IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio para condenar o último asasinato machista, acontecido o pasado venres en Palma de Mallorca.
CENTROS CÍVICOS E ACCIÓN CULTURAL
O Centro Cívico do Romaño-Vista Alegre, depositario da documentación do programa ONDA
O Centro Cívico do Romaño vaise converter no depositario de toda a documentación elaborada para e durante a celebración do programa ONDA, os días 20, 21 e 22 do pasado xullo. O coordinador do proxecto, Pepe Sendón, fixo hoxe entrega dese material á concelleira de Centros Cívicos, Concha Fernández, e á responsable de Acción Cultural, Branca Novoneyra. Con esta cesión, o centro do Romaño convértese en lugar de referencia para o Observatorio da Nova Diáspora.
ALCALDÍA
Alumnado do CEIP López Ferreiro, protagonista dun pleno infantil con motivo do Día da Infancia
O alcalde de Santiago, Martiño Noriega, presidiu esta mañá un pleno moi especial, no que os nenos e nenas de sexto de primaria do CEIP López Ferreiro exerceron como concelleiros e concelleiras. A sesión que acolleu o Salón de Plenos municipal pretendía conmemorar o 20 de novembro, día mundial da Infancia.
CONSORCIO
A RFG e o Consello da Cultura Galega presentan un disco con obras inéditas do compositor José Arriola
A Real Filharmonía de Galicia presenta mañá mércores, 21 de novembro, o seu último disco: José Arriola. Orchestral Music, con obras inéditas do compositor galego. Será ás 12:00 horas no Auditorio de Galicia.
CONSORCIO
A prestixiosa viola Isabel Villanueva impartirá clases na Escola de Altos Estudos Musicais e tocará coa RFG en Santiago e Vigo
A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de recoñecido prestixio internacional. A vindeira semana contarase coa presenza da viola navarra Isabel Villanueva, que formará tanto aos/ás estudantes da escola como a alumnos/as externos/as. Ademais, tocará coa Real Filharmonía de Galicia, o 28 de...
PATRIMONIO
As Cidades Patrimonio, na Feira de Turismo China CTIM 2018
O Grupo Cidades Patrimonio vén de participar na feira de turismo China International Travel Mart (CITM), unha das feiras máis importantes de Asia, que tivo lugar entre o 16 e 18 de novembro na cidade de Shanghai. A feira está dirixida a todos os sectores da industria turística, tanto na vertente profesional como na de público final.
ALCALDÍA
Martiño Noriega pon o CESGA como exemplo do potencial da cidade
O Centro de Supercomputación de Galicia está a celebrar o seu 25 aniversario, e hoxe organizou un acto conmemorativo no que participou o alcalde, Martiño Noriega. O CESGA botou a andar en 1993, da man da Xunta de Galicia e do CSIC.
ACCIÓN CULTURAL
Aterran en Cineuropa dous dos feitos cinéfilos do ano: "La flor" e "Touch me not"
Tras o éxito de Historias extraordinarias (2008), Mariano Llinás converteuse, xunto a Lucrecia Martel, no autor arxentino de referencia no que vai de século. En La flor xoga cos xéneros e a temporalidade de tal xeito que o que nos ofrece é un filme de case catorce horas, que agora se pode ver en Cineuropa.