Noticias

Nunha sesión extraordinaria celebrada este xoves, a Xunta de Goberno Local aprobou o expediente e abriu o procedemento para adxudicar as obras de renovación do campo de fútbol das Cancelas. Tamén iniciou os trámites para adxudicar a rehabilitación enerxética de diversos inmobles municipais.

O alcalde de Santiago, Xosé Sánchez Bugallo, participou este xoves nunha visita ao Centro Singular de Investigación en Medicina Molecular e Enfermidades Crónicas (CiMUS), xunto co presidente da Deputación da Coruña, Valentín González Formoso, e o reitor da USC, Antonio López. Exerceron de guías o director e subdirectora deste centro singular da USC, Carlos Diéguez e Mabel Loza.

Na sesión ordinaria do Pleno celebrada este xoves, a Corporación aprobou por unha declaración institucional con motivo da celebración do Día Internacional do Orgullo LGTBIA. Tamén se deu o visto bo á adhesión de Santiago de Compostela á Rede de Entidades Locais para a Axenda 2030, impulsada pola Federación Española de Municipios e Provincias (FEMP).

A Concellaría de Medio Rural vén de publicar as listaxes definitivas de admitidos/as e de agarda do programa Verán no rural, unha vez realizado o sorteo para aqueles centros socioculturais nos que había máis solicitudes que prazas dispoñibles (15 por cada centro). Este foi o caso de cinco dos seis locais nos que se realizará o programa (A Gracia, Figueiras, Lavacolla, Marrozos e Nemenzo), mentres que noutro, o de Villestro, acordouse aceptar as 16 solicitudes.

O Grupo de Cidades Patrimonio da Humanidade lanza hoxe o segundo vídeo da campaña de promoción turística dirixida ao mercado nacional. "Estámoste esperando" é o lema do vídeo producido por Readmore Films e que convida a redescubrir 15 cidades españolas con séculos de historia que este verán potencian o seu atractivo con novas medidas de seguridade e múltiples experiencias para gozar dos seus monumentos, dos seus eventos culturais, dos seus espazos naturais, da súa gastronomía e do seu...

O concelleiro de Mobilidade e Seguridade Cidadá, Gonzalo Muíños, inaugurará oficialmente mañá venres, ás 10:30 horas, a sexta edición do Salón do Vehículo de Ocasión en Santiago de Compostela, que se celebra no Recinto Feiral de Amio do 25 ao 28 de xuño.

A rede de concellos Kaleidos, da que forma parte Santiago de Compostela, está a traballar en oito propostas concretas para xestionar, tanto a situación actual como as súas consecuencias. Dende a rede consideran que se non se actúa inmediata e responsablemente e con visión estratéxica, a explosión social e económica pode ser moi grave. Neste contexto, os concellos actúan como axentes de reactivación da vida cidadá.

A concelleira de Acción Cultural, Mercedes Rosón, presentou este martes o Ciclo de Música de Cámara da Rúa, un programa de 11 concertos da Banda Municipal de Música que se estenderán ata o 16 de xullo. Na rolda de prensa tamén participou o director da formación, Casiano Mouriño.

Xa se coñecen as regueifas gañadoras da IV edición do certame Enreguéifate, un proxecto organizado polos concellos de Ames, Pontevedra, Rianxo, Santiago de Compostela e Teo que apoia a difusión da improvisación oral en verso (regueifa) para contribuír, por medio dela, á promoción do uso da lingua galega. As 11 regueifas gañadoras foron seleccionadas entre os 27 vídeos presentados a concurso, 16 na categoría escolar e 11 na xeral.

Compostela Diversa retoma a súa andaina neste ano 2020 para facer de Santiago un referente da diversidade sexual e de xénero en Galicia, apostando por accións globais e inclusivas que axuden a avanzar na consecución dos dereitos, a visibilidade e a normalización da vida de todo o colectivo. Con motivo da celebración este domingo 28 do Día Internacional do Orgullo LGTBI, preparáronse varias accións, que foron presentada este martes pola concelleira de Igualdade, Noa Díaz.