Noticias

A Xunta de Goberno Local, reunida en sesión extraordinaria, aprobou os prazos de solicitude e o procedemento de admisión do "Programa municipal de conciliación de verán 2023", destinado á poboación escolarizada en educación Infantil e Primaria do municipio de Santiago, que se vai desenvolver nos CEIPs Quiroga Palacios e Monte dos Postes entre o 22 de xuño e o 8 de setembro, ambos incluídos. O prazo de inscrición establécese entre o 15 e o 22 de maio.

A concelleira de Centros Socioculturais, Mercedes Rosón, acompañada por Chelo Pampillón e Manuel Dasilva, presidente e tesoureiro de FEGATEA, presentou esta mañá o ciclo de teatro amador "FegaTeatro" que arrancará o vindeiro 16 de xuño no Centro Sociocultural de Villestro.

A Xunta de Goberno local, reunida en sesión extraordinaria, aprobou onte os expedientes de xustificación de axudas ao deporte federación, presentados por 51 entidades deportivas, que percibirán subvencións por un valor total de 280.289,83 euros.

As celebracións da IV edición da Festa do Banquete darán comezo mañá coa representación teatral do Pequeno Banquete, no que participará o alumnado do CEIP Quiroga Palacios, e o concerto de Fillas de Cassandra, que gravarán un videoclip co alumando presente na carballeira de Conxo. Pola tarde terán lugar os obradoiros de baile tradicional e de Cantos de Taberna co posterior percorrido polos bares do barrio para interpretar as diferentes pezas. O día grande das festas será o domingo 14 de maio, cunha romaría...

Este novo tramo forma parte da Vía Verde Santiago-Tambre-Lengüelle, que engadirá 10 quilómetros aos 26 quilómetros actuais da Vía Verde en Oroso, Ordes, Tordoia e Cerceda e aos 30 quilómetros das sendas existentes en Compostela polas beiras do Sar e do Sarela. Esta primeira fase conta cun orzamento de algo máis de 826.756 euros, dos que a entidade provincial achega arredor de 527.959 euros o Concello de Santiago os 298.787 euros restantes.

O Pleno da Corporación aprobou esta mañá en sesión extraordinaria o destino de máis 7 millóns de euros de remanentes, que se dedicarán ao pago de gastos correntes como a luz ou o transporte urbano, así como á realización dunha serie de investimentos no ámbito urbano e rural

Esta semana comezou a campaña de roza que leva a cabo a concellaría de Medio Rural, que foi consensuada coa Federación de Asociacións Veciñais do Rural de Santiago (FERUSA). A prestación deste servizo ten por obxecto, ademais de previr incenios, mellorar as condicións de acceso aos núcleos de poboación. Os traballos empezaron en Figueiras e Villestro, para despois trasladarse a Laraño.

AGAPI (Asociación Galega de Produtores Independentes) presentou hoxe a a edición dixital do Estudo cualitativo ‘2022, Ano de cambios no audiovisual galego’, que recolle unha serie de reportaxes sobre as produtoras galegas independentes para entender o estado actual do noso audiovisual. Na rolda de prensa estiveron a concelleira de Acción Cultural, Mercedes Rosón, e o presidente e a xerente da entidade, Felipe Lage e Uxía Caride.

Baixo o lema "Para sempre. Son a túa familia, non me abandones", esta nova campaña impulsada pola Concellaría de Deportes e Benestar Animal e protagonizada por catro mascotas pretende apelar á sensibilidade dos presentes e futuros propietarios de animais domésticos co fin de previr o maltrato e o abandono animal.

O Festival ofrecerá entre o 7 e o 15 de xuño, un amplo abanico propostas multidisciplinares entre as que destacan Olga Mesa, Cristina Balboa, Catarina Silva, Marc Vives, Mery Pais, Hugo Torres, Verónica Ruth Frías, Olga Cameselle e Alfredo Rodríguez, Federico Vladimir e Pablo Lilienfeld. O xoves 8 de xuño, Antón Reixa abrirá a cuarta edición de Plataforma cunha performance en colaboración coa Banda Municipal de Música de Santiago.