Os membros da Xunta de Goberno deben ser concelleiros. Entre os membros da Xunta, o seu presidente, o alcalde, é quen nomea o secretario.
A Xunta de Goberno debe responder ante o Pleno da súas actividades, sen prexuízo de que a responsabilidade destas caia de xeito directo sobre cada un dos membros da Xunta. Así mesmo, as persoas que compoñen a Xunta teñen o dereito de asistir as sesións plenarias e participar nos seus debates, sexan ou non concelleiros.
Entre as atribucións que lle corresponden á Xunta de Goberno está a aprobación de proxectos relativos a ordenanzas, orzamentos e regulamentos, a aprobación de proxectos de ordenación urbanística previa á súa discusión no Pleno, así como a daquelas cuestións que non estean expresamente atribuídas ao Pleno, a aprobación da relación dos postos de traballo e as retribucións dos mesmos de acordo ao orzamento aprobado polo Pleno.
Outras responsabilidades de Xunta de Goberno son as concesións e contratacións de licenzas, o desenvolvemento da xestión económica, e o nomeamento e o cese dos titulares dos órganos directivos do Concello. Ademais, a Xunta de Goberno pode levar a cabo accións xudiciais e administrativas e ten potestade sancionadora. A Xunta de Goberno reúnese de forma ordinaria os luns.
Membros da Xunta de Goberno Local
- Preside: Xosé A. Sánchez Bugallo
- Mercedes Rosón Ferreiro
- Gumersindo Guinarte Cabada (secretario)
- María Milagros Castro Sánchez
- Gonzalo Muíños Sánchez
- Marta Abal Rodríguez
- José Manuel Pichel Patiño
- Noa Díaz Varela
- José Javier Fernández Martínez