Viernes 9 de diciembre 2016

Axenda

"Semente, 15 anos apoiando a arte emerxente"

Os comisarios Ángel Cerviño e Alberto González-Alegre revisan nunha exposición as nove edicións do Premio Auditorio de Galicia para novos artistas.

Do 11 de outubro ao 26 de febreiro, no Auditorio de Galicia.

Axenda

Exposición de instantáneas en 3D "Compostela, a Terceira Dimensión" na Casa do Cabido

Baixo o título Compostela, a Terceira Dimensión, o Consorcio de Santiago promove unha exposición de instantáneas en 3D da cidade de Santiago do estereógrafo coruñés Enrique Criado. Esta mostra reúne un total de 35 imaxes representativas do casco histórico compostelán, en particular da Catedral -como final do Camiño- e da súa contorna.

Ata finais de novembro, na Casa do Cabido.

Axenda

Programación infantil con Apego

O Concello de Santiago unifica toda a súa programación infantil, utilizando o idioma como elemento de conexión.

Durante o outono, en varios espazos da cidade.

Axenda

"2016, Ano Internacional dos Legumes", mostra no Museo de Historia Natural da USC

Exposicións, USC, Museos, Saudable
A exposición acolle máis de trinta legumes diferentes, ordenadas por especies representativas de cultivos que na actualidade ou noutros tempos houbo en Galicia. A mostra está composta de sementes de fabas, garavanzos, lentellas e chícharos, acompañados de fichas explicativas das plantas que os producen e a historia do seu cultivo. Faise fincapé nos problemas dos nomes dos legumes de tipo "faba", xa que hai tres especies da familia das leguminosas que dan 'fabas' de formas e usos semellantes pero de orixes, características e historias moi diferentes.

Ata o 31 de decembro, no Museo de Historia Natural.

Axenda

"The observation of trifles", de Carlos Alba na Zona C

Carlos Alba toma obxectos que atopa nas rúas e utilízaos como unha especie de arqueoloxía visual. A combinación de obxectos con fotografías chega ao espectador dunha maneira física e envolta en misterio.

Ata o 22 de xaneiro, na Zona C de Bonaval.

Axenda

"Eroski Paraíso", polo grupo Chévere, no Teatro Principal

Chévere representa Eroski Paraíso, sobre a promesa dun paraíso social feita por un Estado de Benestar que agora se esborralla. O paraíso era en realidade un gran hipermercado.

Do 8 ao 11 de decembro, ás 20:30 horas, no Teatro Principal.

Compartir: