concelleira do PSdeG-PSOE na oposición do concello compostelán ata o 2 de decembro de 2017. Á marxe da actividade profesional, forma parte de diferentes colectivos veciñais, sociais e culturais.

• Declaración de bens patrimoniais
• Modificación da Declaración de bens patrimoniais
• Declaración de causas de posible incompatibilidade

Gumersindo Guinarte Cabada

Naceu en Forcarei e trasladouse de neno a Compostela. Aquí estudou, ata doutorarse en Dereito. É profesor e decano da Facultade de Dereito da USC. Compatibilizou a súa traxectoria universitaria con diversos cargos políticos e institucionais, dentro e fóra da Universidade, entre os que figuran: director do Instituto de Criminoloxía, secretario xeral da USC, vicevaledor do Pobo e secretario xeral da Presidencia da Xunta no Goberno de Emilio Pérez Touriño.

• Declaración de bens patrimoniais
• Declaración de causas de posible incompatibilidade

María Milagros Castro Sánchez

Nada en 1965, é técnica superior de Saúde Bucodental e traballadora dende 1995 do Centro de Saúde de Fontiñas, barrio no que reside. Nas eleccións de 2015 foi escollida por primeira vez concelleira do grupo municipal socialista. Na actualidade é a secretaria xeral da Agrupación Local do PSdeG-PSOE.

• Declaración de bens patrimoniais
• Declaración de causas de posible incompatibilidade

Gonzalo Muíños Sánchez

Nado no barrio de San Pedro en 1969. Estudou en La Salle e traballou, durante vinte anos, en Autos Lobelle, como responsable de Calidade e Medio Ambiente. Foi xerente do Club Lobelle Fútbol Sala entre 2002 e 2011. Formou parte da lista de Sánchez Bugallo en 2011, e dende aquela é concelleiro.

• Declaración de bens patrimoniais
• Declaración de causas de posible incompatibilidade

Marta Abal Rodríguez

Nada en Cenlle (Ourense) en 1982, é licenciada en Ciencias Políticas e da Administración pola USC e máster de Xestión Pública, tamén pola Universidade de Santiago. En 2005 comezou a traballar para a Xunta de Galicia. Ata 2009, como persoal eventual de gabinete na Secretaría Xeral de Análise e Proxección. A partir de 2010 exerceu como funcionaria do corpo administrativo, e dende 2011 como funcionaria do corpo superior da Administración Xeral.

• Declaración de bens patrimoniais
• Declaración de causas de posible incompatibilidade

Rubén Prol Mariño

Graduado en Dereito pola Universidade de Santiago de Compostela. Posteriormente rematou o Mestrado en Profesorado de Educación Secundaria, especialidade en Ciencias Sociais, na mesma universidade. É membro de Xuventudes Socialistas de Galicia, onde foi secretario de educación entre os anos 2014 e 2019. Actualmente é secretario xeral de Xuventudes Socialistas de Compostela.

• Declaración de bens patrimoniais
• Declaración de causas de posible incompatibilidade

María Esther Pedrosa Carrete

É técnica do Servizo de Deportes da Universidade de Santiago de Compostela; e unha apaixonada do atletismo, que practica a nivel profesional. É campioa do mundo de cross, subcampioa do mundo de 1.500 e ten catro mellores marcas de España; todo na categoría máster, na que compite. No VIII Campionato do Mundo Máster, en Polonia, acadou a medalla de prata na proba de cross, e nos 3.000 metros en pista cuberta.

• Declaración de bens patrimoniais
• Declaración de causas de posible incompatibilidade

María Begoña Rodríguez Rodríguez

Nada en Ourense en 1963. Licenciada en Ciencias Químicas pola Universidade de Santiago de Compostela, é funcionaria do corpo Facultativo Superior da Xunta de Galicia dende 1994, na que exerceu funcións en distintas consellerías: Medio Rural, Medio Ambiente e Presidencia (Protección Civil). Actualmente presta servizo como xefa de sección da Calidade dos Solos da Consellería de Medio Ambiente Territorio e Vivenda.

• Declaración de bens patrimoniais
• Declaración de causas de posible incompatibilidade