CENTROS SOCIOCULTURAIS

A Alameda de Santiago acolle este sábado as actividades para a cativada do "Día Internacional do Xogo"

30/05/2024

O Paseo da Ferradura, na Alameda de Santiago, acollerá este sábadi distintas actividades de ocio programadas pola Rede de Centros Socioculturais para conmemorar o "Día Internacional do Dereito ao Xogo". A partir das 11:00 horas, nenos e nenas poderán gozar co circuíto de xogos tradicionais, de habilidade e cooperativos, así como co espectáculo "Cantaxoga" de Migallas.

Leer más

PLENO

O Pleno aproba a creación da Comisión especial da xestión do ciclo integral da auga

30/05/2024

O Pleno municipal deu luz verde esta mañá á proposta da Alcaldía para a creación dunha comisión especial dedicada a analizar a forma máis sustentable e eficiente da xestión do ciclo da auga e que estará integrada por unha representación de todos os grupos municipais e por persoal técnico municipal. A Corporación tamén aprobou por unanimidade dúas declaración institucionais, unha en apoio ás persoas afectadas pola ELA e outra con motivo do Día do Orgullo LGBTI+, o vindeiro 28...

Leer más

CONVIVENCIA

A Semana da Prevención de Incendios chega á Alameda "coas claves para saber como reaccionar en situacións de emerxencia"

29/05/2024

Os próximos días 6 e 7 de xuño, a Alameda acollerá as actividades da Semana de Prevención de Incendios, organizada polo Servizo Municipal de Extinción, a Fundación MAPFRE e a Asociación Profesional de Técnicos de Bombeiros. O programa, previsto para o pasado mes de outubro e que tivera que ser cancelado por mor das condicións meteorolóxicas, pretende sensibilizar á veciñanza e mostrar as claves para reaccionar diante de situacións de emerxencia.

Leer más

CAPITAL CULTURAL

Esculcando o mundo desde Compostela: A SELIC internacionalízase sen perder de vista a literatura propia

29/05/2024

Á visita de autores como John Banville ou Adanía Shibli, xa anunciada, súmase a oferta máis variada das letras do país, como o Leo de Matamá, Afra Torrado, Fernández Naval, Eva Veiga ou Rosa Aneiros. O Festival da Lectura presentou hoxe o programa da súa oitava edición, nunha rolda de prensa á que asistiron Míriam Louzao, concelleira de Capital Cultural; Camilo Franco, director da SELIC; e Xaquín Núñez Sabarís, coordinador da sección Criminal.

Leer más

RURAL

O Concello acorda coa veciñanza as prioridades do plan de rozas de vexetación en camiños e espazos públicos para a prevención de incendios

29/05/2024

A concelleira de Relacións Veciñais e Rural, Pilar Lueiro, mantivo un encontro con representantes da Federación de Asociacións Veciñais do Rural de Santiago (Ferusa) no que, entre outros temas, se tratou o cronograma de labores de roza de vexetación de cara á prevención de incendios no verán e á eliminación de matogueira en camiños, beirarrúas e espazos públicos.

Leer más

DEREITOS E SERVIZOS SOCIAIS

Compostela co Sur Global: as ONGDs dan conta dos proxectos que desenvolven grazas ás subvencións do Concello de Santiago

28/05/2024

O edificio Cersia de San Lázaro acollerá mañá, a partir das 16:30 horas, un encontro con ONGDs que están a desenvolver diferentes proxectos apoiados polo Concello de Santiago, a través da súa liña de subvencións á cooperación ao desenvolvemento. A actividade, que leva por lema "Compostela co Sur Global", forma parte do programa Compostela Máis Solidaria, impulsado pola Coordinadora Galega de ONG para o Desenvolvemento, en colaboración coa Concellaría de Dereitos e Servizos Sociais.

Leer más
Compartir: