Noticias

O martes 7 de xullo, ás 10:00 horas, o Concello organiza unha webinar informativa na que se presentarán as conclusións sobre solucións tecnolóxicas innovadoras, froito da escoita ao mercado realizada no proxecto Smartiago, para responder aos retos de mobilidade intelixente e sostible, xestión sostible e intelixente dos residuos sólidos urbanos e alumeado ornamental intelixente para á conservación do patrimonio da cidade de Santiago de Compostela. Esta actividade conta co cofinanciamento da Unión Europea a...

O Boletín Oficial da Provincia (BOP) publica este luns a convocatoria de becas de comedor, adquisición de material escolar e actividades extraescolares para o alumnado dos centros docentes públicos e concertados sostidos con fondos públicos de educación infantil (2º ciclo) e de educación primaria obrigatoria para o curso 2020/2021. Polo tanto, a partir deste martes, 30 de xuño, ábrese un prazo de 15 días hábiles para presentar as solicitudes.

A Xunta de Goberno Local aprobou os prazos e o procedemento de matrícula nos servizos de comedor e de madrugadores para o curso 2020-2021, do que se benefician dez centros de ensino públicos: Apóstolo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (A Lavacolla), Monte dos Postes, Raíña Fabiola e Ramón Cabanillas e, no caso do CEIP Arquitecto Casas Novoa, só o servizo de madrugadores. O prazo de presentación de solicitudes de matrícula estará aberto entre o 30 de...

A Concellaría de Facenda comunica que o luns 6 de xullo será o último no que se poderá realizar o pagamento voluntario do Imposto sobre Vehículos de Tracción Mecánica (IVTM) do período impositivo 2020. Cómpre lembrar que o prazo para o abono deste imposto fora ampliado a raíz da crise da Covid-19.

Xa está todo listo para a celebración este domingo, 28 de xuño, das actividades de Compostela Diversa, coas que a Concellaría de Igualdade vai celebrar o Día Internacional do Orgullo LGTBI. Pola mañá lerase o manifesta con motivo desta data e pola tarde, a partir das 19:00 horas, celebrarase un evento no Teatro Principal que poderá seguirse ao vivo a través de streaming.

O alcalde de Santiago, Xosé Sánchez Bugallo, expresou a súa satisfacción pola aprobación onte, no Consello da Xunta, da achega autonómica de algo máis de 4 millóns de euros para o centro biotecnolóxico Sionlla Biotech, promovido pola Asociación Área Empresarial do Tambre no parque empresarial da Sionlla. Reiterou o compromiso municipal para sacar adiante estas instalacións, que se construirán nun terreo cedido polo Concello de Santiago.

Prima20, a festa do comercio local, continúa esta fin de semana cos establecementos sacando os seus produtos á rúa e actividades para todos os públicos, animando así as compras e o consumo tras o parón do confinamento. A entrada para as actividades é de balde, pero hai que reservala como medida de control de aforo e garantía das distancias de seguridade. A reserva pode facerse a través da web comerciolocal.gal ata as 10:00 horas do día no que se celebra...

O alcalde de Santiago, Xosé Sánchez Bugallo, asistiu á cerimonia de entrega de mando do Aeródromo Militar de Santiago e Comandancia Militar Aérea de Aeroporto de Santiago ao coronel Pedro M. Díaz González.

O concelleiro de Mobilidade e Seguridade Cidadá, Gonzalo Muíños, inaugurou oficialmente este venres a sexta edición do Salón do Vehículo de Ocasión en Santiago de Compostela, que se celebra no Recinto Feiral de Amio do 25 ao 28 de xuño.

O alcalde de Santiago, Xosé Sánchez Bugallo, acompañado doutros integrantes da Corporación, fixo un percorrido a pé por varias rúas da cidade con motivo da celebración da festa do comercio local, Prima20, que arrincou este xoves e que se prolongará ata o domingo 28. Na visita tamén participaron representantes das asociacións comerciais: Paula Sánchez, de EmRede; José Manuel Bello, de Compostela Monumental; José María Seijas, de Comercio Punto Compostela; e José María...